mánadagur 1. juni 2015síða 68

VIKA 23 l 1. JUNI 2015 Ókeypis lýsingarblað 10 Halleluja Sofus Eftir eitt brak av eini framførslu á Country- & Bluesfestivalinum í fjør, er Halleluja Sofus aftur á skránni í ár, og hann lovar enntá, at framførslan í ár verður lívligari enn seinast. – Eg komi á Festivalin við einum opnum sinni og góðum humøri, sangirnir vera meira upptakt enn í 2014. Sangirnir verða deilvís av nýggju fløguni og so góðir gamlir slagarar,  orkestrið telur einar 8 og tónleikarnir eru stórt sæð teir somu sum seinast. – sigur Sofus og leggur aftuat at tað ikki er greitt enn um fløgan verður klár til útgávu áðrenn festivalin. Festivalgestirnir hava nógv at gleða seg til, tá Halleluja Sofus fer á pallin tá Sørvágs Country- & Bluesfestivalur verður 5. & 6. juni. Uni Debess & The Tomcats Aftur í ár at spæla á Sørvágs Country & Blues Festivali, og manningin boðar frá góðsku og drúgvum royndum. Uni sigur frá, at teir í løtuni eru í studio, har teir leggja seinastu hond á eina nýggja fløgu, sum hevur verið í ger í uml. hálvtannað ár. Tónleikurin á hesu fløgu er meiri yvir í funk/rock/blues, sum var nógv at hoyra í 1960'unum og 70'unum. Hóast fløgan ikki verður tøk fyrr enn uml. Septembur 2015, so fer bólkurin at spæla nøkur av løgunum av nýggju fløguni á festivalinum í ár. Manningin í bólkinum er: Uni Debess - sang, gittar og munn­ harpu Finnur Hansen - orgul og kór Edvard Nyholm Debess - bass og kór Rógvu á Rógvu - trummur Robert og Vinmenn Robert McBirnie hevur í tveimum umførum verið tann, sum hevur stýrt pall­ unum og pallskiftunum á Country- & Bluesfestivalinum, men soleiðis verður tað ikki í ár, tí í ár fer Robert saman við vinmonnum, sjálvur at framføra. Robert og Vinmenn eru alt góðir og garvaðir tónleikarar, sum hava spælt saman í nógv ár, ja tríggir av teimum í meira enn 30 ár. Manningin er: Robert Mc.Birnie, Guitar og Sang, Ólavur Øster, Guitar, Finnur Hansen,  Keyboard og Sang, James Olsen, Trummur og Sang. Jón Mc.Birnie, Bass  Skráin fevnir ógvuliga breitt , heilt frá Blues yvir til Rhythm and Blues og til Country & Country-Rock. Og so sjálvandi nakað av tí føroyska hjá Robert sjálvum, sum hann vónar, at fólk fara at syngja við til!! Vágaverk/Váðaverk Fyri fyrstu ferð er Vágaverk/Váðaverk á skránni hjá Country- & Bluesfestivalinum. Seinastu árini hevur hesin bólkur verið ein av mest spældu bólkum í føroysku úrvarpsrásunum, Vágaverk hevur givið tvær fløgur út, tann fyrra “Vágaverk/Váðaverk” kom út í 2002, av tí perlurekkjuni av løgum á tí fløguni, kunnu vit millum onnur nevna hesi løgini, sum hvørt mansbarn man kenna, Medistari í Karry, Á trappuni hjá Lenu, Eftir 1001 Nátt og Jung & Freud & Fromm og úr seinnu fløguni, sum kom út í 2014 “Drekkivatn”, kunnu vit úr tí perlurekkjuni av løgum nevna Hvar Baby - Ljóta verð, Gamla mer – Býtisbarn og Tað var tá. Drekkivatn varð á FMA fyrr í ár, vald til ársins fløgu í 2014 undir bólkingini Blues, Folk & Country. Teir, sum spæla við Vágaverk á Country- & Bluesfestivalinum eru: Jóan Jakku Guttesen, sang - Sámal Ravnsfjall, sang – Ronny Nielsen, sang – Brandur Jacobsen, trummur – Jón Mc.Birnie, bass – Kim Hansen, ljómborð, Leivur Thomsen, guitar og Ólavur Øster, guitar KK-Band KK-Band er mannað við trimum monnum, KK (Kristján Kristjánsson) - sang & guitar, Þorleifur Guðjónsson – bass & sang og Kormákur Geirharðsson – trummur & sang. Teir spæla up-tempo tónleik sum flirtrar við Blues, Bluegrass, Country, Rock og Rockabilly við onkrari balladu inn ímillum. Henda manningin hevur spælt saman síðani 1992. Kristián Kristjánsson (KK) er føddur í Minneapolis, Minnesota USA, hann flutti til íslands, tá hann var 10 ára gamal. Hann bleiv ein partur av blues tónleikaverðini í Íslandi í 70’unum. Í 1985 fór hann eina 5 ára fjakkaraferð í Evropa, har hann livdi av at spæla á gøtuni runt í teimum Evropeiisku býunum. Síðst í 1990 flutti KK aftur til Íslands og hevur hann búð har síðani. Á síni tónleikaleið, hevur KK fingið fleiri enn 20 gull-, platin- og multi-platin heiðurslønir og 2 Íslendskar Music Academy Awards. Harafturat hevur hann fingið fleiri viðurkenningar fyri ymisk tónleikalig projektir. Hann hevur millum annað eisini skriva tónleik til film, sjónvarp og sjónleik. Frá 1985 til 2010 turneraði KK rættuliga nógv kring heimin, hann hevur millum annað spælt í Kina, Kanada, Frankaríki, Týsklandi, Stórabretlandi, Spania og USA. Hann hevur innspælt og gjørt tónleik saman við teimum kendastu Íslendsku tónleikarunum, herundir Bjørk og Sigurrós. The European Highwaymen Aftanfyri navnið The European Highwaymen eru tveir royndir og kompromileysir tónleikarar, sum ongantíð hava latið seg lokka av mótabluffi og dagsins trendum. Tónleikarnir eru G. Thomas og Arly Karlsen. Teir hava turnerað lond og ríkir í ein mansaldur, framført á mongum countryfestivalum í Norra og aðrastaðni í Evropa og USA. Báðir hava teir ein røð av útgávum aftan fyri seg og hava selt væl av plátum/fløgum, har fleiri av løgum teirra hava verið á hitlistunum í fleiri londum. Hesir báðir tónleikarnir eru ein serstakliga góð samanseting har G.Thomas hevur nærleikan av outlaw tónleikinum hjá sær og Arly Karlsen hevur Mr. Cash í blóðinum. Teir hava nú sungið og spælt saman í 7 ár. The European Highwaymen framføra bæði egið skrivað tilfar og nýtt og gott gamalt