týsdagur 2. juni 2015síða 18

Mikudagur 3. juni 2015 · Nr. 62 18 Sosialurin XVI AGG WORLD CHAMPIONSHIP AGG JUNIOR WORLD CHAMPIONSHIP FAROE ISLANDS 2015 Eyðun Klakstein Hetta vikuskiftið fáa før­ oysk lið í estetiskum fimleiki størstu avbjóðingina nakran­ tíð, tá ið tey skulu luttaka í HM á heimavølli. Eitt er at sleppa við til hesa sterku og siðbundnu kapping, annað er, at hon verður hildin í Føroy­um fyri fyrstu ferð. Kvinnuliðið hjá Havnar Fimleikafelag hevur gjørt nógv burtur úr fyrireik­ing­ unum til HM-kappingina. – Vit hava vitað í langa tíð, at HM skuldi verða í ár, og tí løgdu vit eina miðvísa venj­ ingar­ætlan fram ímóti hesi kapping. At tað so skuldi gerast ein kapping í Føroy­ um, hevur bara gjørt alt meira hugaligt og spennandi, sigur Eyð Strøm, sum er venj­ ari hjá kvinnuliðnum hjá Havn­ar Fimleikafelag. – Okkara seria varð gjørd fyri langari tíð síðani, og longu í mars vóru vit til reiðar við tí, sum vit skulu fram­føra. Ofta verður arbeitt við serium stutt áðrenn kapp­ingar­nar, men hesaferð hava vit verið í góðari tíð, og tað styrkir sjálvsagt okkara fram­førslu, sigur hon. Fólkamentan Serian, sum liðið hjá Havnar Fimleikafelag skal framføra í HM, er gjørd í samstarvi við finska Antton Laine, sum er eitt stórt navn innan fim­ leikin. Hann hevur ment eina seriu, sum byggir á fólka­ mentan og fólkadans, og teamið gongur eisini aftur í bún­unum hjá kvinnunum, tí búnar­nir byggja á føroyska tjóðar­búnan – bæði tí hjá monn­um og kvinnum. Antton Laine er ein nógv umbiðin maður, og hann hevur gjørt fleiri av seriu­ num, sum skulu framførast í HM-kappingini um viku­ skiftið. Altjóða kappingar Ein avgerandi partur av fyri­ reikingunum hjá Havnar Fim­leikafelag til HM-kapp­ ingina hevur verið luttøka í øðrum altjóða kappingum. – Okkara gentur eru ikki so vanar at framføra í kapp­ ingum, sum onnur lið eru, og tí avgjørdu vit at verða við í tveimum World Cup kapp­ingum. Hetta skundaði undir okkara venjingar og fyri­reikingar, og hevur sum heild verið sera gott fyri liðið, sigur Eyð Strøm. Liðið luttók í World Cup kapping í Sofia í Bulgaria og seinni í Tampere í Finlandi. Har fekk liðið fyrst 13 og síð­ani 15 stig, sum eingi før­ oysk lið áður hava megnað í hesum kappingum. – Vit hava gjørt eitt stórt lop í ár og hava fingið tey bestu úrslitini nakrantíð í hes­um altjóða kappingunum. Eisini hava vit fingið nógv rós frá dómarum og øðrum fólki í fimleikaheiminum í sambandi við hesar kapp­ ingar, sigur Eyð Strøm. Droyma um finalupláss Um vikuskiftið verður tað álv­ari, og kappingin, sum kvinn­ur­nar hava vant fram til í so langa tíð, verður hildin. – Tað er ein stór motiva­ tión fyri okkum, at HM kapp­ ingin er á heimavølli, her øll í føroyskum fimleiki, familja og vinir kunnu síggja og upp­ liva okkara framførslu. Vit gleða okkum til at sleppa at vísa okkara seriu, sigur Eyð Strøm. Seinastu fyrireikingarnar verða gjørdar gjøgnum vik­una. Liðið venur allar dagar­nar, og tær hava eis­ ini fingið høvi at venja á gólv­inum í høllini á Hálsi, har sjálv kappingin eisini verður hildin, og tað er ein fyri­munur saman­ borið við kappingar uttan­ lands, tá ið liðini typiskt fáa fimm minuttir á kapp­ingargólvinum sum fyrireiking til sjálva kapp­ ingina. – Hetta er ein sera sterk kapp­ing, og nógv av liðunum eru framúr góð. Okkara mál verður fyrst og fremst at vinna tey 15 stigini, sum vit áður hava fingið, og skuldi tað ótrúliga hent, at vit komu í finaluna, so hevði tað verið tað størsta úrslitið, vit kundu fingið, sigur Eyð Strøm. 23 lið verða við í kapping­ ini, og 10-12 lið verða síðani senda víðari til finaluna, sum verður sunnudagin. Liðið hjá Havnar Fimleika­ felag er eftir úrslitini í World Cup kappingunum flutt upp í A-bólkin til kappingina hesa­ferð, og tað fegnast tey stór­liga um. – Vit kappast ímóti teim­ um bestu í heiminum, men vit hava veruliga tikið hesa av­bjóð­ingina til okkum og hava fyrireikað okkum so væl, sum vit kunnu undir okk­ara umstøðum, og nú vóna vit at fáa eitt gott úrslit, sigur Eyð Strøm. eydun@sosialurin.fo Hava gjørt eitt stórt lop Eyð Strøm Liðið hjá Havnar Fimleikafelag hevur umvegis tvær altjóða kappingar flutt seg á eitt nýtt støði og er til reiðar til HM á heimavølli Føroyameistararnir hjá kvinnum í estetiskum fimleiki, Hulda hjá Havnar Fimleikafelag. Annar venjarin, Eyð Strøm, stendur uttast til vinstru