hósdagur 11. juni 2015síða 46

FRÍGGJADAGUR 12. JUNI 2015 SOSIALURIN 66 46 ÍTRÓTTUR FØROYAR VS GRIKKALAND FÓTBÓLTUR Tølini siga, at tað ofta endar við trivaligum tapi, tá ið Føroyar hava staðið seg væl ímóti størri fótbóltstjóðum BRENT BARN RÆÐIST ELD JÓANNES HANSEN U m eitt fjórðingsár verð­ ur ein fjórðingsøld síð­ ani, at Føroyar fyri fyrstu ferð royndu seg í dysti í undankapping í fótbólti. 12. september 1990 stendur negldur í minnið hjá ikki bara fótbóltshugaðum føroyingum og føroyingum sum heild. Allur fótbóltsheimurin yvir­ høvur minnist aftur á ella í hvussu so er veit um tað kvøldið, tá ið Før­ oyar vunnu 1-0 á Eysturríki í Lands­ krona, og fagnaðarmyndin var eina­standandi. Á youtube.com ber til at síggja, hvussu stórur føroyski fagnaðurin var, og hvussu snópisligt tað var hjá Eysturríki at tapa 1-0 ímóti pinkutjóð sum Føroyum. Torkil Nielsen varð skrivaður inn í al­tjóða fótbóltssøgubøkurnar sum avrættarin av favorittunum úr Eysturríki. Einasta føroyska avrikið, sum kann javnmetast við triumfin í Landskrona fyri skjótt 25 árum síðani, er, tá ið Føroyar 14. november í fjør vunnu 1-0 á útivølli ímóti fyrrverandi EM vinnarunum í Grikkalandi. Úr­ slitið fer altíð at standa meitlað í før­oysku fótbóltssøguni, og í altjóða fótbóltssøguni verður tað heldur ikki gloymt, at Jóan Símun Edmundsson í 61. minutti skoraði sigursmálið, sum tók grikskan fótbólt av fótum, og sum skelkaði altjóða fótbóltsheimin. Hevndin Tað hevur ofta verið langt millum glæsiligu føroysku úrslitini. Men tað eru nakrir toppar, sum ikki fara í gloymibókina: 1-1 á útivølli ímóti Norðurírlandi í 1991, 1-1 á heimavølli ímóti Skotlandi í 1998, 1-1 ímóti Bosnia á heimavølli í 1999, 2-2 ímóti Slovenia í 2000, 2-2 á heimavølli ímóti Skotlandi í 2002 og 1-1 ímóti Norðurírlandi í 2010 eru góð dømi um hetta. Í summum av hesum førunum hava Føroyar rokkið góða og óvænt­ aða úrslitið í fyrra dystinum. Tá hev­ ur tað í returdystinum sæst, at tapið ímóti undirtippaðu Føroyum hevur sviðið, og mótstøðuliðið hevur verið sera uppsett at vinna. Fyrsta dømið um hetta var Eystur­ ríki í 1991. Eftir svíðandi 1-0 tapið 12. september 1990 spældu Føroyar í Salzburg 22. mai í 1991. Føroysku spæl­ararnir mundu vera troyttir. Eina viku frammanundan høvdu teir tapt 7-0 á útivølli ímóti gamla Jugo­ slavia, og síðani høvdu teir verið í venj­ingarlegu í eina heila viku. Eysturríkararnir vóru ógvuliga uppsettir, og teir vunnu 3-0. Eitt lítið korter var farið, tá ið teir skoraðu fyrsta málið, og síðani skoraðu teir tríggjar minuttir eftir steðgin og aftur, tá ið tað restaðu tjúgu minuttir. Tað var púra óvæntað, tá ið Páll Guðlaugsson og hansara menn 1. mai 1991 megnaðu 1-1 í Norðurírlandi. Kári Reynheim stútaði hegnisliga føroyska málið í 63. minutti og javnaði til endaliga úrslitið. Heimaliðið hevði lagt seg framum longu í 8. minutti. Norðurírar kendu seg eyðmýktar, og teir vóru hundrað prosent tendraðir, tá ið teir 11. september 1991 vitjaðu føroyska liðið, sum átti heimavøll í Landskrona. Tá ið eitt korter var farið, var spurningurin bara, hvussu stórur norðurírski sigurin fór at verða. Norðurírland skoraði í 8., 12. og 14. minutti. Eftir steðgin skoraðu teir tvær ferðir, og harvið spældi Norðurírland Føroyar sundur og saman, og máltalvan vísti 0-5, tá ið finski dómarin bríkslaði fyri síðstu ferð. 3 .september í 2000 bendi alt leingi á, at Slovenia fór at vinna væntaða sigurin á Svangaskarði. Tað restaðu bara fýra minuttir, tá ið gestirnir øktu um leiðsluna til 2-0, men so svaraðu Føroyar aftur. Uni Arge minkaði um munin í 90. minutti, og við síðsta sparkinum í góðveðrinum á Svangaskarði henda dagin javnaði Øssur Hansen til 2-2. Hetta man vera minnisríkasta frísparkið í føroyskum fótbólti yvirhøvur. Slovenar vóru skelkaðir, og 6. oktober 2001 søgdu teir takk fyri seinast, tá ið teir á heimavøllinum í Ljublijana vunnu 3-0. 7. september 2002 var alt á gosi, tá ið Føroyar eftir trettan minuttir vóru frammanfyri 2-0 ímóti Skotlandi í góðveðrinum á Svangaskarði. Jákup á Borg átti uppleggini, og John Petersen var í essinum, tá ið hann skoraði málini. Sjey minuttir undan leikloki javnaði Skotland til 2-2, og føroyingarnir iðraðu seg, tí møguleikin var stórur at økja um leiðsluna til 3-0, áðrenn Skotland í 62. minutti minkaði um munin. Leygardagin 6. september 2003 hittust liðini aftur. Hesaferð var tað á Hampden Park í Glasgow. Skotland vann 3-1, men hóast skotarnir vóru uppsettir at siga takk fyri seinast, so gekk tað striltið, tí Julian Johnsson javnaði í 35. minutti til 1-1. Nøkur sekund undan steðginum legði Skot­ land seg framum aftur, og seytjan minuttir undan leikloki varð heima­ sigurin staðfestur. 12. oktober 2010 spældu Føroyar aftur Norðurírlandi eitt puss. Tað endaði 1-1 á Tórvølli. Christian Lam­ hauge Holst legði Føroyar á sigurskós, tá ið ein tími var farin, men norðurírar javnaðu, tá ið tað restaði eitt korter. 10. august í 2011 vóru Føroyar aftur á Windsor Park, og enn einaferð vóru norðurírar púra villir eftir at vaska føroysku eyðmýkingina burtur. Tað eydnaðist, tí Norðurírland vann 4-0. Fyrsta málið skoraðu teir longu í fimta minutti, men tað var spennandi í meiri enn ein tíma, tí tað var ikki fyrrenn í 66., 71. og 88. minutti, at hini málini vórðu skorað. 14. november í fjør vunnu Føroyar 1-0 á útivølli ímóti Grikkalandi. Tað úrslitið fær eingin tikið frá før­oy­ ingum. Spurningurin er nú, hvussu tað fer at síggjast aftur leygarkvøldið, tá ið grikkar á Tórsvølli skulu siga takk fyri seinast. Brent barn ræðist eld, plagar at verða tikið til!