mánadagur 22. juni 2015síða 16

Mánadagur 22. juni 2015 · Nr. 70 16 Sosialurin Hugskot og viðmerkingar – send sms til 225000 ÍTRÓTTUR Jóannes Hansen Tað eru nýggjar tíðir í kapp- róðrinum. At avgreiða FM róðrarnar fer nú við styttri tíð enn tað tekur at spæla ein fótbóltdyst hjá teimum vaksnu - hálvan annan tíma ella so. Sum tað líður út á kapp- ingarárið, plagar tað at ganga alt betri og skjótari. Soleiðis er tað eisini í ár, og orsøkirnar eru tær somu, sum tær plaga at vera. Nú juni mánaði fer at halla, kennist tað bæði í vindi og sjógvi, at summarið er komið, og harvið eru líkindini at rógva kapp væl betri, enn tey vóru í fyrstu róðrunum, sum vóru fyrrapartin av hesum mánaðinum. Og so kennast manning- arnar at vera í góðari venjing. Tað tekur lítla tíð at leggja bátarnar, og tað kemur mest sum ikki fyri, at talan er um tjóðstart. Drekin Reyði er stinnastur Kappingin millum 10-manna- førini var aftur leygardagin tøtt. Hesaferð varð kappast á fjarðastevnu, sum var á Strondum. Spurningurin og spenningurin var, hvussu tað fór at tørna út, nú Drekin Reyði skuldi royna at reisa seg. Á sundalagsstevnu í Kollafirði var nýggi Klaks- víkingur fremstur fyri fyrstu ferð, og Drekin Reyði, sum royndi seg fyri fyrstu ferð í fjør, var ikki fyrstur á mál - fyri fyrstu ferð. Tað var Drekin Reyði, sum var fyrstur á mál, og tað var ikki so ógvuliga tøtt kapping um sigurin. Tá ið bátarnir komu skúmandi fram ímóti málinum, kendist tað sum um, at teir umborð á reyða 10-mannafarinum av Argjum høvdu tak á støð uni. Klaks- víkingar royndu at spenna í, men tað munaði ikki at taka ta hálvu bátslongdina ella so aftur, sum Drekin Reyði so við og við hevði vunnið sær. Í startspurtinum var Klaks víkingur skjótur at stinga stavnin framum av- bjóðaran. Tað var skjótt, at lítli munurin var javnaður út aftur. So reið um snarið í einar 100-200 metrar. Men so fór tað so spakuliga at vísa seg, at tøkini hjá teimum á Drekanum Reyða vóru eitt vet dyggari, enn tey vóru hjá manningini á Klaskvíkingi. Ein tummi fyri og annar eftir varð lagdur aftrat, men fjarstøðan var ongantíð so stór, at tað ikki kundi bera til hjá Klaksvíkingi at taka tað aftur, um hann fór at ganga soleiðis í endaspurtinum, sum hann so ofta hevur gjørt. Tað vístu seg tó ikki at vera fleiri knotur í teimum umborð á hvíta bátinum, enn tað vóru umborð á reyða bátinum. Drekin Reyði fór fremstur um málið. Nú fæst at síggja á jóansøku leyg- ardagin, um Klaksvíkingur fer at megna enn einaferð at svara aftur, ella um tað hesaferð verður soleiðis, at argjamenn fara at økja um munin og harvið fara at leggja seg uppaftur fremri í royndini at endurvinna FM heitið. Havnarbáturin var aftur hesaferð nummar trý. Hann hekk so mikið leingi uppií, at møguleikin fyri, at tað skal eydnast teimum við hvíta drekastavninum at toga seg uppaftur longri fram, ikki er burtur. Aðru hvørja ferð Eisini í kappingini millum 8-mannaførini tykist manna- gongdin at vera, at sigurin skiftir millum tveir bátar. Á norðoyastevnu vann Heiða- báturin. Á sundalagsstevnu svaraði Argjabáturin aftur, og leygardagin var Heiða- báturin aftur fremstur. Á sundalagsstevnu var Tofta Regin fimm sekund aftanfyri Heiðabátin. Leyg- ar dagin var fjarstøðan frá Tofta Regini og fram til Argjabátin trý sekund. Tí ber tað ikki til at avskriva, at tað skal eydnast vágbingum at skifta bronsuplássið, sum teir higartil hava verið noyddir at taka til takkar við, út við fínari metal. Sum í tveimum teimum undanfarnu kappingunum, so var tað leygardagin so sera tætt millum Heiðabátin og Argjabátin. Heiðabáturin var dyggur og trygur í endaspurtinum. Tað var ikki so stórur munur, men tað var eingin ivi, tá ið bátarnir nærkaðust málinum, at guli Heiðabáturin var eina hálva bátslongd ella so undan Argjabátinum. Tvørabáturin rennur undan Á norðoyastevnu vann Páll Fangi í heimasjógvi kapp- ingina millum 6-mannaførini við monnum. Á sundalags- stevnu var Tvørabáturin stinn astur, og aftur leygar- dagin vóru tað teir av Tvør- oyri, sum sigraðu. Í Kollafirði var tað bara 4/25 av einum sekundi millum Tvørabátin og Páll Fanga. Leygardagin var munurin teirra millum ein bátslongd. Kappingin um næstfremsta plássið var tøtt, og hana vunnu fuglfirðingar umborð á Rádna. Teir vóru sera treiskir, og á málinum høvdu teir skutin undan klaksvíkingum. Lómur vann innanhýsis kappingina í høvuðsstaðnum um fjórða plássið við Jarn- bard. At Páll Fangi hesaferð datt aftur á triðja plássið, og at Tvørabáturin var fremstur ber við sær, at teir í Froðbiar Sókn nú eru favorittar at vinna FM heitið. Erla hevur høgt flog Heldur ikki hesaferð var tað nøkur kapping um fremsta plássið, tá ið 5-mannaførini við kvinnum róðu. Men um tíðirnar á fjarðastevnu verða sammettar við tær undanfarnu ferðirnar, so eigur møguleikin ikki at vera útihýstur fyri, at tað møguliga verður okkurt slag av kapping næstu ferðirnar. Á sundalagsstevnu var Ritan seks sekund aftanfyri Erlu Kongsdóttir, og leyg ar- dagin var munur millum hesar báðar bátarnar minni enn fimm sekund. Á sunda- lagsstevnu var Teistin eitt sekund aftanfyri Rituna, og munurin var tann sami millum hesar báðar bátarnar leygardagin. Firvaldur fyri triðju ferð Genturnar umborð á Fir- Klaksvíkingar megnaðu ikki at gera nakað við Drekan Reyða, sum var klárt fremstur á fjarðastevnu, har Erla Kongsdóttir og Firvaldur við kvinnum og gentum vunnu fyri triðju ferð og hava fult stigatal ARGJAMENN VERÐA TUNGIR AT TAKA Fjarðastevnuróður KAPPRÓÐUR