mánadagur 8. juni 2015síða 33

VIKA 24 • 8. JUNI 2015 9 ÓKEYPIS LÝSINGARBLAÐ Vilmund Jacobsen Skráin fyri sundalagsstevnu, sum um vikuskiftið verður hildin í Kollafirði, byrjar longu mikukvøldið við tiltaki á bókasavninum, har Ása Hátún, hand­ arbeiðslærari og listakvinna, fer at hugleiða um føroysku ullina, og hvat kann fáast burtur úr henni. Við høvi luttekur eisini kórið hjá Lailu av Reyni. At spæla sjavs er vorðin ein dilla í Kollafirði, og mikukvøldið verður eisini sjavskapping í niðara sali í Bygdar­hús­ inum. Bæði mikudagin og hósdagin – og eisini hinar allar dagarnar á Fjarða­ stevnu – verður Cafe Chill í Kollafirði opið. Hóskvøldið letur stevnutombola upp í ítróttarhøllini, og steypadystur verður millum bestu mansliðini hjá KÍF og VÍF. Fríggjadagin verða eisini ymisk tiltøk á skránni í Kollafirði, og tá letur kampingøkið upp í stóra skúla­garð­ inum, umframt at ponyríðing verður í skúlagarðinum. Hetta kvøldið verður eisini stevnu­ quiss í Cafe Chill, og seinni um kvøldið verður livandi tónleikur við Signari í Homrum og John Johansen. Setan og kappróður Stutt fyri middag leygardagin verður skrúðgonga frá Bygdahúsinum, sum endar á økinum við ítróttarhøllina, har borgarstjórin í Tórshavnar kommunu, Heðin Mortensen, setir Fjarðastevnu um middagsleitið. Eftir setanina lata eitt nú loppu­ marknaður og fiskibrunnur upp, og tá verður eisini ponyríðing, kaffisøla, fiski­brunnur og ymiskt annað áhuga­ vert á skránni. Tá barnaróðurin byrjar klokkan 13, verður eisini søla av pylsum og øðr­um á kappróðrarøkinum, eins og tivoli tíðliga seinnapartin letur upp við ítróttarhøllina. Millum barnaróðurin, og til FM- róðurin byrjar, letur upp sølubingja við candyfloss, poppkorni og øðrum á parkeringsøkinum við skótahúsið. Sjálvur FM-róðurin, sum vit fara at venda aftur til í aðrari grein, byrjar klokkan 15, og tá róðurin nærkast end­anum um 17-tíðina, verður eisini høvi at fara í heitar pottar og sauna við báta­hylin. Ymiskt annað Nógv ymiskt verður á skránni seinna­ partin leygardagin og leygarkvøldið, og eitt nú verður midnáttarbál, har Ben Arabo fer at halda røðu, eins og her eisini verður felagssangur og føroyskur dansur við Missiónshúsið. Stórdansur verður eisini í Kollafirði leygarkvøldið og til langt út á náttina við Sigari í Homrum og Rox, og her fara teir at leggja seg eftir at spæla tónleik til allar aldursbólkar. Nógv ymiskt er á skránni fyri sunda­lagsstevnu og skráin, sum verður prentað í Vikublaðnum í dag, fevnir eisini um sunnudagin og partvís mána­dagin. Sundalagsstevna verður í Kollafirði um vikuskiftið FM-kappróður verður í Kollafirði leygardagin. Tað verður Heðin Mortensen, borgarstjóri, sum fer at seta stevnuna, og við midnáttarbálið leygarkvøldið fer Ben Arabo at halda røðu Sundalagsstevna Kollafjørður verður karmur um sundalagsstevnu um vikuskiftið, og leygardagin verður FM-róður á skránni TEMA 150,- ATGONGUMERKI