mikudagur 21. juli 2004síða 9

Nr. 137 • mikudagur • 21. juli 2004 • 78. árgangur • www.sosialurin.fo Danin Martin Christ- ensen hevði eitt fram- úr kappingarár í HB í fjør. Í ár hevur ikki gingið eftir vild, og fyri tveimum vikum síðani bleiv Martin púra óvæntað upp- sagdur av HB. Nú er danska Spillerforen- ingen komin upp í málið ÓSEMJA Terji Nielsen terji@sosialurin.fo Tað er einki dulsmál, at ein tann mest týðandi leikarin á gull-liðnum hjá HB í fjør, var danski miðvallarin Martin Christensen. Í ár hevur Martin ikki leikt ser- liga nógv á besta liðnum hjá havnarfelagnum, tí at hann hevur verið so nógv darvaður av skaða. Hetta førdi við sær, at HB fyri tveimum vikum síðani segði sáttmálan við danska miðvallaran upp, og hetta kom ógvuliga óvart á danska miðvallaran, sum kennir seg snýttan av havn- arfelagnum. Havi yvirhildið sáttmálan Í sambandi við uppsøgnina hevur leiðslan í HB lagt dent á, at Martin Christen- sen ikki hevur yvirhildið tær avtalur, ið blivu gjørdar í sambandi við, at sáttmáli bleiv undirskrivaður fyri hetta kappingarárið. Mill- um annað hevur verið borið fram, at danin varð skadd- ur, tá ið hann kom aftur til Føroya í vetur, men hetta avsannar Martin Christen- sen. – Eg veit, at HB hevur nýtt tríggjar grundgevingar fyri uppsøgnini, men eg havi skrivlig prógv fyri, at ongar av hesum grundgev- ingum halda, sigur hann. Sjálvur var Martin Christ- ensen ógvuliga ovfarin, tá ið hann bleiv kallaður á fund við leiðsluna í HB fyri tveimum vikum síðani, har hann fekk at vita, at hann sambært leiðsluni í HB ikki hevði yvirhildið sáttmálan, og tí bleiv hann uppsagdur. Sambært Martin Christen- sen hevði lítið og einki samskifti verið millum seg og leiðsluna í HB í drúgva tíð frammanundan, og tí kom tað ógvuliga óvart á hann, at samstarvið skuldi enda so bráddliga. – Eg hevði mett, at um leiðslan í HB ikki var nøgd við meg, so hevði tað verið náttúrligt at sett seg niður og tosað um tingini, soleiðis at vit møguligani kundu fingið tað í rættlag, sigur Martin Christensen, sum nú hevur fingið donsku Spillerforen- ingen upp í málið. Fakfelagið er ikki í iva Spillerforeningen, sum er fakfelagið hjá Martin Christensen, er ikki í iva um, at danin ikki uttan víð- ari kann sigast upp. Felagið hevur sent HB eitt skriv, har teirra sjónarmið verða lýst, og sambært Martin Christ- ensen hevur felagið gjørt greitt, at sáttmálin hjá hon- um kann ikki sigast úr gildi uttan so, at báðir partar eru samdir um tað. Felagið vil verða við, at málið er púra upplagt, og at HB noyðist at uppfylla tær treytir, sum eru settar í sáttmálanum. Komandi mánadag eru tey bæði, Martin Christen- sen og unnustan Sabine Frølund, uppsøgd úr húsi sínum, sum HB hevur út- vegað teimum í sambandi við sáttmálan, men eisini hetta skal, sambært donsku Spillerforeningen, verða heimildarleyst. Frá umboð- um fyri danska fakfelagið hava tey bæði fingið at vita, at tey kunnu fara á gisting- arhús at búgva upp á rokn- ing hjá HB, so leingi sum Martin er sáttmálabundin at felagnum, og tað er hann fram til 4. oktobur í ár, tí tað stendur tilskilað í sátt- málanum, at havnarfelagið útvegar dananum og unn- ustuni íbúð í sáttmálatíð- uni. Danska fakfelagið sig- ur sambært dananum eisini, at hóast Martin Christensen hevur rætt til løn fyri alt sáttmálatíðarskeiðið, so hevur hann samstundis krav upp á sítt spæliloyvi beinan vegin, tá ið HB hevur sagt sáttmálan upp. Martin Christensen sigur eisini, at tað mest vanliga í slíkum førum, har eitt felag vil sleppa sær av við ein leikara, er, at felagið og leikarin gera eina semju, sum báðir partar kunnu liva við, men hetta er so ikki hent í hesum føri. – Mær hevði dámt nógv best, at HB segði við meg, at teir ikki vóru nøgdir við meg og mítt avrik, og at teir fegnir vildu sleppa av við meg. So høvdu vit sett okk- um niður og møguligani gjørt eina semju, og tað hevði samstundis merkt, at vit framvegis høvdu verið væl. Sum støðan er nú, eri eg ógvuliga beiskur inn á HB, og tað harmar meg al- mikið, at okkara samstarv skal enda so, tí eg havi havt nógvar góðar upplivingar í felagnum, sigur Martin Christensen. Hevur fleiri tilboð Enn hevur Martin Christen- sen ikki gjørt av, hvar leiðin nú gongur, men hann sigur seg hava fleiri tilboð, bæði úr Føroyum og úr Dan- mark. Tó sigur unnustan Sabine, at hon helst vil aftur til Danmarkar, tí upp- livingin í sambandi við uppsøgnina av Martin hev- ur verið rættuliga ódámlig, og hon vil tí fegin sleppa burtur at fáa luft, sum hon málber seg. Danski miðvallarin ásann- ar, at hann hevur verið nógv darvaður av skaða, men hann sigur seg eisini hava gjørt nógv, millum annað fingið fleiri sproytir, fyri at blíva klárur. Støðugt hevur hann gingið til viðgerð hjá fysioterapeuti, men tað hevur tó ikki eydnast hon- um at koma ordiliga fyri seg í ár. Ein av orsøkunum til trupulleikan við at koma fyri seg eftir skaða sigur Martin Christensen verða krevjandi arbeiði. Hann sigur, at í fjør arbeiddi hann í Litaval á Hjalla, og tað var frálíkt, tí tað var ikki so krevjandi kropsligt. Ætlan- in var eisini, at hann skuldi halda fram har uppi, men stutt undan fráferðini til Føroya í vetur, fekk Martin at vita, at hann ístaðin skuldi arbeiða sum timbur- maður, ið hann eisini hevur útbúgving sum. Tað hevur tó víst seg, at timburar- beiði, sum Martin annars er sera glaður fyri, krevur nógv av kroppinum, og tað forðar skaðanum at grøðast sum skjótast, sigur Martin Christensen, ið eisini hevði sama trupulleika við ar- beiði og skaða, tá ið hann spældi í Danmark. Tey bæði, Martin og Sa- bine, siga, at síðstu vikur- nar hava verið ein ógvuliga trupul tíð, men Martin sig- ur samstundis, at tað hevur hjálpt nógv at havt tveir góðar mans at tosa við. Hann nevnir í hesum sam- bandi, at arbeiðsgevari hansara, Sámal Erik Hentze frá Húsavarðatænastuni, og hjálparvenjarin hjá HB, Oddbjørn Joensen, hava verið honum kærir. Uppsøgnin galdandi Vit settu okkum eisini í samband við leiðsluna í HB, men har vildu teir ikki gera tær stóru við merking- arnar til málið. Steinfinn Mittelstein, stjóri í Havnar Fótbóltur, sigur tó, at eftir teirra tykki hevur Martin brotið sáttmálan, og tí er uppsøgnin galdandi. Teir harmast sjálvsagt um gongdina, men vísa annars á, at sakførari felagsins ar- beiðir við málinum víðari. Skelkaður av viðferðini Martin Christensen er sera glaður fyri arbeiðið hjá Húsa- varðatænastuni, men sigur samstundis, at tað er krevjandi likamliga, og tískil ein av høvuðs- orsøkunum til, at tað gongur striltið við at koma fyri seg eftir skaða Mynd: Jens Kr. Vang 17 16 Nr. 137 - 21. juli 2004 Stóri atkvøðuslúkarin við seinasta býráðsval í Havn, Jákup Suni Joensen, stillar ikki upp til býráðsvalið í heyst. Hann sigur seg vera noyddan at velja millum vinnulív og politikk, og hugurin er meira til vinnulívið POLITIKKUR Heri á Rógvi heri@sosialurin.fo Oftani verður sagt, at vinnulív og politikkur ikki ganga væl í hond. Jákup Suni Joensen, bý- ráðslimur í Havn og fyrr- verandi tingmaður, er bæði vinnulívsmaður og politik- ari. Men tað ætlar hann ikki at halda fram við. Seks ára royndir í politikki hava ikki givið honum hug at halda fram. – Tað er ikki hugsandi, at eg stilli upp til býráðsvalið í heyst. – Býráðsarbeiði er alt ov funktionelt fyri meg. Tað hendir alt ov lítið. Mann følir oftani, at mann koyrir í tómgongd, sigur Jákup Suni Joensen, tá spurt verð- ur eftir grundgevingini fyri, at hann hevur valt at gevast í politikki. Vinnulív v. býráð Til dagligt er Jákup Suni Joensen eigari og leiðari fyri Sp/f Bulur, sum fæst við byggivirksemi. Og tað er hetta virksemið, ið Jákup Suni velur fram um býráðs- politikk - umframt lands- politikk. – Tú kanst ikki tæna tveimum harrum. Tú fært ikki gjørt alt, tú hevur sett tær fyri. Eg haldi, at tú verður ein vánaligari vinnulívsmaður av at vera í politikki, sigur Jákup Suni Joensen, sum kortini ikki vil gera viðmerkingar til, um aðrir býráðslimir í líkn- andi støðu eiga at taka somu avgerð sum hann. Fyri Jákup Suni er tað bæði ein spurningur um at vera hundrað prosent til staðar, har hann er, og ikki minst tær drúgvu manna- gongdirnar í býráðsarbeiði, ið gera, at hugurin at halda fram er so gott sum heilt burtur. – Eg valdi at royna bý- ráðspolitikk, men tað varð ikki, sum eg hevði roknað við. – Vanliga eri eg privatur vinnurekandi, og tá eg eri við til at avgera tingini. Í politikki mást tú boyggja teg fyri meirilutanum, sigur Jákup Suni Joensen. Stutta frástøðan í vinnu- lívinum millum fyrisiting- arligu avgerð og gerð er langt frá veruleikanum í kommunalum arbeiði, heldur Jákup Suni. – Avgerðirnar eru ótrú- liga umsitingarligar. Tú tekur eina politiska avgerð, men tað umsitingarliga er ógvuliga umfatandi og stórt, og tað riggar ikki so væl til mín. Tú ert bara leikmaður - ikki fakmaður. Tað skalt tú ikki blanda saman, sigur Jákup Suni Joensen. Sum partur av fólka- floksumboðanini í Tórs- havnar býráð hevur Jákup Suni fingið formanssessin í Havnanevndini litið upp í hendi, men hendan sess hevur hann ikki røkt sein- astu tíðina. Men hóast hann velur at gevast, so sigur Jákup Suni seg hava lært nógv hesi árini. Atkvøðuslúkari Í 2002 tók Jákup Suni Joen- sen seg úr landspolitikki. Tvey ár undan gjørdist hann toppskoraði á býráðs- valinum í Havn við góðum 350 atkvøðum. Harav vóru góðar 280 atkvøður fingnar til vega í heimbygdini Kollafirði. Hetta var fyrstu ferð, at kollfirðingar skuldu á val saman við fólki í Havn í nýggju samanløgdu kommununi. Men stóri persónligi stuðulin seinast og góðu útlitini fyri at verða afturvaldur fáa ikki Jákup Suna at broyta mein- ing. Jákup Suni Joensen er 45 ára gamal, og hann megnar at fylla 46, áðrenn komandi kommunal verður hildið. Hesi seinastu árini, sum Jákup Suni hevur umboðað kollfirðingar í býráðnum, er hann eisini væl nøgdur við. – Kollafjørður hevur fingið øgiliga nógv burtur- úr at vera í Tórshavnar kommunu. Íløgur eru gjørdar fyri einar tjúgu milliónir. Vit her norðuri hava fingið tað, vit fóru eftir, sigur Jákup Suni Joensen, ið seinastu fýra árini hevur verið einasti kollfirðingur í býráðnum - og eisini partur av meiri- lutanum. Serliga tað, at gongd er komið á at fáa ítróttahøllina liðugt bygda, er Jákup Suni nøgdur við, tá júst hetta málið er eitt hjartamál hjá honum og hjá flest øllum kollfirðingum. Hóast vit royna dúgliga, so vil Jákup Suni ikki siga so nógv um, hvar hann roknar við, at hansara "leysur" atkvøður fara at enda í heyst, men hann heldur, at Fólkaflokkurin eigur at hava góðar møgu- leikar at endurvinna góða úrslitið fyri fýra árum síð- ani. Higartil hevur ikki nógv verið at frætt í býráðsvalið í Havn. Onkur nýggjur listi hevur spøkt, og í Javnaðar- flokkinum er stríð millum báðar býráðslimirnar hjá flokkinum. Men uppstill- ingarfundir hava ikki verið nakað at hoyrt til, men væntandi kemur glið á hetta ikki so heilt leingi eftir summarfrítíðina. Atkvøðu- slúkarin í Kollafirði heldur avgjørdur, at tað hevði komið væl við hjá komm- ununi og býráðnum, um fleiri kvinnur vórður valdar í heyst. – Eg havi einki ímóti at fáa fleiri konufólk í býráð- ið. Tey bleytu virðini verða forsømd við ov nógvum monnum. Vit hugsað kanska ov nógv um tøl og útboð og eftirspurning, sigur Jákup Suni Joensen. Fremsti skal vera borgarstjóri Við flestum persónligum atkvøðum á fólkaflokslist- anum til seinasta býráðsval, vóru tað fleiri, sum rokn- aðu við, at Jákup Suni Joensen fór at gerast borg- arstjóri í Tórshavnar kommunu. Jákup Suni sigur, at politiska telvingin fylgir langt frá altíð nøkr- um tílíkum meginreglum. – Skuldi eg verið borgar- stjóri, so sat eg í andstøðu, sigur Jákup Suni Joensen, sum tá fekk skotið í skógv- arnar, saman við Bjarta Mohr, at politisku royndir- nar vantaðu. Men vinnulívsmaðurin úr Kollafirði situr ikki syrgin og forsyndaður eftir. – Eftir hesi árini í bý- ráðnum, so kundi eg satt at siga ikki hugsað mær at verið borgarstjóri. Tú ert alt ov nógv ein kransakøku- figurur, og tað er riggar ikki til mín, sigur Jákup Suni Joensen. Verður úrslitið við valið í heyst nakað líkt tí seinast, og ein líknandi støða við- víkjandi borgarstjóraspurn- inginum tekur seg upp, so heldur í øllum førum Jákup Suni Joensen, at tað kundi verið upp á pláss, at tann við flestum persónligum at- kvøðum eisini gerst borgar- stjóri. Àvísir føroyskir politik- arar hava seinnu árini duga væl at lata frætta, at teir ikki stilla upp til val, men fyri síðani at broyta hugsan og brádliga endurvinna hugin og viljan at stilla upp. Men Jákup Suni Joensen vil ikki koyrast í hendan bás. – Tá eg sigi nakað, so meini eg tað. Alt annað er ikki tann, eg eri, sigur Jákup Suni Joensen. Jákup Suni gevst í politikki Heldur byggivirksemi enn politikk. Jákup Suni Joensen hevur upplivað nóg mikið av politikki á hesum sinni og gevst í politikki. Mynd: Jens Kristian Vang C M Y K 16