fríggjadagur 19. juni 2015síða 9

Fríggjadagur 19. juni 2015 sosialurin 69 9 – Eg eri púra tikin av fótum og hetta vísir, at tjóðskapar­ kenslan í føroyinginum, er styrkt, sigur Høgni Hoydal Áki Bertholdsen E g stúrdi fyri, at hetta kundi henda, og tað nytt­ ar ikki at gremja seg. Tað sigur Edmund Joensen, fallin fólkatingsmaður. Kvøldið í gjárkvøldið varð langt hjá honum, og heilt til valúrslitið í Havnini varð greitt, lá hann til at verða annar fólkatingsmaður fyri Føroyar. Og tað var nettupp úrslitið í Havnini sum kollvelti valinum, tí tað var ein vanlukka fyri Sam­ bandsflokkin. Og úrslitið í Havn var so vána­ ligt fyri flokkin, at bæði Tjóð­ veldi og Javnaðarflokkurin fóru framum, og tóku teir báðar før­ oysku fólkatingssessirnar. – Hetta er tað, sum kann henda í politikki og eg stúrdi fyri, at úrslitið í Havnini kundi vera okkum at bana, sigur Edmund Joensen. Tað, hann sipar til, er, at Sam­ bandsflokkurin stillaði bara eitt einasta valevni upp í Havnini, og tað var Kaj Leo Holm Johannesen, løgmaður. Og tá ið hann sjálvur so eis­ini hevði eitt vanlukkuligt val, stóð fólkatingsessurin hjá Sam­bands­ flokkinum ikki til at bjarga. – Uppstillingin í Havnini var ov veik og tað var ov vánaligt av okkum, tí her búgva 20.000 fólk. Høvdu vit havt eini trý, fýra val­ evni afturat í høvuðsstaðnum, haldi eg, at vit høvdu fingið so frægt av atkvøðum afturat, at vit høvdu varðveitt fólkatingssessin. Tað er týðiligt, at tað var úrslitið í Havn, sum koppaði okkum, tí til Havnin kom, lógu vit væl fyri at fáa fólkatingsmannin. Hann vil kortini ikki geva løg­ manni skyldina, tí hann heldur, at hann gjørdi tað, hann kundi gera. Men hann er eisini bundin av heimliga politikkinum. – Men vit skuldu havt stillað onnur valevni upp í Havn, sigur Edmund Joensen. Hinvegin fegnast um, at sjálvur hevði hann eitt kanónval við 2.416 atkvøðum, og tað er tað mesta, hann nakrantíð hevur fingið. – Tað nyttar einki at gremja seg í politikki, men vit vóru ov stutt hesa ferð, sigur hann. Hann heldur eisini, at tað hevur eydnast at Tjóðveldi at skapa øsing um makrelmálið, og at Føroyar vórðu boykottaðar, og tað eydn­aðist at reka veljarar á val upp á tað málið. Og hóast løgmaður fekk eitt vanlukkuligt val, vil Edmund Joensen ikki siga í kvøld, um stundin er komin at flokkurin fær ein nýggjan formann. – Tað er ein spurningur, lands­ fundurin avgerð. Kunnu einki krevja Einasti glotti, Edmund Joensen sær í fólkatingsvalinum, er, at blái blokkur í Danmark fekk meiri­ lutan einsamallur. Tað merkir, at hann er ikki bundin av vælvild úr Føroyum. – Sostatt er blái blokkur ikki tving­aður til at ganga ynskinum frá Tjóðveldi um eina føroyska grund­lóg, ella onnur fullveldismál, á møti, sigur Edmund Joensen. Hóast Edmund Joensen tapti fólkatingsvalið, vil hann ikki siga, at hann nú er liðugur í politikki. – Eg eri komin upp í árini, men heilsan er góð, so eg havi ikki tikið støðu til, um eg stilli upp til løg­ tings­valið, sigur Edmund Joensen. aki@sosialurin.fo Vit mugu bara klára tað betri eina aðru ferð, sigur Edmund Joensen, sum setti met í atkvøðum – men tapti Tað nyttar einki at gremja seg – Vit taptu Havnina, og tí taptu vit eisini valið, og tað var ov vánaligt, heldur Edmund Joensen, sum ikki longur er »okkara maður á Christiansborg« á fólkating Áki Bertholdsen – Eg eri ómetaliga fegin um at hava fingið eina so dygga álitisváttan. Tað sigur nýggja stjørnuskotið hjá Tjóðveldi, Magni Arge. Hann kom mestsum burtur úr ongum og still­aði upp til Fólka­tings­valið – og fekk heilar 1082 atkvøður, og sostatt er hann næstvaldur á lista­num, bara 400 atkvøður eftir Høgna Hoydal. Men at siga, at hann kom burtur úr ongum, er kanska at taka munnin nakað fullan, tí Magni Arge varð eisini upp­stillaður í 1988 og tá var hann nummar fimm á listanum, og úrslitið av tí var, at hann sat á tingi í nakrar heilt fáar vikur í 1989, sum varamaður. – Tað upplivilsið var so ræðuligt, at gjørdi upp við meg sjálvan, at eg skuldi aldrin upp í politikk aftur, sigur Magni Arge. Hinvegin sigur hann, at hann hevur altíð havt ein brennandi áhuga fyri at byggja land, so ístaðin fyri at gera tað í politikki, hevur hann roynt at gera tað í vinnulívinum. – Og eg var so heppin at fáa álitis­ størv, eitt nú sum formaður í Ferða­ ráðnum, áðrenn eg fekk tilboð um at verða stjóri í tjóðarflogfelag okkara, og har var eg við lív og sál í næstan 19 ár. – So hóast eg ikki havi gingið við einum politikara í búkinum fyrrenn nú í einar tríggjar vikur, haldi eg, at veljarin hevur víst mær, at hann hevur virðismett tað arbeiðið, eg havi gjørt í eini 30 ár fyri at byggja land á ymsum økjum, ikki minst í Atlantsflogi. Neyðugt skifti Magni Arge sigur, at við teirri dyggu undirtøku, hann hevur fingið kring landið – eisini úr Vágum – heldur hann, at fólk hava víst honum álit til politiskt virksemi, og tað fer hann nú undir við gleði. Hóast hann fegnast um sítt egna úrs­lit, er hann mest fegin um, at Tjóð­ veldi varð størsti flokkur á val­inum og fekk fólkatingsmannin. – Tað er neyðugt at fáa Tjóðveldi á Fólkating at tala okkara søk og at nýskipa viðurskiftini ímillum Før­ oy­ar og Danmark, so at vit fáa størri ræðisrættindi á okkara egnu viður­ skiftum. – Makrelorrustan, og ósemjan um eina føroyska grundlóg, eru tvey dømi um, hvussu skerd vit eru, tá ið okkara áhugamál eru á skrá. Samstundis hevur danska stjórnin víst, at hon hevur størri trúfesti mótvegis ES, enn hon er ímóti okkum, sigur hann. – Tí mugu vit sjálvi reisa okkum verja okkara áhugamál – og tað gjørdu vit á valinum í gjár, sigur Magni Arge. Avloysari á Fólkatingi Magni Arge er næstvaldur á listanum hjá Tjóðveldi og sostatt verður tað hann, sum fer at avloysa á fólkatingi. Í Tjóðveldi hava tey fyribils av­ talað, at ongin skal røkja sessin í bæði Løgtingi og í Fólkatingi í senn, so tá ið Høgni Hoydal er bundin av arbeiði í Løgtinginum, verður tað Magni Arge, sum verður fólkatingsmaður. Hann sigur, at nú hann hevur fingið so dygga undirtøku, liggur ein skylda á honum at stilla upp á løg­ tings­valinum. – So fái eg eina áheitan frá flokk­ inum um at stilla upp á løg­tings­val­ inum, vænti eg, at eg taki av, sigur Magni Arge. Men eftir úrslitið á fólka­tings­ val­inum, mann tað bara vera ein av­ greiðslu­spurningur … aki@sosialurin.fo Myndir: Álvur Haraldsen