mánadagur 8. juni 2015síða 32

VIKA 24 • 8. JUNI 2015 8 MIÐLAHÚSIÐ ÓKEYPIS LÝSINGARBLAÐ V innumálaráðið legði á vári 2014 fram lógaruppskot, sum álegði føroysku televeitarunum at gera tað møguligt at varðveita sítt upprunaliga telefonnummar, tá man skifti veitara. Nú eitt ár seinni, er lógin komin í gildið og tí kunnu kundar nú skifta televeitara uttan at skifta tele­ fonnummar. Johan Dahl, landsstýrismaður í vinnumálum vísti á, at endamálið við skipanini var, at skapa betri fortreytir fyri kapping á fjarskiftismarknaðinum: – Við tað at forðingarnar fyri mobili­tetinum á fjarskiftis­marknað­ inum nú eru burtur, eru sannlíkindini fyri kapping batnaði og eigur hetta í síðsta enda at koma øllum fjar­skiftis­ kundum til gagns. Eg fegnist stórliga um, at vit nú eru komin á mál við nummarportabiliteti í Føroyum, segði Johan Dahl í tíðindaskrivi um dagarnar. Hjá Vodafone fegnast tey eisini um øktu kappingina. Gudny Langgaard, stjori í Vodafone sigur, at tey hava ar­ beitt fram ímóti hesum í fleiri ár: – Øll kapping er til fyrimuns fyri brúkaran, og hetta hevur verið ein av høvuðssetningunum fyri alt okk­ ara arbeiði á Vodafone, og ein av or­ søkunum, at vit eru til. Vit vóru skapt fyri at bróta monopolið, og síðan tá er tænastustøðið betra, tøknin vorðin tíðarhóskandi og prísirnir lækkaðir. – Nú fólk ikki longur eru bundin til ein veitara, er kappingin nógv meira frí, og tað síggja vit sum ein stóran fyrimun fyri okkum, sum tann minna og meira fleksibla veitaran, sigur Gudny Langgaard. Vøksturin er í datanýtsluni Týsdagin í farnu viku var ein stórur dagur í føroyskari telesøgu, tá lat Vodafone upp fyri Føroya fyrsta 4G netið, ið gevur kundunum fleirfaldaða ferð á fartelefonini. Gudny Langgaard fegnast um góðu móttøkuna, ið 4G netið hevur fingið. – Vit hava í longri tíð arbeitt við hes­um. Vit hava dagført okkara 3G støðir og gjørt tær klárar til 4G. Vit hava nú tendra tær fyrstu støð­irnar, ið eru í Havn, í Klaksvík og á Skála­fjørð­ inum, og fara komandi tíðina at víðka 4G netið, greiður Gudny Langgaard frá. Tað er eingin loyna, at tað er innan fyri datanýtslu á fartelefonum, at nógv størsti vøksturin er. Tí er tað ein stórur kappingarfyrimunur hjá Voda­fone, at tey dagført sítt net, meðan kappingarneytin í síðstu viku segði við Kringvarpið, at tey enn vóru í samráðingum við veitarar av nýggju tøknini, men væntaðu at taka eina av­ gerð um veitara seinni í hesum mán­ aðinum. Vodafone hevur í sambandi við nýggja 4G netið varð tikið í nýtslu eisini fleirifalda datapakkarnar á øll­ um RED haldum, so fólk veruliga kunnu njóta gott av øktu ferðini. Fyrst og best við data Gudny Langgaard dylir heldur ikki fyri, at tey á Vodafone eru errin av, at vera fyrst við 4G tøknini í Føroyum: – Vit vóru fyrst við 3G, og seinasta árið hava vit verið fyrst at dagføra 3G netið, so vit nú kunnu bjóða upp til 15 Mbit flestu støð í Føroyum. Tað er munandi hægri ferð enn kapp­ ingarneytin. Nú vóru vit so eisini fyrst við 4G, tað er alt í trá við okkara visjón um at geva kundum okkara góðar upp­livingar, sigur hon. Til ber hjá øllum Vodafone kundum at fáa atgongd til 4G, hjá teimum flestu riggar hetta automatiskt. Um tú ikki fært samband við 4G netið, kann orsøkin vera, at títt simkort er ov gamalt, tá ber til at seta seg í sam­ band við Vodafone og fáa eitt ókeypis simkort sendandi. Tað verður áhugavert at fylgja við, hvussu leikur fer, tí eingin ivi er um, at nýggja frælsið at flyta televeitara er ein stór avbjóðing fyri bæði feløgini, og kappingin um kundar er nú størri enn nakrantíð. Í vetur hava føroyingar fylgt væl við avrikunum hjá fulgfirðinginum Jógv­ ani Joensen, sum var við í donsku X Factor kappingini. Tað gekk sera væl hjá Jógvani, sum ferð eftir ferð hevði sannførandi framførslur í beinleiðis sjónvarpi. Jógv­an vann seg allan vegin fram í final­una, har hann endaði sum numm­ ar 2. Jógvan fekk nógv rós frá dóm­ar­ unum í sendingini fyri at verða musi­ kalskur og duga væl at tulka teir ymsu sangirnar, ið hann skuldi framføra. Jógvan var sera tryggur á pallinum, og framførslan av sanginum My Josephine var kanska besta avrikið yvir­høvur í ársins X Factor kapping. Spentur Nú er greitt, at Jógvan Joensen verður við á Summar Festivalinum. Tað boð­ aðu fyrireikararnir frá í gjár. Jógvan skal spæla á stóra pallinum á Vágsbøi, sum eisini er landsins størsti tónleikapallur, og tann møgu­ leik­an tekur Jógvan fegin ímóti. – Eg eri sera fegin um, at eg eri biðin um at spæla á Summar Festi­ valinum. Eg havi mannað ein framúr góðan bólk, og eg kann lova øll festi­ val­gestunum eitt brak av einari kon­ sert, sigur Jógvan Joensen. Jógvan hevur onkrar aðrar fram­ førsl­ur í Føroyum í summar, men á Summar Festivalinum skal hann á pallin við væl mannaðum bólki, ið fer at spæla saman við honum. Summar Festivalurin verður hildin í døgunum frá 6. til 8. august. Jógvan lovar brak á Vágsbøi X Factor stjørnan Jógvan Joensen framførir á Summar Festivalinum í august Tøkni: Skift telefelag uttan at skifta telefonnummar Fyri nógv er eitt telefonnummar nakað persónligt, ið tú ikki bara skiftur. Tí hevur tað ofta verið ein forðing fyri at skifta telefonveitara, at tú ikki hevur kunnað tikið títt gamla nummar við tær. Hetta er nú broytt Gudny Langgaard, stjóri í Vodafone Altjóða stórverk nú á før­ oyskum Skaldsøga hjá Gabriel Garcia Marquez er nú komin út á føroyskum máli Skaldsøgan »Hundrað ára ein­ semi«, sum kolumbiski rithøvudin Gabriel García Márquez skrivaði, er nú kom­in á føroyskum máli. Marianna Hoydal hevur týtt skald­søguna, sum verður roknað sum ein av teimum heilt stóru í heims­bókmentunum. Skaldsøgan er týdd til flest øll mál, og milliónir av eintøkum eru seld kring heimin. »Hundrað ára einsemi« er søg­ an um Buendía-ættina og um tann íspunna býin Macondo, ið verður grundaður og fer til grundar sam­an við ættini. Søgan er um kríggj og kærleika, um longsul og einsemi. Hon er á tremur við ræð­ andi veruleika og vónleysum hug­ flogi, alla tíðina á markinum mill­ um søgu og søgn.  Forlagið Sprotin stendur fyri út­gávuni. Edward Fuglø hevur gjørt kápumyndina.