fríggjadagur 19. juni 2015síða 36

Fríggjadagur 19. juni 2015 sosialurin 69 36 ítróttur Ikki við: Alex Mellemgaard (lærkrikin, 4 vikur), Jónas Tór Næss (økslin, 3 vikur) Ivasamir: Hørður Askham (lærkrikin), Árni G. Nielsen (hælsinan) Við aftur: Jákup á Borg Ikki við: Gunnar Haraldsen (Skaddur, lærkrikin), Jóhan Troest Davidsen (Leikbann) Ivasamur: Arnbjørn Hansen, Christian R. Mouritsen Við aftur: Rókur av Fløtum Jespersen Ikki við: Súni Olsen (Knæskaði, 2-3 vikur), Gert Hansen (Knæskaði, 1-2 vikur) Allir mans tøkir. Ikki við: Jóhannes Hansen (baklærið, 2 vikur), Rasmus Dan Sørensen (fótur, óvist), Ivasamur: Leif Niclasen (fótur) Jóannes Hansen S íðani leygarkvøldið hevur fagnaðurin verið stórur. Framúr avrikið og sigurin ímóti Grikkalandi hevur lyft føroyskan landsliðsfótbólt fram á eitt nýtt støði – bæði so og so. Á FIFA styrkislistanum er skarvslopið so stórt sum ongantíð áður. Heima á landi er áhugin fyri at síggja lands­ liðið størri enn nakrantíð. Atgongu­ merkini til dystin ímóti Norðurírlandi 4. september vórðu rivin burtur eftir lítlari løtu, og tað eru dømi um út­ lendingar, sum hava spurt seg fyri, hvussu tað ber til at fáa atgongumerki, tá ið Rumenia fer at vitja í Føroyum. Tað verður sunnudagin 11. oktober, tá ið punktum verður sett fyri hetta fót­bóltsárið. Eina stóra viku frammanundan – leygardagin 3. oktober – verða FM steyp og gullkrónur og alt hitt skreytið handað. Eftir framúr landsliðsavrikið leygarkvøldið og vónbrotið mikukvøldið, tá ið U21 landsliðið tapti á heimavølli ímóti Aserbadjan, verður í vikuskiftinum farið undir aftur heimligu kappingina. Tólv umfør eru eftir av ársins lands­kapping. Tvey tey næstu viku­ skiftini verður spælt, og so verður summarfrí fram til á ólavsøku. Meðan landsliðssteðgurin hevur verið, hevur tað í nøkrum feløgum verið møguleiki fyri at leggja nógv í venjingarnar og at arbeiða fyri, at teir, sum hava verið illa skaðadarvaðir, skulu koma fyri seg aftur. Í øðrum feløgum hava tað ikki verið so nógvir til venjingar, tí bestu spælararnir hava verið upptiknir av at umboða føði­landið á A-landsliðnum ella á U-21 lands­liðnum. Í gjárkvøldið vóru allir teir til venjingar aftur, sum fram til miku­ kvøldið vóru upptiknir av U-21 lands­ liðnum. Eingin varð illa skaddur á Svanga­skarði, og harvið sær tað út til, at teir eru tøkir til avbjóðingina, sum bíðar. Tað er sjáldan, at talan er um so greiðar favorittar, sum talan hesaferð er um. Toppliðið NSÍ fær leygardagin vitjan av TB, sum hevur 16 stig, og sum er 16 stig aftanfyri NSÍ. B36 fær vitjan av KÍ, sum er seks stig aftanfyri árstalsfelagið. FC Suðuroy fær vitjan av Víkingi, sum hevur 27 stig, og sum harvið hevur meiri enn tvífalt so nógv stig sum heimaliðið á Vágseiði, og HB skal norður í Sundalagið. HB hevur 27 stig, meðan EB/Streymur hevur seks stig! Síðsti dysturin er tann millum ÍF og AB. Hann verður ikki spældur í Fuglafirði, men í staðin fer ÍF hesaferð at eiga heimavøll í Leirvík. Tað kemst av, at nýtt graslíki verður lagt á vøllin í Fløtugerði. At ÍF eigur heimavøll bæði nú sunnudagin og aftur næsta fríggjakvøld ber við sær, at tveir heimadystir verða fluttir til Leirvíkar, áðrenn tað aftur verður klárt at spæla á graslíkinum í Fuglafirði. Fingu nýtt mót ÍF - AB Alex Troleis Sunnudagin kl. 15.00 í Leirvík Síðani 1-1 javnleikin í Vági fyri knøppum tveimum vikum síðani hevur Sámal Erik Hentze saman við AB fyrireikað seg til avbjóðingina í Leirvík. Um roknað verður út frá støðutalvuni og út frá, tá ið liðini seinast hittust – 1-1 skírisdag á Argjum – so er lagt upp til, at hetta verður tøtt og spennandi uppgerð. – Tað er eingin ivi um, at AB eigur nógvar góðar spælarar. Tí er tað í høvdinum, at tað ræður um at venda gongdini, hevur AB venjarin Sámal Erik Hentze sagt. Inntil í síðstu sekundunum í Vági sá tað út til, at AB skuldi tapa, og at vegurin fram til áttanda plássið og bjarg­ingina harvið skuldi verða ógvu­liga tungur og langur. So var tað, at málverjin, Heðin Stenberg, í síðsta sekundi javnaði og harvið birti vónina hjá AB um, at tað skal eydnast at varðveita plássið í fremstu røð. Nú kemur tað illa við, at Heðin Stenberg hevur brotið tveir fingrar, og at hann tískil er skaðadarvaður. Um Heðin ikki verður førur fyri at spæla í Leirvík, verður tað eykamálverjin Niklas Thomsen, sum fer at verja AB málið. Eftir at tað í fleiri umførum ikki var nakað serliga hugaligt í Fuglafirði, hevur tað tvær tær seinastu ferðirnar sæð betri út – 2-0 heimasigur á TB og so málleyst í Klaksvík á norðoya­ stevnu. AB eigur framvegis fyrsta sigurin í hesum kappingarárinum til góða. Stórt sjálvsálit í Sarpugerði FCS - Víkingur Lars Müller Sunnudagin kl. 15.00 Hjá Sigfríði Clementsen og Víkingi hevur gongdin verið tann sama sum undanfarnu árini. Eftir laka byrjan hava teir ljósabláu strítt seg í steypafinaluna, og nú eru teir á triðja plássi í landskappingini. Leygarkvøldið vóru tríggir teirra – Bárður J. Hansen, Atli Gregersen og Sølvi Vatnhamar – við til at vinna 2-1 á Grikkalandi. Nú er tað gerandisdagur aftur í Sarpugerði, har teir í vikuni hava fyrireikað seg til setningin á Vágseiði. Tá ið FC Suðuroy skírisdag var í Gøtu, var úrslitið 4-0, og Finnur Justinussen skoraði øll málini. Hann hevur samantalt skorað ellivu ferðir, men higartil í ár er tað bara ímóti FC Suðuroy, at hann í einum og sama dysti hevur skorað fleiri enn eitt mál. Jón Pauli Olsen og hansara menn í FC Suðuroy vóru ógvuliga vónbrotnir, tá ið teir á heimavølli mistu sigurin ímóti AB. Hetta var bara eitt av fleiri dømum, tá ið tað í síðstu løtu er kiksað. Hesaferð er avbjóðingin so mikið stór, at heimaliðið heilt víst fer at kenna javnleik sum at hava vunnið eitt stig, meðan javnleikurin ímóti AB gav kensluna av at hava tapt tvey stig. LIÐ TÍÐINDI B36 HB Víkingur NSÍ EB/Streymur Fótbóltur Sjáldan eru favorittarnir so stórir, sum teir síggja út til at vera hesaferð, tá ið toppliðini hitta tey, sum eru niðari á talvuni Tað sær út til at vera sum fótur í hosu Upptakt til Effodeildina