týsdagur 16. juni 2015síða 46

Mikudagur 17. juni 2015 · Nr. 68 46 Sosialurin Hugskot og viðmerkingar – send sms til 225000 ítróttur Mikukvøldið skal nýggja ættar­ liðið av U-21 landsliðsleikarum hjá Føroyum undir eina nýggja undan­kapping. Fyrsti dysturin verður leiktur á Svangaskarði móti Azerbadjan. Merkisvert er, at nærum allir leikararnir á tí føroyska liðnum eru nýggir í U-21 lands­liðs­samanhangi nýtt U-21 lands André Olsen Føroyska U-21 landsliðið sum í 2007 varð sett á stovn, hevur verið ein sonn sólskinssøga fyri føroyskan fótbólt. Frálík úrslit og frálíkt fótbóltsspæl hava alla tíðina eyðkent før­ oyska U-21 landsliðið, sum harafturat hevur verið ein góð lopfjøll hjá teim­um ungu leikarunum, sum síð­ ani eru komnir á a-lands­lið­ið. Hetta er eisini avgjørt nakað sum sæst aftur á A-lands­ liðnum í dag, har nærum allir leikararnir hava royndir frá føroyska U-21 lands­ liðnum. Einastu leik­arar­nir á a-landsliðnum í dag, sum ikki hava umboðað føroyska U-21 landsliðið eru Fróði Benjaminsen, Christian Lam­hauge Holst og Atli Gregersen, sum allir vóru ov gamlir í 2007, tá U-21 lands­ lið­ið á fyrsta sinni spældi dyst. Nýggj undankapping Mikukvøldið byrjar ein nýggj undankapping hjá U-21 lands­liðnum, har eitt nýtt ættarlið av stjørnuskotum fer at umboða okkara land. Fyrsti dysturin hjá nýggja U-21 landsliðnum verður leikt­ur á Svangaskarði klokk­ an 17:00, har Azer­badjan er mót­støðuliðið. Føroyska U-21 landsliðið hevur einaferð áður verið í bólki saman við Azerbadjan í U-21 landsliðshøpi, og eiga vit góð minnir frá teimum dyst­unum. Í 2007 vunnu vit heimadystin móti Azer­ badjan 1-0, og í 2008 spældu vit 2-2 á útivølli móti Azerbadjan. Hagtølini tala tí fyri, at vit hava ein góðan møgu­leika móti Azerbadjan á Svanga­ skarði mikukvøldið. Óroyndur hópur Merkisvert er, at í hópinum til dystin mikukvøldið eru rættuliga nógvir nýggir mans, ið ongar royndir hava í U-21 landsliðshøpi. Einasti leik­ari, ið hevur umboðað U-21 landsliðsliðið áður er áleyparin Poul Ingason, sum millum annað skoraði út­javn­andi málið móti Rumenia fyri tveimum árum síðani. Afturat honum hevur verjuleikarin, Andrias Eriksen, fyrr verið úttikin á U-21 landsliðið, men eigur enn sín fyrsta dyst til góðar. Tað er eingin ivi um, at tað er ein dyggur smeitur, at U-21 landsliðið hevur fing­ið nógv avboð til dystin móti Azerbadjan miku­kvøld­ið. Sonni Ragnar Nattestad og Hørður Askham, sum mann­ aðu eina stinna mið­verju í seinastu undan­kapp­ing hava báðir melda avboð til dyst­in móti Azerbadjan. Aftur­at teimum báðum, hava venjararnir eisini fingið av­boð frá Gesti B. Dam, Hera Kjærbo, Rasmus Dan Sørensen og Teiti Olsen. Royndir hjá U-21 lands­ lið­num frá fyrr av vísa tó, at liðið ofta fær úrslit, tá nógv avboð ella stór útskifting er í hópinum. Besta dømi uppá tað er legendariski 1-0 sig­ ur­in móti Russlandi í 2009. Tá­verandi U-21 lands­liðið hevði tá spælt leygardag móti Rumenia, har liðið hevði tapt skuffandi 4-0. Tá­ver­andi venjararnir Bill McLeod Jacobsen og Heðin Askham valdu tí at gera nógv­ar broytingar á liðnum til dystin móti Russlandi fýra dagar seinni. Millum leik­ararnir, ið tá fingu møgu­leikan til dystin móti Russ­landi var millum annað Jóan Símun Edmundsson, ið takk­aði fyri álitið og avgjørdi dystin móti russum. Hann er síð­ani eisini vorðin ein av ber­andi kreftunum á før­ oyska a-landsliðnum. U21-landsliðið fótbóltur Myndir: Hans Erik Danielsen/FSF