mánadagur 15. juni 2015síða 21

21 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 15. juni 2015 · Nr. 67 ítróttur Pætur Albinus Leygarmorgunin varð skipað fyri árligu marathon-kapp­ ingini, Tórshavn Marathon. Hetta var 13. ferð, at skipað varð fyri hesi kapping, og vóru tað hesaferð metnógvir útlendingar við. Heili 80 vóru teir í tali og komu teir úr 18 ymiskum londum. Skipað varð eisini fyri einum serligum innslagi hesa­ferð í samstarvi við Krabba­meinsfelagið, har lut­ takarar høvdu møguleika fyri at ganga eitt hálvt marathon. Hetta var helst við til at syrgja fyri, at saml­ aða luttakaratalið fór upp um 300. Væl avgreitt Tað er einki at taka seg aftur í, at tað krevur nógva fyri­reiking at skipa fyri Tórshavn Marathon, sum bara stendur í vøkstri hvat lut­takarum viðvíkur. Til hetta krevst eisini nógv hjálpar­fólk. Í góðum sam­ starvi við eitt nú Tórshavnar kommunu og H71 vóru heili 220 vaktir til kappingina, men var eisini ein stórur partur av hesum sjálvboðin fólk so sum foreldur, íðkarar, vinir og kenningar annars. Sambært fyriskiparunum, so gekst tað væl at avgreiða kappingina. – Tað gekst óluksáliga væl. Veðrið var gott og fólk vóru glað, sigur forkvinnan í Bragdinum, Ann Thomsen. Áður hava borgarar ilsk­ ast um at vegir hava verið stongd­ir, men sam­bært fyri­ skipar­unum, so hevur eingin ónøgd verið í ár. Vaktir, sum áður hava lagt oyra til skeld frá borgarunum, fingu frið í ár. Hava lýst Kring heimin eru tað nógvir rennarar, sum ferðast ímill­ um lond at kappast í teimum ymsu marathon-kapp­ing­ unum, og tað eru tekin um, at høvuðsstaðurin í Føroyum er við at gerast eitt av ferða­ málunum hjá fleiri og fleiri rennarum. Sum nevnt, so vóru 80 útlendingar við hesa­ferð, men hetta kemur ikki bara av tilvild. – Tá ið føroyingar hava verið og runnið uttanlands, hava teir havt faldarar um marathon-kappingina í Før­ oy­um við sær. Vit hava eis­ini lýst nógv við tí á face­book, sigur Ann um marknaðar­før­ ingina av kappingini. Ann, sum sjálv luttók í kappingini, sigur, at út­lend­ ingarnir sum heild hava verið væl nøgdir. Onkur rennari gjørdist ovfarin av at síggja seyðir renna yvir um vegin, men vóru annars fleiri teirra hugtiknir av hvussu tað var at renna í nattúruni saman við djóralívi og framvið sjógvi. Tó helt onkur fyri, at tey einans ætlaðu sær at koma higar aftur um rutan gjørd­ ist flatari. Hesaferð var nevn­ iliga ein stórur partur av tein­inum býarrenning við nógvum brekkum. Breti vann Í sjálvari marathon-kapp­ ing­ini var tað ein breti, sum legði øll aftur um seg. Hann eitur Joe Dale og kemur úr London. Hann fekk eina rætt­iliga greiða leiðslu, men tá ið rennararnir komu inn aftur í býin og møttu teim­ um nógvu brekkunum, var tað tætt við, at hann bleiv fangaður av øðrum renn­ arum. Tættastur var Martin Gravesen, sum er dani, men kortsíðani er fluttur til Før­ oya og venur við Bragd­inum. Hann kom á mál 40 sekund seinni enn vinn­arin. Tíðirnar síggjast á yvirlit­inum her á síðuni. Hjá kvinnunum var tað Rigmor Napoleonsdóttir Arge, sum vann. Tær fremstu fýra vóru allar føroyskar. Ólavsøkan Nú er tann heilt stóra av ársins rennikappingum løgd aftur um bak, og næst á skránni er ólavsøku­renn­ ingin. Tó eru tað nakrir før­ oyskir rennarar, sum skulu luttaka á oyggja­leik­unum á Jersey um smáar tvær vikur. Valborg Heinesen, Marna Egholm og Bjørk Herup Olsen skulu renna hálvt mara­thon. Ongar av teimum vóru tó við í Tórshavn Mara­ thon, tí at mett varð at hendan kappingin lá ov tætt upp at oyggjaleikunum. albinus@sosialurin.fo Leygardagin varð skipað fyri Tórshavn Marathon, og vóru tað hesaferð metnógvir útlendskir rennarar við. Hetta er úrslit av at væl hevur verið lýst við kappingini, meta fyriskipararnir Metnógvir útlendingar í Tórshavn Marathon Menn 1 Joe Dale . . . . . . . . . . . . . . . . . . . . . London fields triathlon club . . . . . . . . . . . . . . . . . 02:53:50 2 Martin Gravesen . . . . . . . . . . . . . . Bragdið . . . . . . . . . . . . . . . . . . . . . . . . . . . . . . . . . . . . 02:54:30 3 Cecil Weihe . . . . . . . . . . . . . . . . . . Bragdið . . . . . . . . . . . . . . . . . . . . . . . . . . . . . . . . . . . . 02:56:23 4 Patrik Broberg . . . . . . . . . . . . . . . . Trollhättans IF . . . . . . . . . . . . . . . . . . . . . . . . . . . . . . 02:59:01 5 Jannick Vestergaard Hjaltalin . . . . . . . . . . . . . . . . . . . . . . . . . . . . . . . . . . . . . . . . . . . . . 03:00:12 6 Eirikur Hansen . . . . . . . . . . . . . . . . Bragdið . . . . . . . . . . . . . . . . . . . . . . . . . . . . . . . . . . . . 03:00:29 7 Carlo Tagliapietra . . . . . . . . . . . . . s3 running . . . . . . . . . . . . . . . . . . . . . . . . . . . . . . . . . 03:04:18 8 Lau Jensen . . . . . . . . . . . . . . . . . . . Roysnid . . . . . . . . . . . . . . . . . . . . . . . . . . . . . . . . . . . 03:10:42 9 Andrew MILLIS . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 03:14:35 10 Albert Johansen . . . . . . . . . . . . . . Frælsi . . . . . . . . . . . . . . . . . . . . . . . . . . . . . . . . . . . . . 03:16:55 Kvinnur 1 Rigmor Napoleonsdóttir Arge . . . Hvirlan . . . . . . . . . . . . . . . . . . . . . . . . . . . . . . . . . . . . . 03:22:48 2 Ann Thomsen . . . . . . . . . . . . . . . . . Bragdið . . . . . . . . . . . . . . . . . . . . . . . . . . . . . . . . . . . . 03:36:55 3 Krista Nielsen . . . . . . . . . . . . . . . . Bragdið . . . . . . . . . . . . . . . . . . . . . . . . . . . . . . . . . . . . 03:40:05 4 Beinta Hoydal Joensen . . . . . . . . . Bragdið . . . . . . . . . . . . . . . . . . . . . . . . . . . . . . . . . . . . 03:40:53 5 Emma Hurtig . . . . . . . . . . . . . . . . . Trollhättans IF . . . . . . . . . . . . . . . . . . . . . . . . . . . . . . 03:45:35 6 Duruta Reginsdótir á Lofti . . . . . . Bragdið . . . . . . . . . . . . . . . . . . . . . . . . . . . . . . . . . . . . 03:50:19 7 Alina Rodriguez-Velasco . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 03:55:09 8 Britta Homer . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 04:03:55 9 Sunneva Olsen . . . . . . . . . . . . . . . . Bragdið . . . . . . . . . . . . . . . . . . . . . . . . . . . . . . . . . . . . 04:09:30 10 Eydna Weihe . . . . . . . . . . . . . . . . . Bragdið . . . . . . . . . . . . . . . . . . . . . . . . . . . . . . . . . . . . 04:11:31 Úrslit Marathon Tórshavn Myndir: Álvur Haraldsen