hósdagur 11. juni 2015síða 47

Fríggjadagur 12. juni 2015 sosialurin 66 47 Fótbóltur Í gjár vandi liðið fyri næst seinastu ferð undan landsdystinum móti Grikkalandi. Lars Olsen hevur sett meginpartin av liðnum, men ivamálini eru høgri bakk og vinstri bakk. Eitt triðja ivamál er um Hallur Hansson verður klárur. Hann hevur skaða í fótinum Ivamálini á bakkunum Fótbóltsføroyar er aftur á gosi. Vónirnar eru óvanliga góðar og tað er langtsíðani útselt á Tórsvølli Hóast mótstøðuliðið hvørki er spekkað við heimsstjørnum, ella ein smátjóð vit halda vit kunnu vinna á, so áhugin størri enn kanska nakrantíð fyri einum dysti á Tórsvølli við slíkari mótstøðu. Vit hava fyrr verið í líknandi støðum. Tað gongur væl og nú tykist sum, at vit nærmast eru favorittar móti Grikalandi. Ja, Grikkalandi, sum millum annað vann EM í 2004 og stóð seg væl í HM endaspælinum í Brasil í 2014. Grikkaland, sum hevur spælarar úr týsku Bundesliguni og italsku Seriu A. Orsøkin er sjálvandi 1-0 sigurin í Pireus í novembur mánaði í fjør. Sigurin var ein staðfesting av framgongdini, sum føroyskur fótbóltur hevur verið fyri síðani sigurin í Landskrona. Nú mugu vit bara minnast til hví vit vunnu tann dystin. Leygarkvøldið mugu vit minnast til, at tað er ikki nakað sjálvfylgiligt krav, at vit vinna á Grikkalandi. Hetta er ein dystur millum tvey lið, har gestirnir eru stórfavorittar at vinna. Tað merkir ikki, at vit ikki skulu hava góðar vónir. Tað merkir bara, at vit mugu ikki vænta, at Føroyar í besta Barcelona stíli vinnur greitt. Vit vunnu í Grikkalandi, tí vit avrikaðu alt tað vit kundu. Umframt tað, so spældu vit móti einum demotiveraðum grikskum liði, sum hevði fleiri avboð. Tað eru fortreytirnar fyri, at vit kunnu vinna ein slíkan dyst. Nógv skal ganga okkara veg. Upptaktin til dystin móti Grikkalandi hevur skapt ein fantastiskan stemning. Hesin kemur heilt víst hjálpa okkara dreingjum, men vit mugu undir ongum umstøðum missa mótið um alt ikki gongur okkara veg leygarkvøldið. Skuldi tað hent, at okkara ikki koma væl frá byrjan, so mugu vit framvegis stuðla okkara spælarum alt tað vit kunnu. Vit mugu fortelja teimum, sum ikki skilja tað, at hetta er ikki ein dystur millum tvey javnt góð lið við javnt góðum fortreytum. Landsliðið hevur gjørt ótrúliga stór framsig seinnu árini. Tí hava vit rætt til at hava góðar vónir til dystin móti Grikkalandi – men samstundis mugu vit hava realistiskar vónir. Vit kunnu forlanga at allir geva tað teir eiga á vøllinum, men vit kunnu ikki krevja eitt úrslit. Tí tað er ikki bara upp til okkum. Einasta staðið, har vit sjálvi avgera um vit vinna, er á áskoðaraplássunum. Tað er okkara uppgáva sum viðhaldsfólk at geva liðnum hasi eyka prosentini, sum kann verða munurin. Tað er okkara uppgáva sum viðhaldsfólk at stuðla landsliðunum. Líka mikið um tað gongur væl ella illa. Koyr á Føroyar! Góðar – men realistiskar vónir Ítróttar klumman Tróndur Arge Tróndur Arge T að tykist ongin ivi vera um, at Gunnar Nielsen stendur í mál. Frammanfyri hann verða Atli Gregersen og Sonni Ragnar Nattestad í miðverjuni. Á miðjuni verða Fróði Benjaminsen, Hallur Hansson og Brandur H. Olsen. Vinstri vongur verður Christian L. Holst, meðan Sølvi Vatnhamar verður á høgra vongi. Jóan Símun Edmunsson á topp. Ivamálini eru á høgra bakki og vinstra bakki. Jónas Tór Næs er fram­vegis skaddur, meðan Viljormur Davidsen hevur givið avboð somuleiðis vegna skaða. Í Rumenia spældi Jóhan Troest Davidsen á høgra bakki, men tá var Bárður J. Hansen ikki við. Á vinstra bakki tykist Gilli Sørensen verða besta boðið, eftir hann at í Suerliguni móti FCK spældi á vinstra bakki. Venjingin hósdagin gav ábend­ ingar um, at tað verða Bárður J. Hansen og Gilli Sørensen, sum byrja inni. Lars Olsen hevur tó ikki tikið endaligu avgerðina. – Vit mugu hava javnvág á liðnum og tað spælir eisini inn. Grikkar eru sterkir á teirra høgru síðu. Tí mugu vit finna útav, um vit tetta síðuna ella velja at leypa á júst har, sigur Lars Olsen og leggur afturat; – Eg helli til, at vit leygarkvøldið skulu tora at skapa fleiri møgu­ leikar og leypa meiri á, sigur lands­ liðs­venjarin og leggur upp til, at tað møgu­liga verða Bárður J. Hansen og Gilli Sørensen á bakkunum. Hin møguleikin er, at Jóhan Troest Davidsen fær afturval á øðrum bakkinum, meðan annar av Bárði og Gilla spæla. Á miðvøllinum er ivamál um Hallur Hansson verður tøkur. Her leggur Lars Olsen upptil, at tað verður antin Róaldur Jakobsen ella Odmar Færø, sum komin í staðin. – Nú mugu vit so síggja hvussu tað verður við Halli. Um hann ikki spælir, so verður tað nokk annar av teimum, sum byrjaðu inni móti Rumenia, ið koma inn, sigur Lars Olsen og vísir til Róald og Odmar. Sostatt er liðið ikki endaliga sett til dystin móti Grikkalandi. Landsliðið kemur at líkjast sær sjálvum og uppleggið kemur somuleiðis at minna nógv um tað , ið vit hava sæð sein­astu dystir­nar. Spurningurin er hvussu fram­rættaðir bakkarnir skulu verða, og um Hallur Hansson verður klárur. Mynd: Álvur Haraldsen