týsdagur 2. juni 2015síða 54

14 nr. 5 I 1. juni 2015 Vinnublaðið hjá Miðlahúsinum Árni Gregersen Í tvey ár hevur arbeitt verið við at kanna møgu­leikarnar at byggja eina verksmiðju í Gøtu, sum skal brúkast til at leggja makrel í dós. Ætlanin er komin so langt, at fyrireik­arar­ nir halda seg hava eina verksmiðju klára og teir halda seg eisini kenna so mikið væl til marknaðin, at grundarlag er at byggja eitt slíkt virki. Tað er fyritøkan Varðin, sum eigur fleiri upp­sjóvarskip, umframt verksmiðjuna á Tvøroyri, sum hevur latið kanningarnar gjørt. Ein fyritøka hevur fyri Varðan í smá tvey ár gjørt kanningar, bæði hvussu ein nýmótans verk­smiðja kann gerast, hvussu produktini skulu vera og hvussu marknaðirnir síggja út fyri sølu av makreli í dós. – Vit hava fingið greiðar ábendingar um, at hetta er ein vaksandi marknaður, sigur Janus Rasmussen, sum stendur á odda fyri verk­ ætlanini. Hann vísti á, at tað serliga er í gamla Vestur­evropa, at eftirspurningurin eftir makreli í dós er vaksandi. Millum fólk við serligum áhuga fyri heilsu­góðum mati, hevur feitur fiskur fingið eitt stórt pláss og millum feita fiskin er makrelurin. – Tað er eitt sindur misjavnt, hvussu fiskuin verður etin. Summastaðni er tað makrelur í tomat – aðrastaðni í olju. Onku­ staðni verður hetta brúkt sum matur á mid­degi og aðrastaðni til døgverðamat, sigur Janus Rasmussen. Stórar nøgdir Makrelfiskiskapurin hesi seinnu árini er eyð­ kendur við, at talan er um ómetaliga stórar nøgdir. Trý virkir eru í løtuni í Føroyum, sum taka ímóti makreli til matna: Faroe Pelagic í Kolla­ firði, Varðin Pelagic á Tvøroyri og Pelagos í Fugla­firði. Norðborg hevur verksmiðju um­ borð, og har verður makrelur eisini arbeiddur til matna. Hóast fiskurin verður viðgjørdur nakað, so fer hann fyri tað mesta av landinum, frystur í blokk. Bæði í vinnuni og í politiska umhvørvinum hevur seinnu árini verið tosað almikið um at fáa meirvirði úr tilfeinginum. Fyri at hetta skal eydnast og vera sam­ felags­gagnligt, so er neyðugt, at so at siga allur fiskur, sum føroysk skip veiða kemur uppá land og verður virkaður her – helst so nógv, at hann er klárur at selja til enda­ brúkaran úti í heimi. Makrelur er í veruleikanum ein rættuliga nýggj rávøra í Føroyum, hóast hann er veiddur síðani seksti-árini. Tað er ikki fyrr enn føroyingar ásedttu sær egnar kvotur, at kjakið av álvara tók seg upp um at fáa meira burtur úr. Tá var virkið í Kollafirði longu farið í gongd og síðani eru virkini á Tvøroyri og í Fugla­firði komin afturat. Velir Varðin í Gøtu at byggja eina nýggja hermetikverksmiðju fer hon at kosta meir 150 milljónir og geva 80-90 arbeiðspláss Til reiðar at byggja nýggja hermetikk­- verk­smiðju í Føroyum Janus Rasmussen Ein verksmiðja av hesum slag krevur stóra arbeiðsorku. Á tekniborðinum sær tað út til, at tá ið ein slík verksmiðja er fult útbygd, so er arbeiðið til eini 80 90 fólk. – Eg haldi eg tori at siga, at verður endaliga avgerðin tikin um at byggja eina slíka verksmiðju, so kann hon standa klár eftir einum ári, sigur Janus Rasmussen, sum er verkætlanarleiðari.