týsdagur 2. juni 2015síða 8

Mikudagur 3. juni 2015 · Nr. 62 8 Sosialurin Hugskot og viðmerkingar – send sms til 225000 MELDURIN Terji Nielsen Nevndin í Atlantsflogi boð­aði stutt fyri døgurða týsdagin, at felagið hevði sett 44 ára gomlu Johannu á Berg í starvi sum nýggjan stjóra í felagnum. Johanna er uppvaksin í Havn, men hon er gift til Klaksvíkar og hevur seinastu mongu árini verið búsitandi í Klaksvík. Eitt spennandi felag í menning Tað hevur ikki eydnast at fingið fatur á Johannu á Bergi, men við Rás 2 segði nýggi stjórin í Atlantsflog, at hon var sera fegin um nýggja møguleikan, ið hon hevði fingið. Eg eri ótrúliga glað fyri at hava fingið henda møgu­ leika. Hetta er ein nýggj og spennandi avbjóðing, og Atlantsflog er eitt sera spenn­andi felag í stórari menning, segði Johanna á Berg. Seinastu níggju árini hevur Johanna á Bergi verið stjóri á Faroe Ship, og sjálv er hon ikki í iva um, at hon kann brúka sínar royndir frá tí starvinum í sínum nýggja starvi. Eg kann heilt víst brúka mínar royndir frá starvinum á Faroe Ship. Har havi eg arbeitt saman við nøkrum fleksiblum og sera dugna­ ligum fólkum, sum eg havi lært nógv av, og tað kann eg heilt víst taka við mær í nýggja starvið, segði Jóhan­ na á Bergi. Gleðir seg at mark­nað­ arføra land og felag Tað er einki at taka seg aftur í, at ein stjóri í At­lantsflog hevur ein stóran leiklut í, hvussu Føroyar verða mark­ naðarførdar uttan­lands, og Jóhanna á Bergi viðgongur eisini, at júst tað er ein ógvuliga spennandi partur av starvinum, sum hon gleðir seg nógv til. Eg haldi, at tað er ótrúliga spennandi at sleppa at marknaðarføra bæði Føroyar og Atlantsflog, segði hon við Rás 2. Hóast nýggi stjórin gleðir seg til komandi avbjóðingar, so er tað tó ikki uttan sorgblídni, at hon fer at siga gamla arbeiðsplássinum far­ væl. Eg havi verið sera fegin um tíðina á Faroe Ship, og tað er ein tíð, sum eg altíð fari at minnast aftur á við gleði, sigur Jóhanna á Bergi, sum ikki heldur, at tað ber til at samanbera stjórastørvini á Faroe Ship og Atlantsflogi. Hon var týsmorgunin við á starvsfólki hjá Atlantsflog á flogvøllinum, og har fekk hon eisini høvi at heilsa upp á nýggju starvsfelagarnar á fyrsta sinni. Tað var øgiliga stuttligt at heilsa uppá tey. Har vóru bæði kend og ókend andlit, og eg bleiv væl móttikin, sigur hon. Vald burturúr 45 umsóknum Áhugin fyri starvinum sum stjóri í Atlantsflog var sera stórur, tí ikki færri enn 45 umsóknir vóru til starvið. Allir umsóknirnar hava verið vigaðar, og Atlantsflog hevur havt eina skipaða setanartilgongd, áðrenn val­ ið loksins fall á Johannu á Bergi. Jóhanna á Bergi, sum er 44 ára gomul, hevur drúgvar royndir í bæði leiðslu- og nevndararbeiði. Hon hevur sum áðurnevnt verið stjóri á Faroe Ship seinastu níggju árini, og hon hevur eisini verið sølustjóri hjá JFK í átta ár. Eitt skifti var hon eisini søluleiðari hjá Fiskasøluni í Fraklandi. Harumframt hevur hon leiðsluútbúgving frá Robert Gordon University í Skot­ landi, og hon hevur eisini útbúgving innan sølu og marknaðarføring frá Danska Eksportskúlanum í Herning. Ársins leiðari í fjør At Jóhanna á Bergi hevur verið væl lýdd millum síni starvsfólk er einki dulsmál, og í fjør fekk hon eisini heiðurin sum ársins leiðari Jóhanna á Bergi er sett í starv sum nýggjur stjóri hjá Atlantsflog. Hon gleðir seg til uppgávuna, sum hon kallar eina nýggja og spennandi avbjóðing EIN NÝGGJ OG SPENNANDI AVBJÓÐING »Eg eri ótrúliga glað fyri at hava fingið henda møguleika. Hetta er ein nýggj og spennandi avbjóðing, og Atlantsflog er eitt sera spennandi felag í stórari menning« Jóhanna á Bergi: