hósdagur 4. juni 2015síða 8

Fríggjadagur 5. juni 2015 sosialurin 63 8 persónssøga – Eg trúgvi ikki, at nakað kemur av sær sjávum. Sum tá eg kom til Klaks­ víkar, so handlar nógv um at vera á røttum stað til rætta tíð, og tað er sum oftast úrslitið av góðum, miðvísum arbeiði, sigur hon Hóast hon ofta hevur verið einsa­ møll kvinna í tí arbeiðs­um­hvørvi, hon hevur ferðast í, hevur hon ongantíð upplivað tað, sum eina forðing. – Eg havi altíð følt meg vælkomna, har eg havi verið. Eg vænti, tað hevur sam­band við, at tað altíð hevur ver­ ið fokus á arbeiðsuppgávurnar, og hvussu ein megnar at loysa tær, heldur enn á kyn, har eg havi starvast. Eg hugsi so slett ikki sjálv um, at eg eri kvinna og tí kann vera fyri vanbýti, sigur Jóhanna á Bergi. Yrkiskvinnur fáa ofta skotið í skógvarnar, at tær heldur burdu tikið sær av børnun sínum enn at reikast runt og arbeiða alt samdøgrið. – Eg fái ikki tíð til alt, tað má eg bara viðganga. Eg havi tó eitt ótrúliga gott bakland í mínum manni, mínum verforeldrum í Klaksvík og mínum foreldrum í Havn. Uttan tey, hevði tað als ikki gingið, sigur hon. Seinastu níggju árini hevur Jóhanna á Bergi búð í Klaksvík, men ar­beitt í Havn, og nú flytir hon starvs­ stað vestur í Vágarnar. Tað gerast nógv­ir tímar í bili, men hon sigur, at tað ongantíð hevur verið upp á tal at flyta nærri arbeiðsplássinum. – Vit hava tað gott í Klaksvík, og børnini trívast sera væl. Eg haldi, tað er týdningarmikið, ikki at flyta børnini ov nógv, og tí hava vit verið búgvandi í Klaksvík øll hesi árini. Gull við B36 og KÍ Sum ung sleit Jóhanna á Bergi mangar gaggur í Gundadali, har hon spældi fyri B36. – Eg búði næstan á plenuni í mínum ungdómsárum, og okkurt FM-heitið bleiv tað eisini til. Fyrstu tíðina í Klaksvík spældi eg eisini við KÍ og var partur av fyrsta gullinum í metrøðini hjá KÍ-kvinnunum, greiðir hon frá. Tó at hon nýtir tað mesta av frítíð síni saman við børnunum, so hevur hon leitað sær gaggurnar fram aftur og roynt seg á Old Girls liðnum hjá KÍ. – Har eru ikki so stór krøv til venj­ ing og tíð, so tí liggur tað væl fyri hjá mær at vera við. Tíverri, so eri eg skadd í løtuni, so eg fái ikki luttikið, sum nú er, sigur Jóhanna á Bergi. Ikki einans egið verk – Ein meginregla eg royni at liva eftir er enska orðatakið, Success is not what you’re coming to, it’s what you leave behind. Tað, at eg havi fingið stjóra­starvið á Atlantsflog er ikki tað, sum vísir, at mær hevur eydnast væl. Tað er tað, eg lati eftir á Faroe Ship, sum vitna um mín dugnaskap. Jóhanna á Bergi var í 2014 kosin ársins leiðari, ein heiður, hon eisini varð í uppskoti til í 2008. Í samrøðu við in.fo í 2014 legði Jóhanna á Bergi dent á, at tað var einans í samstarvi við góð starvsfólk, at hon megnaði at fullføra sítt arbeiði, og enn í dag sigur hon, at hetta er grundarlagið undir tí, hon ger. – Eitt, sum hugtekur meg nógv, er spurningurin um, hvussu ein fær fólk í felagsskapi at gera sítt ítasta. Eg hugsi ofta um myndina av einum orkesturið, sum spælir tónleik. At fáa tónleikin góðan, krevst, at øll, ið spæla, hava vitanina og viljan at spæla saman. Tó so, ein skeivur tóni, oyðileggur alla ljóðmyndina. Tað er nakað tað sama við einum fót­ bólts­liðið. Tað ræður ikki um at hava bestu spælararnar á hvørjum plássi sær, men at seta besta liðið saman. Hvussu fái eg røttu samasetingina fyri at náa rætta úrslitinum, sigur Jóhanna á Bergi. Fyrst í hesi øldini, tá British Petroleum byrjaði virksemi í Føroyum, stuðlaði felagið ungum før­oy­ing­um í privatu vinnuni at taka eina leiðslu­útbúgving við Robert Gordon University. Ein teirra, sum tók av til­boðnum, var Jóhanna á Bergi. – Eg fekk góðskrivað nakað av útbúgving míni frá danska eksport­ skúlanum, og tók so masterútbúgving mína gjøgnum Robert Gordon University. Síðani havi eg luttikið á skeiðum og fyrilestrum um leiðslu, um­framt at eg lesi væl av bókum um leiðslu eisini. Tó haldi eg, at ein menn­ ist mest sum leiðari í sam­spæl­inum við onnur, sigur hon. – Eg havi onga ítøkiliga fyrimynd sum leiðari, men serliga fólk, ið eru leiðarar av sjálvboðnum arbeiði hug­ taka meg, hvussu tey megna at fáa so nógv sjálvboðin fólk at draga somu línu. Tað er alla rós uppiborið, sigur Jóhanna á Bergi. Nýggjar avbjóðingar Í heyst tekur Jóhanna á Bergi við sum stjóri á føroyska flogfelagnum Atlantsflog. Hon er ómetaliga glað um, at hon hevur fingið starvið og er sera spent upp á uppgávuna. – Eg kenni als ikki felagið gott nokk, til at kunna siga nakað um, hvat fingramerki, eg fari at seta á felagið. Eg havi tó skilt, at starvsfólkini í felag­ num eru sera dugnalig, og eg gleði meg at arbeiða saman við teimum, sigur hon. Í øllum sínum yrkislívi hevur Jóhanna á Bergi arbeitt við út­flutn­ ingi, og tí er nærliggjandi at hugsa, at hon kanska fer at leggja serligan dent á treytirnar hjá útflutningsvinnuni í sínum starvi sum stjóri á Atlantsflog. – Tað fer altíð at vera ein spurningur um, hvør eftirspurningurin er, og uttan at kenna til støðuna kann eg als einki siga um, hvønn leist felagið fer at leggja seg á framyvir. Eitt er tó vist, tænastan til føroyingar skal altíð vera í sentrum í virkseminum hjá Atlantsflog, sigur nýggi stjórin á Atlants­flog, Jóhanna á Bergi. danjal@sosialurin.fo Visti tú? Jóhanna á Bergi var á KÍ-liðnum, sum vann fyrsta FM-gullið í metrøðini? Success is not what you’re coming to, it’s what you leave behind« Jóhanna á Bergi tekur við starvinum sum stjóri á Atlantsflog í seinasta lagi 1. septembur Mynd: álvur haraldsen