mikudagur 24. juni 2015síða 36

SOSIALURIN oyggjaleikir 12 1939 27. juni - 3. juli 2015 Á oyggjaleikunum á Bermuda fyri tveimum árum síðani, mátti Bartal Eliasen púra óvæntað taka um endan sum høvuðsvenjari, tí tað ikki bar til at fáa Boban Ilic við til Bermuda. Boban skuldi annars vera høvuðsvenjari, men klutur við passinum hjá bosniaranum gjørdi, at hann ongantíð kom so langt sum til Bermuda, og tí stóð Bartal, sum annars »bara« skuldi vera hjálparvenjari, við evstu ábyrgd. – Tað gekk nú øgiliga væl, tí tað eydnaðist okkum at koma allan vegin í finaluna og vinna hana. Stamman á liðnum er tann sama, sum hon var á Bermuda, so útlitini skuldu verið á eini góðari leið, nú uppgávan snýr seg um at verja gullið, sigur Bartal, sum aftur hesaferð er hjálpar­venjari hjá Boban, ið hesaferð vónandi sleppur til Jersey sum høvuðsvenjari uttan nakrar trupul­leikar. Bartal heldur tí, at tað er eitt sindur torført at meta um spælararnar, tí tá tær vóru saman til EM-undankapping fyri smátjóðir í mai mánaði, vóru summar betur fyri enn aðrar, men nú er eitt sindur fráliðið. – Vit hava ikki sæð tær, sum spæla niðri, men tær plaga at vera væl fyri, og hóast kappingin liggur still, hava tær vant við sínum liðum allíka­væl. Og spælararnir, sum eru úr føroysku kappingini, eru væl fyri, sigur hjálparvenjarin. Skulu vera kaldari Samstundis sum Bartal Eliasen staðfestir, at spælararnir eftir øllum at døma eru væl fyri til oyggjaleikirnar á Jersey, harmast hann eitt sindur um, at fyrireikingarnar ikki hava verið heilt so góðar, sum hann og Boban kundu hugsað sær. – Tað er sjálvandi ikki optimalt, at vit ikki fáa fyrireikað okkum við øllum spælarunum til taks. Men tað sær út til, at tað ikki nóg væl ber til at fáa spælararnar, sum eru niðri, heim til Føroya at venja og spæla, og úrslitið av tí er, at vit ikki hava havt allar samlaðar síðani í mai mánaði, sigur hann. – Í tí kappingini vunnu vit á Liechtenstein, men máttu lúta í trimum fimmsettarum í dystunum ímóti Skotlandi, Kypros og Luxem­ bourg. Vit vistu, at tað fór at vera torført í EM-undan­kappingini, men aftaná kundu vit stað­festa, at vóru spælararnir eitt sindur kaldari í av­ger­andi løtunum, so høvdu vit vunnið allar tríggjar dystirnar, har vit máttu út í fimm sett, fyri síðani at tapa til síðst. Snýr seg um tvey lið Hinvegin fegnast hann um hesar fýra dystirnar, ið góvu nógv at arbeiða víðari við, og hóast tað kanska var í so tíðliga at fara til eina slíka kapping longu í mai mánaði, hevur liðið fingið roynt seg í dystum ímóti liðum, sum eru líka góð ella eitt lítið sindur betri enn Saaremaa, ið er hitt ordiliga góða liðið á oyggjaleikunum. Tað hevur tey seinnu mongu árini verið so á oyggjaleikunum, at Saaremaa og Føroyar hava verið klárt tey bestu liðini í flogbóltskappingini hjá kvinnum, og einki bendir á, at tað verður nakað øðrvísi hesaferð. – Eg trúgvi ikki, at nakað av hinum liðunum kann gera nakað við hesi bæði, so tað er ógvuliga sannlíkt, at finalan aftur hesaferð eigur at verða millum okkum og Saaremaa. Tað er eisini stutt­ligt at møta Saaremaa í hesum avgerandi dystunum, so hetta er avgjørt eisini nakað, vit síggja fram til, sigur Bartal Eliasen. – Í okkara innleiðandi bólki eru annars Bermuda, sum vit seinast vunnu 3-0 á í hálv­ finaluni, Grønland, sum vit vunnu 3-0 á í inn­leið­ andi kappingini, Cayman Islands, sum var í hinum bólk­inum, men ikki kom víðari, og so Guernsey, ið eg slett ikki rokni við, tí bretsku oyggjarnar ikki eru so stinnar í flogbólti. Skulu verja gullið Kvinnulandsliðið í flogbólti hevur øll árini verið ein sólskinssøga, tí tað hevur gingið so væl. Og á Jersey verður uppgávan fyrst og fremst at verja gullið, ið liðið tryggjaðu sær á Bermuda fyri tveimum árum síðani Flogbóltur Kvinnur: 1 Femja Mortensen, TB 2 Birgit Guttesen, Amagar VK 3 Anna Sunadóttir Hansen, Dráttur 4 Urd Tormóðsdóttir Traðará, HIK Aalborg 5 Karina Poulsdóttir Debes, VLI 6 Sóley Mørch Poulsen, KÍF 7 Guðrun Joensen, KÍF 8 Eina Kalsø, Amager VK (liðskipari) 9 Anja Sonnadóttir Danielsen, Fleyr 10 Eva Winther Nagata, Fleyr 11 Elisabeth Purkhús, Mjølnir 12 Sofía Purkhús, Amager VK Boban Ilic, venjari Bartal Eliasen, hjálparvenjari Sarita Vesturtún, fysioterapeutur Rúna Hentze, liðleiðari 2013 . . . . . . . . . . . Gull 2011 . . . . . . . . . . Silvur 2009 . . . . . . . . . . . Gull 2007 . . . . . . . . . . Silvur 2005 . . . . . . . . . . . Gull 2003 . . . . . . . . . . . Gull 2001 . . . . . . . . . . . Gull 1999 . . . . . . . . . . . Gull 1997 . . . . . . . . . Bronsu 1995 . . . . . . . . . . Silvur 1993 . . . . . . . . . Bronsu 1991 . . . . . . . . . Bronsu 1989 . . . . . . . . . . Silvur 1987 . . . . . . . . . . . Gull 1985 . . . . . . . . . . Silvur Úrslit á oyggjaleikum