hósdagur 28. mai 2015síða 12

Fríggjadagur 29. mai 2015 sosialurin 60 12 tema Útisetaveljarar Lesandi í Keypmannahavn Veist tú av, at føroysk lesandi uttan­ lands kunnu søkja um at varðveita sín rætt at greiða atkvøðu til Løgtings­valið? – Ja. Er tað nóg væl upplýst? – Tað kundi verið betri upplýst. Er hetta ein nóg góð og yvir­skoðilig skipan? – Nei, hetta er ein sera kringlut skipan, sum ber við sær, at nógv lesandi – ið annars høvdu farið á val – halda seg aftur. Er tað rætt, at einans lesandi útisetar kunnu varðveita valrættin og ikki aðrir útisetar? – Ja. Tað er ein stórur møguleiki fyri, at vit lesandi eru flutt heim aftur til Føroyar innan 4 ár og tá er gott at vit hava kunnað havt ávirkan. Samstundis styrkir tað um tilknýti hjá lesandi uttanlands til Føroyar. Um vit velja at verða búgvandi uttanlands, so haldi eg ikki, at tað er í lagi, at vit bæði skulu kunnað hava ávirkan í tí landinum sum vit búgva í umframt tí, sum vit fluttu frá. Hevur/fert tú at skráseta teg til komandi løgtingsval? – Ja, tað er ætlanin. Lesandi í Keypmannahavn Veist tú av, at føroysk lesandi uttan­ lands kunnu søkja um at varðveita sín rætt at greiða atkvøðu til Løgtingsvalið? – Ja. Er tað nóg væl upplýst um valrættin? – Eg meini meg ongantíð hava sæð ella lisið nakað um tað nakrastaðni. Ta upplýsingina eg havi um hetta, havi eg fingið frá vinfólki og kenningum. So nei, eg meti ikki, at tað er nóg væl upplýst. Er hetta ein nóg góð og yvirskoðilig skipan? – Við hesi skipanini ljóðar tað til, at man helst ikki vil hava føroyskar útisetar til at velja. Tí jú meira fløkt mannagongdin er, jú fleiri velja heldur at lata vera. Ivist onga løtu í, at tað finnast aðrar betri og skjótari loysnir – spurningurin er bara, hvør skal seta tær í verk? Er tað rætt, at einans lesandi útisetar kunnu varðveita valrættin og ikki aðrir útisetar? – Eg haldi at tað gevur meining, ja. Tey lesandi eru tey, sum mest sannlíkt koma heimaftur, tí tey enn eru minst rótfest í nýggja landinum. Ímyndi mær bara, at ein føroyingur, sum hevur búð uttanlands í 17 ár, ikki hevur eitt brennandi ynski um at sleppa at velja í Føroyum, um viðkomandi kortini ikki ætlar sær at flyta heim aftur. Men kanska eg fari skeiv. So tað er kanska býtt, at allir føroyingar ikki hava møguleikan at søkja um at sleppa at velja, um tað nú er teirra ynski. Hevur/fert tú at skráseta teg til komandi løgtingsval? – Havi ikki tikið støðu til tað enn. Lesandi í Aarhus Veist tú av, at føroysk lesandi uttan­ lands kunnu søkja um at varðveita sín rætt at greiða atkvøðu til Løgtingsvalið? – Ja, tað veit eg av. Men akkurát hvat og hvussu man skal gera, havi ikki ordiliga skil á. Er tað nóg væl upplýst? – Nei tað haldi eg ikki. Kundi væl verið upplýst nógv meira. Men ikki tað, um man nú veruligani ynskti at hava atkvøðurættin, trúgvi eg ikki, at tað hevði gingið long tíð áðrenn man fann útav mannagongdini. Er hetta ein nóg góð og yvirskoðilig skipan? – Nú havi eg ikki sjálvur verið ígjøgnum hasa turbinuna, men eftir tí, ið skrivað verður, haldi eg avgjørt, at skipanin kundi verið endurskoðað. Trúgvi eisini, at væl fleiri høvdu atkvøtt, um tað var eitt sindur lættari og yvirskoðiligt. Kommunan kundi helst eisini notið gott av tí. Er tað rætt, at einans lesandi útisetar kunnu varðveita valrættin og ikki aðrir útisetar? – Nei haldi ikki tað er rætt, men spurning­ urin er hvar man skal seta markið. Um tú sum føroyingur hevur valt at búseta teg uttanlands, dugi eg ikki at síggja hví man skal atkvøða um viðurskiftini har heima. Men er uttanlandssteðgurin tíðar­ avmarkaður, er støðan ein onnur. Tá eigur tað at vera líka mikið, um tað er í samband við lesnað, arbeiðið ella eitt triðja. Hevur/fert tú at skráseta teg til komandi løgtingsval? – Nei, tað vænti eg ikki. Eg havi fylgt ov lítið við í føroyskum politikki, fyri at kunna seta eitt væl gjøgnumhugsað X, sum eg kann standa inn fyri. So kann eg tað sama lata vera. mortan@sosialurin.fo Lesandi í Keypmannahavn Veist tú av, at føroysk lesandi uttan­lands kunnu søkja um at varðveita sín rætt at greiða atkvøðu til Løgtingsvalið? – Ja. Er tað nóg væl upplýst um valrættin? – Tað er ikki heilt galið. Er hetta ein nóg góð og yvirskoðilig skipan? – Tað ljóðar sum eitt sindur nógv, men eg havi brúkt hendan rættin, tá síðsta løg­ tingsval var og eg helt tað var yvirkomiligt pappírs­arbeiði, men tað kann sjálvandi altíð gerast einklari. Er tað rætt, at einans lesandi útisetar kunnu varðveita valrættin og ikki aðrir útisetar? – Um man aktivt søkir um at sleppa at lut­ taka til løgtingsvali, so átti tað at verið líka mikið um viðkomandi arbeiðir ella er lesandi. Men tað skuldi kanska veri eitt mark, soleiðis at X ár aftaná ein er fluttur, so kann man ikki luttaka longur. Hevur/fert tú at skráseta teg til komandi løgtingsval? – Tað er ætlanin ja. Karina Poulsdóttir Debes Rúna Højgaard Jóannes Martin Johannesen Rúni Klein Hansen »Ein sera kringlut skipan« »Eg haldi tað gevur meining« »Kundi verið upplýst meira« »Tað var yvirkomiligt« Sjálvstýrisflokkurin fekk færri atkvøður á seinasta løgtingsvalið, enn tað eru føroysk lesandi uttanlands Visti tú? Í meðal hava einans 29% av teimum lesandi útisetunum skrásett seg til seinastu trý løgtingsvalini Voxpop Til tess at søkja um upptøku á vallistanum, er neyðugt at fáa til vega skjøl frá útbúgvingar­stovninum, ið prógvar sín lestrarvirkna umframt bústaðaryvirlit frá síni føroysku kommunu. Hesi skulu síðani sendast kommununi saman við umsóknarblaðnum.