mánadagur 22. juni 2015síða 8

Mánadagur 22. juni 2015 · Nr. 70 8 Sosialurin Hugskot og viðmerkingar – send sms til 225000 HÁsummarhátíð Boðskapurin hjá Franklin Graham var hin sami, sum pápi hansara, Billy Graham, hevur prædikað seinastu 70 árini. Gud elskar teg. Jesus doyði fyri teg. Trúgv á Hann, og tú skalt verða frelstur Danjal av Rana Longu fimm korter undan møt­inum, var røðin av fólki, sum bíðaðu eftir at sleppa inn, allan vegin fram­við ítróttarhøllini og oman til Ringvegin. Ítrótt­ar­høllin á Hálsi, Dansi­frøi og teltið uttanfyri ítrótt­ar­høll­ina vóru øll full, tá Ebe­nezer­ kór­ið sang fyrstu tónarnar klokkan 17.30. Blátt Gras slapp eisini á pallin, og tað var eyðsæð, at áhoyrarunum dámdu bluegrassbólkin úr Vágunum. Heini Lützen slapp síðani at enda før­ oysku luttøkuna, áðrenn Pauli Høj, samkomuleiðari í Kelduni, ynskti teimum gott og væl 4.000 fólkunum vælkomnum. 45 samkomur og kirkjur stóðu saman um at skipa fyri tiltakinum. Franklin Graham ferðast um allan heim og talar á møti­røðum, og tað er eyðsæð í øllum, sum verður gjørt, at hetta eru professionell fólk, ið skipa fyri. So gott sum einki er latið yvir til til­vildina at valda, tó at tað til tíðir kann tykjast ið so professionelt í einum lítlum samfelag sum tí føroyska. Ein hevur eisini var­ hug­an av, at skipanin av møt­unum ber brá av, at ameri­kumenn standa fyri. Ikki færri enn fýra ymiskir tónleikabólkar luttóku á møtunum og sungu tveir- tríggjar sangir hvør. Størsta navnið av teimum var uttan iva Michael W. Smith, sum einsamallur kundi drigið líka stóra mannfjøld niðan í ítrótt­ar­høllina, um talan var um eina konsert. Tíðin var tó knøpp, um øll skuldu sleppa fram at, so heldur ikki hann sang fleiri enn tveir, tríggjar sangir. Franklin Graham er son­ur navnframa Billy Gra­ham, og ikki kann sigast ann­að, enn at hann gongur í fóta­spor­ um pápans. Boðskapurin var hin sami einfaldi gleði­boð­ skapurin, sum pápi hansara talaði um allan heim. Gud elskar teg. Syndin skilir teg frá samfelagi við Gud. Eitt ævigt fortapilsi bíðar tær. Men Gud hevur ein út­ veg. Hann sendi son sín at doyggja fyri teg og frelsa teg. Trúgv á Hann, og tú skalt verða frelstur. – Um tú gloymir alt ann­ að, eg sigi í kvøld, minst tó til hetta. Gud elskar teg, segði Franklin Graham millum ann­að í talu síni. Tvey møti vóru hildin í gjár. Eftir fyrra almenna møtið, hevði Michael W. Smith eina stutta konsert. Hann var í Føroyum fyri 19 árum síðani og fylti tá ítróttar­høllina í Runavík. Kon­sertin í gjár vísti tó týði­liga ta broyting, sum hann er farin ígjøgnum sein­astu árini. Á Hálsi í gjár upp­livdu fólk lovsangaran Michael W. Smith heldur enn poppsangaran, sum var her í 1996. Tó so, hann treiv kortini í onkran av kendu sangunum frá gomlu døgunum. Seinna møtið var ætlað teimum ungu, og tá luttók kanad­iski rockbólkurin Thousand Foot Krutch. Bólk­ urin hevði eisini eina stutta konsert eftir møtið, og tað var kanska líka frægt, at tey flestu eldru vóru farin heim, tí tað varð vilt og hart. Á seinna møtinum tók Frank­lin Graham út­gangs­ støði í søguni um burtur­ vilsta sonin, og lutaði sína egnu søgu, um hvussu hann vendi Gudi og pápa sínum bakið. – Eg trúði á Gud, men eg vildi ikki, at Jesus skuldi stýra mínum lívi, segði hann. Síðani greiddi hann frá, hvussu hann fann leiðina heim aftur til Gud sín. Hóast boðskapurin er einfaldur, so ber hann fram. Sambært fyriskiparunum komu um 300 fólk fram, tá Franklin Graham bjóðaði fólki at taka ímóti Jesusi sum sínum frelsara. Franklin Graham hevði eina seinastu heilsan til teirra. – Vit síggjast í Himli. Jesus frel