mikudagur 24. juni 2015síða 38

SOSIALURIN oyggjaleikir 14 1939 27. juni - 3. juli 2015 kurvabóltur á fyrsta sinni Triathlon fer eftir gullinum Fyri fyrstu ferð nakrantíð luttekur Føroyar í kurvabólti á oyggjaleikunum. Ítrótturin hevur staðið í stórari menning seinastu árini, sigur leikandi landsliðsvenjarin Føroyskt triathlon er í teirri fantastiska góðu støðu, at tey hava tvær gullmerkjavónir á oyggjaleikunum. Guðmundur Joensen og Karina Ottosen eru í heimselituni og eru ímillum favorittarnar á Jersey Síðani føroyska kurvabóltsfelagið, Hamar, varð stovnað í 1996, hevur tað altíð verið málið hjá teimum kurvabóltsáhugaðu, at Føroyar skuldu luttaka á oyggjaleikum í hesi ítróttagrein. Tað málið er rokkið, og tí er spenningurin stórur í hópinum, sum umboðar Føroyar í kurvabólti á hesum oyggjaleikunum. Vit hava tosað við Bjarna Werner Zachariassen, ið er leikandi lands­liðs­ venjari. Bjarni hevur áður spælt kurva­bólt uttan­ lands, og tí kann hann eisini væntast at verða ein av profilunum á føroyska liðnum.   Eitt óroynt landslið Tá ið Føroyar ongantíð áður hava luttikið í kurva­ bólti er tað sjálvsagt, at royndirnar á liðnum ikki eru tær heilt stóru.  – Vit hava góðar vónir, men vit skulu sjálvandi hava í huga, at nógv teir flestu av leikarunum ongantíð áður hava roynt at spælt á einum slíkum støði. Vit hava roynt at fyrireika okkum væl upp á kappingina, og eftir umstøðunum hava vit fyrireikað okkum so væl sum gjørligt, sigur Bjarni Werner Zachariasen í samrøðu.   Skulu ikki gera okkum fyri skommum Føroyska liðið hevur ikki nøkur ávís mál fyri hesar oyggjaleikirnar. Minsta kravið er tó, at liðið ikki skal tapa so stórt, at tað verður skomm. – Okkara fremsta mál er, at vit ikki gera okkum sjálvar fyri skommum. Av tí, at vit eru so óroyndir, so kenna vit ikki okkara støði í mun til hini londini, og tí er óvist, hvussu væl vit kunnu klára okkum. Men eg vil eisini siga, at eg havi sjálvur spælt uttanlands, og tá var eg ongantíð nøgdur við at tapa, og tað verði eg heldur ikki á oyggja­leikunum.   Ein ítróttur í menning Bjarni vísir eisini á, at áhugin fyri kurvabólti í Føroyum er nógv størri, enn tey flestu halda. – Tað hevur av álvara skapt størri áhuga fyri kurva­bólti í Føroyum, at vit eru við í oyggja­ leik­unum. Millum annað eru eini 15 dreingir úr 10-14 ára aldrinum, ið eru byrjaðir at spæla kurva­bólt. Og í aldursbólkinum frá 14-17 ár eru eini 20 dreingir, sum eru áhugaðir í at spæla kurva­bólt. Tískil vænti eg, at vit um nøkur ár fara at hava nógv fleiri leikarar at velja ímillum til komandi oyggjaleikir. Vit eru fyrst og fremst við hesa­ferð fyri at menna før­oyskan kurvabólt, men vit ætla okkum eisini at vera við framyvir. Føroyskur kurvabóltur á oyggja­leikum er komin fyri at vera, sigur Bjarni Werner Zachariasen, leik­andi landsliðsvenjari á kurvabólts­lands­ liðnum, at enda. Níggju lond luttaka í kurvabóltskappingini hjá monnum, og eru tey býtt í tveir bólkar. Føroyar eru í bólki við Bermuda, Guernsey, Isle of Wight og Gotland. Tað er einki at taka seg aftur í, at Føroyar eiga tvey sera sterk kort í triathlon. Guðmundur Joensen og Karina Ottosen eru við í heimselituni, og tey í triathlon hava góðar vónir um, at tey bæði kunnu vinna Føroyum gull. Á oyggja­leik­ unum á Bermuda seinast vann Guðmundur silvur. Eitt annað sterkt kort hevði verið Annelisa Jústadóttir Møss, men hon hevur givið avboð vegna arbeiði. Teinurin, sum triathlon skal kappast í, er tann sonevndi OL-teinurin. Hann er 1500m svimjing, 40km súkkling og 10km renning. Í góðari venjing Tey, sum íðka triathlon í Føroyum, eru í góðari venjing. Tey hava vant dúgliga og hava eisini havt úttøkukappingar, har Guðmundur vann trygt og fekk eina tíð umleið 2 tímar og 6 minuttir, sum má sigast at vera ein sera góð við øllum brekk­ unum í Føroyum. Á Jersey er teinurin meiri flatur, og Evald Rasmussen, ferðaleiðari, væntar, at Guðmundur fer undir teir tveir tímarnar. – Hann fer eftir gullinum og Karina tað sama. Tað verður spennandi. Nú skuldi hitin ikki darvað, sigur Evald vísandi til tann nógva hitan, sum var á Bermuda seinast. Vit bóðu Evald greina okkum, hví Guðmundur stendur seg so væl í triathlon. – Guðmundur er javnt sterkur í øllum. Hann er gamal svimjari, men tað vísir seg, at um skalt vera við heilt har frammi, so mást tú vera ímillum tríggjar teir bestu í øllum. Hann er eisini so taktiskur nú, at hann ikki kemur fyrstur úr hylinum. Hann letur ein ella tveir fara fram um og sparir harvið orku, sigur Evald. Hjálpa súkkling Tað kom dátt við, at Annelisa Jústadóttir Møss mátti geva avboð, tí nú er útilokað, at Føroyar kann fáa heiðursmerki í liðkappingini hjá kvinnum. Tað er nevniliga krav, at tvær eru við. Hjá monn­unum ber tó til, har kravið er, at tríggir eru við. Umframt Guðmund, so sigst, at Andrass eisini er í góðari venjing. Guðmund smurdi eisini alla mótstøðu av í út­tøku­kappingunum í súkkling, men reglarnir loyva honum ikki at luttaka í súkkling eisini. Tá ið triathlon er av, fara tey í triathlon-ferðalagnum tískil heldur at hjálpa súkklarunum. – Vit fara at ganga teimum til handa, sum Evald tekur til. Kurvabóltur Bjarni Zachariasen Janus Jakobsen Magnus Jakobsen Pól Jakobsen David Arge Galán Sjúrður Sivertsen Steen Rói Lorenzen Allan Leivsgarð Henriksen Petur Fríði Svabo Samuelsen Janus Jónatan Hannesarson Ragnar Jacobsen Triathlon Kvinnur: Karina Ottosen Menn: Guðmundur Joensen Andrass Joensen Kári Davidsen Hanus Debes Joensen