mánadagur 1. juni 2015síða 67

VIKA 23 l 1. JUNI 2015 Ókeypis lýsingarblað 9 AFTANKVIRRA ÓNLEIKAVERK FAKTA Nýtt tónleikaverk verður framført á Country- og Bluesfestivalinum 2015. Sørvágs Tónleikarfelag framførir. Á Sørvágs Blues & Country Festivali fer orkestrið at framføra ymiskt m.a. popp,  marsj, fólkalag, country og eitt nýtt lag, sum Atli Kárason Petersen (abbasonur gamla læraran Napoleon Petersen í Sørvági) hevur skrivað. Lagið eitur Gamli Dávur, og er umbiðið av Sørvágs kommunu, í samband við, at Sørvágs kommuna í ár verður 100 ár sum sjálvstøðug kommuna. Gamli Dávur sigst verða tann, ið breyt bátsbandið. Bátsbandið varð tikið av í 1865. Árini eftir, at bátsbandið varð tikið av, trífaldaðist útróðrarveiðan tey næstu seks árini. Sjey ár seinni kom fyrsta sluppin.  Áðrenn hetta hevði "vanligi" maðurin skyldu at rógva út við báti hjá presti ella bónda, og kundi tí illa manna egnan útróðrarbát. Sum onnur hornorkestur í Føroyum tekur Sørvágs Tónleikarfelag árliga lut í mongum tiltøkum. Í ár hevur orkestrið væntandi einar 20 framførslur. Felagið hevur ment seg nógv seinnu árini. Tróndur Herason Olsen er á triðja ári dirigentur hjá felagnum. Seinastu mongu árini hava John Mouritsen, Páll Joensen og Mads K. Johannesen staðið á odda fyri felagnum.