mánadagur 1. juni 2015síða 62

VIKA 23 l 1. JUNI 2015 Ókeypis lýsingarblað 4 Jens Lisberg Best kendu country røddina í Før­ oyum, eigur Jens Lisberg. Jens Lisberg hevur sera drúgvar royndir innan tónleik og gjøgnum mong ár, hevur hann verið við í eini ørgrynnu av tónleikatiltøkum, har hann hevur spælt til dans, á konsertum o.l. Hann hevur saman við bólki luttikið á stóra danska festivalinum, Scandinavian Artists Countryfestival í Silkeborg. Har luttóku nøvn sum Stella Parton, Bjorø Håland og Tombola Band úr Svøríki. Jens hevur ikki verið so virkin í nøkur ár og gleðir seg tí almikið at luttaka á Sørvágs Country- og Bluesfestivali saman við sínum bólki. Jens fer at framføra løg hjá Jim Reeves og annan nýcountrytónleik. Í bólkinum eru: Jóhan Martin Jacobsen, guitar, Jákup Zachariasen, guitar, Sámal Midjord bass, Bernhard H. Petersen, tangentar og guitar og Per Ingvald Petersen, trummur. Í kórinum eru Sigga Hansen, Fríðgerð M. Ellefsen og Barbara á Tjaldrafløtti. The Reverends Nú koma teir á Sørvágs Country- & Bluesfestival 5. & 6. juni. The Reverends er ein av bólkunum, sum festivalgestirnir leingi hava spurt eftir, hetta er ein sera spennandi bólkur, sum í fleiri ár hevur verið virkin í Danmark og gav í 2009 út vælumtóktu fløguna "When Youre Done". Limirnir í The Reverends hava hvør sær íblástur úr ymsum tónlistaligum greinum og tí er úrslitið eitt slag av alternativum countrytónleiki, ið er heldur óvanligur í føroyska tónleikaheiminum. Sjálvir rópa teir tað norðurlendskt americana. Manningin í The Reverends er: Niclas Thorsteinsson, sang – Janus Kamp­ mann, guitar – Kristin Nolsøe Bech, bass – Rúni Mouritsen, trummur og Jens V. Jacobsen, guitar Kristel Lisberg Kristel Lisberg fer at framføra á Sørvágs Country- & Blues­ festivali, sum verður á Dungasandi tann 5. & 6. juni. Kristel, sum var tilnevnd sum ársins songkvinna á FMA í ár og, sum í løtuni er aktuell við stak- og sjónbandalagnum September, fer at framføra egin løg, bæði kend og ókend, ”Hetta staklagið er sera persónligt fyri meg. Tað er ognað beiggja mínum, sum ikki er ímillum okkum meira”, greiðir Kristel frá og leggur afturat ”Eg arbeiði miðvíst við egnum tilfari og eri í holt við ymsar verkætlanir. Næstu tíðina fara fleiri einstøk løg at koma út, og síðani fari eg at taka støðu um fyrstu fløguna”. Afturat egna tilfarinum, fer hon at tríva í nøkur góð Country løg, sum hon ofta sang til konsertir saman við pápa sínum Jens Lisberg. “Eg havi altíð dáma sera væl coyntry og tað var sum so har alt byrjaði hjá mær” – sigur Kristel. Afturat sær hevur Kristel dugnaligar tónleikarar, teir eru: Brandur Jacobsen, trummur – Eyðun Johannesen, bass – Magni W. Husgaard, klaver og Bartal Augustinussen, guitar. Blátt Gras Í fjør vóru teir einamest kendir í Vágum. Síðani fløguútgávuna í november 2014, hava teir javnan verið at hoyrt í útvarpsrásunum. Blátt Gras gav út fløguna “Ávegis” eftir at hava verið í Nashville í North Carolina í USA og tikið upp. Eftir at fløgan kom út, og kanska serliga eftir, at bólkurin vann heiðurin á FMA at eiga besta sang innan country, folk og blues, so hevur eftirspurningurin verið sera stórur. Tað var nemliga sangurin “There is room at the table”, ið bleiv kosin ársins sangur. Bltt Gras hevur verið runt nógvastaðni í Føroyum og móttøkan hevur verið sera jalig. Manningin á fløguni er: Ragnar Joensen, Terje Johannesen, Jóhan Mikkelsen, Richard H. Johansen, Gunnar Steintún og David Johnson. Rógvi Johannesen hevur loyst Gunnar av á bassinum eftir at Gunnar fór á skúla í Norra. Hetta er triðju ferð, at Blátt Gras er umbiðið til Sørvágs Country og Blues Festival. Manningin lovar, at hóast hetta er triðju ferð, so verður okkurt nýtt tilfar, sum áhoyrararnir skulu gleða seg at hoyra. Laura van den Elzen er uttan iva ein av bestu kvinnuligu country sangarum í Evropa. Laura er bert 17 ára gomul og hevur longu nú framført nøkur ár á altjóða country tónleikapallum. Tá hon var 12 ár, var hon nr. 2 í stórari sjónvarpstónleikapping, sum samlaði milliónir av hyggjarum í Hollandi og Belgia, hvørja viku. Nú meira enn 4 ár seinni, spælir hon eina rúgvu av konsertum í Hollandi og á stórum festivalum í Evropa, serliga í Týsklandi, Belgia og Hollandi. Áhoyrarnir hava tikið sera væl ímóti Lauru og verður hon fagna alla staðni har hon framførir. Laura framførir tónleik av Dolly Parton, Linda Ronstadt, Miranda Lambert og fleiri øðrum, hon framførir eisini nakað av nýggjasta countrytónleikinum og so syngur hon eisini rock sangir hjá Tinu Turner, tað er, sum Laura kallar tað “country-Rock” og "country-Pop" tónleikur. Harumframt fer hon eisini at framføra tónleik, sum hon sjálv hevur skrivað. Í fjør hittust Laura van den Elzen og Hallur Joensen undir eini konsert í Berlin. “Vit fingu tár í eyguni av at hoyra Lauru synga – ein rísandi stjørna” sigur Hallur Joensen um Lauru van den Elzen, sum fer á pallin í Sørvági tá ið Country- & Blues festivalurin verður tann 5. og 6. juni 2015. Hagni Christia­n­ sen Áhugin hjá Magna fyri tónleiki byrjaði av álvara, tá hann í 1980 byrjaði at lurta eftir m.a. Shakin Stevens. Heima hjá teimum var nógv lurta eftir tónleiki, tá vóru tað Cliff Richard, Buck Owens og onnur, ið vóru frammi. Seinni byrjaði hann so at spæla í orkestri. Í 1997 kom hansara fyrsta andaliga fløga út. Í alt hevur Magni givið seks fløgur út sjálvur. Mest spælda lagið hann syngur, man vera "Við vegin", sum Martin Joensen skrivaði og sum Magni syngur saman við Sigrið Rasmussen. Magni hevur spælt nógv kring landið til møtir, konsertir, sølustevnir, vígslur, føði­ng­ ar­dagar o.a. Laura, ein rísandi country­ stjørna