mánadagur 1. juni 2015síða 4

Mánadagur 1. juni 2015 · Nr. 61 4 Sosialurin Hugskot og viðmerkingar – send sms til 225000 ÍTRÓTTUR NÚ KEMUR SKÝLI VIÐ LØKIN Hilmar Jan Hansen Í næstum fer eisini fót­bólts­ vøllurin við Løkin í Runa­ vík at teljast millum teirra, ið hava eitt skýli, so áskoð­ ararnir kunnu sita undir taki. Hetta hevur leingi verið ein ætlan, og fundament við sitiplássum varð gjørt í 2004, men enn hevur verið bíðað eftir skýlinum, ið nú er væl ávegis. – Møguleikin stakk seg nokk so knappliga upp, nú Kaas Byggeindustri allíka­ væl er í landinum við fólki, sum ger eini tvey stór­ar­ beiði, bar til at fáa teir at gera konstruktiónina til skýlið eisini og fáa hana setta upp, sigur Kári Eg­holm Jacob­sen, formaður í mentanar­nevnd­ ini í Runavíkar kommunu. – Vit fingu eina góða avtalu við teir, nú teir eru her á leiðini, so tað ráddi bara um at handla skjótt og taka av teirra góða tilboði. Áður hava kostnaðarmetingar sagt, at eitt skýli við Løkin fór at kosta einar fýra milliónir krónur, men nú fáa vit skýlið upp fyri hálvaaðru millión krónur. Kári sigur, at umframt góða tilboðið frá Kaas Bygge­ industri, so koma eisini 300.000 krónur í stuðli frá »hat-trick«-grunninum hjá UEFA, umframt at Borg hev­ ur verið lagaligt við timbri og hurðum. Og hartil kemur so, at tað verða fólk frá NSÍ, ið koma at gera timbur­arbeiði, sum komm­un­an tó kemur at standa fyri. – Ynskið um at fáa eitt skýli, hevur verið í fleiri ár, men hevur ikki verið eitt mál í býráðnum tey seinnu árini, og ei heldur var tað við í fíggjarætlanini hjá Runavíkar kommunu. Men nú møguleikin stakk seg upp, valdu vit at gera skjótt av, sigur mentanar­nevndar­ formaðurin. – Í hesi vikuni kemur takið á, og so verður arbeiðið at klæða skýlið gjørt, og so hava vit fingið uppaftur betri umstøður við Løkin. Ikki minst kann hugsast, at áskoðararnir koma at hoyr­ ast nógv betur inn á vøllin, so tað bæði hjá spælarum og áskoðarum verður eitt størri upplivilsi at koma til dyst. Svimjihøll næst Kári Egholm Jacobsen vísir á, at nógvu íløgurnar, sum eru gjørdar við Løkin seinnu árini, nú eru við til at skapa ein rættiligan ítróttardepil, sum nú fevnir um væl út­ gjørdan fótbóltsvøll, dag­ førda ítróttarhøll og so ta spild­urnýggju fimleika­høll­ ina. – Kringumstøðurnar við Løkin eru munandi batn­ aðar, men enn verður hugt frameftir, tí ætlanir eru frammi um at gera meira burturúr. Millum annað er ætlanin á komandi fíggjar­ ætl­an at seta pengar av til pro­sjektering av nýggjari svimjihøll, sum enn tó ikki er endaliga viðgjørd politisk, sigur hann. – Men hugsanin hevur verið, at talan skal vera um eina fólksliga høll, ið bæði hevur pláss fyri elituni og vanligum fólki, so hon bæði kann brúkast til tær kappingar, sum eru, og vera eitt hugnaligt stað við ymsum hentleikum, ið hoyra til. Tankin hevur verið, at svimjihøllin kundi verið bygd upp í norðursíðuna á ítróttar­høllini, so vit fáa hallarumstøður, ið veruliga skapa ein ítróttardepil. Enn er eingin avgerð tikin um, hvat møguliga kann gerast niðan fyri vøllin, tí har er støðan tann, at Runavíkar kommuna eigur oman til Løkin, ið rennur skamt frá vøll­inum, og so eigur Nes komm­una tað, sum er hinumegin. – NSÍ hevur einki felags­ høli, og ein møguleiki kundi verið, at gjørt tað niðan fyri vøllin, men eisini er ein møgu­leiki, at tað verður uttan fyri vøllin, so tað í eini fram­tíðarætlan møguliga kann koma at liggja millum tveir vøllir. Núverandi vøllur verður nógv brúktur, so tað er skjótt brúk fyri at fáa ein vøll aftrat, og tá kundi eitt felagshús blivið partur av tí ætlanini, sigur Kári. – At vit fáa góðar um­ støður við Løkin, hevur eis­ ini øgiliga nógv at siga fyri trivnaðin, tí tað ger sítt til, at fólk kunnu trívast her og vilja búgva í økinum, tá neyðugu hentleikarnir eru til staðar. – Skýlið við fótbóltsvøllin í Runavík er bara ein liður í at gera alt økið við Løkin til ein rættiligan ítróttardepil, sum nú fevnir um væl útgjørdan fótbóltsvøll, dagførda ítróttarhøll og so ta spildurnýggju fimleikahøllina, sigur formaðurin í mentanarnevndini í Runavíkar kommunu Kári Egholm Jacobsen, formaður í mentanarnevndini í Runavíkar kommunu, avmyndaður við konstruktiónini til nýggja skýlið við Løkin í bakgrundini Mynd: Hilmar Jan Hansen NSÍ fegnast Hilmar Jan Hansen – Tað verður øgiliga gott at fáa eitt skýlið við Løkin, og nógvir fyrimunir eru við tí. Eitt er, at fólk koma at fáa betri og turrari pláss, tá tey eru til dyst, men so hevur skýlið eisini eina savnandi funktión, tí tá standa fólk ikki spjadd um alt økið, men leita sær til áskoðaraplássini, sum eru undir taki, sig­ur Sonni L. Petersen, for­ maður í NSÍ. – Heldur ikki verður tað so nógv av hesum, at fólk sita í bilinum hjá sær og hyggja, tí skýlið tekur jú eisini nakað av útsýninum. Og teir í Guliganz eru í øllum før­um spentir upp á tað, tí nú fer nógv meira at kunna hoyrast til áskoðararnar, tá dystir eru. Sonni sigur, at skýlið er nakað, tey hava longst eftir í mong ár, men nú tað kom, var tað næstan soleiðis, at Runavíkar kommuna »yvirhálaði« NSÍ og fótbóltsfólkið á staðnum. – Vit hava kanska ikki júkað so nógv um at fáa tað, men tá møguleikin nú knappliga var har, var tað ein góður møgu­ leiki vit frøast um. Fólk frá felagnum koma eis­ini at hjálpa til við timbur­arbeiðinum, so okkara partur skal ikki liggja eftir, sigur NSÍ- formaðurin. – Fingu vit so eisini eitt felagshús hinu meg­ in vøllin, høvdu um­støð­ urnar verið fullkomnar hjá okkum. Men vit fegn­ast um tað, sum nú verð­ur gjørt, og vit kunnu ikki annað enn rósa komm­ununi fyri, at hon tekur sær væl av NSÍ.