mánadagur 1. juni 2015síða 61

VIKA 23 l 1. JUNI 2015 Ókeypis lýsingarblað 3 Vilmund Jacobsen Nú Country-og Bluesfestivalurin í Sør­ vági stundar til, ynskir borgar­stjórin í Sørvágs kommunu, Sune Jacob­sen, vegna kommununa at bjóða øllum - bæði nær og fjar - hjartaliga væl­ komnum til bygdar at hugna sær og taka sær av løttum eina løtu. Borgarstjórin fegnast almikið um, at Sørvágur eigur fólk, sum nú ár um ár megna at reisa eitt so stórt tón­ leikatiltak á føtur, sum festivalurin er. At hetta hevur eydnast - við fjøl­ broyttari og forvitnisligari skrá og dugnaligum føroyskum og útlendsk­ um tónleikanøvnum - undrar tó ikki borgarstjóran. Ríkt tónleikalív Sørvágur eigur eitt ríkt tónleikalív, sum røkkur heilt aftur til tíðina í seksti­árunum, tá lærarin, Leif Nolsøe, byrjaði við undirvísing og hornorkestri fyri børn og hálvvaksin í bygdini. Sørvágur hevur átt nógvar horn­ blás­arar, og bygdin eigur góðar tón­ leikarar og tónleikabólkar. Áður hevur Sune Jacobsen tikið til, at høvdu øll, sum spæla á ymisk ljóðføri í Sørvági, verið savnaði á eini felagsmynd, hevði hetta verið eitt rættiliga stórt tal - og helst nógv størri, enn flestu duga at ímynda sær. - Mín tónleikaførleiki er til hús­ brúks, men eg eri onga løtu í iva um týdningin av tí arbeiði, sum lagt er í ung­dómin og tónleikalívið í bygdini annars. Borgarstjórin er heldur onga løtu í iva um, at tónleikaáhugin, sum tíðliga í tíðini er kveiktur í Sørvági, hevur havt positiva ávirkan á trivnað og mentan í bygdini. Hjartaliga vælkomin - Vit í bygdaráðnum eru sera fegin um Country-og Bluesfestivalin í Sørvági, og vit takka øllum, sum á ymiskan hátt standa aftan fyri hetta stóra og vælskipaða tiltak, ið er til frægd fyri so mong. Vit gleða okkum at taka ímóti øllum gestunum, og øll skulu vera hjartaliga vælkomin til bygdar, sigur Sune Jacobsen, borgarstjóri í Sørvágs kommunu. Sune Jacobsen, borgarstjóri BORGARSTJÓRIN BJÓÐAR VÆLKOMIN – Vit eru sera fegin um Country-og Bluesfestivalin í Sørvági, og vit takka øllum teimum, sum á ymiskan hátt standa aftan fyri hetta stóra og vælskipaða tiltak, ið er til frægd fyri so mong. Vit gleða okkum at taka ímóti øllum gestunum, og øll skulu vera hjartaliga vælkomin til bygdar, sigur Sune Jacobsen, borgarstjóri í Sørvágs kommunu Sørvágs Kommuna www.sorvag.fo Øllum verður ynskt vælkomnum á Country & Blues festival 5. - 6. juni