mikudagur 24. juni 2015síða 45

SOSIALURIN oyggjaleikir 21 1939 27. juni - 3. juli 2015 Oyggjaleikir í tríati ár Oyggjaleikirnir á Jersey eru teir sekstandu í røðini, og tríati ár eru síðan teir fyrstu leikirnar á Man Sum ÍSF-forseti og sum borgarstjóri í Tórshavnar kommunu havi eg havt ta gleði at taka lut á øllum leikunum síðan leikirnar í Føroyum í 1989. Vit eru mong, sum hava góð minni frá leik­ unum í 1989 og øðrum leikum við. Vit gleðast eisini um mongu góðu ítróttaavrikini gjøgnum árini. Oyggjaleikir knýta okkum saman við onnur oyggja­samfeløg, vit mennast ítróttaliga og vit fáa nýggj vinabond – í fleiri førum vinir fyri lívið. Tórshavnar kommuna hevur altíð stuðlað oyggjaleikum. Burturúr luttøku okkara á oyggja­ leikum eru sprotnar fleiri byggiverkætlanir í kommununi til tess at betra um umstøðurnar hjá ítróttafólkunum. Tvær tær størstu eru ivaleyst Tórsbreyt til frælsu ítróttina og Fimi til fimleikin. Eingin ivi er um, at hesar íløgurnar geva ávøkst ítróttaliga, tí bæði frælsa ítróttin og fimleikurin eru í stórari menning. Leingi hevur verið arbeitt við at fáa oyggja­ leikir aftur til Føroya. Vit eru millum størstu lima­oyggjar í oyggjaleikafamiljuni, og nú er tíð uppá, at vit geva familjuni nakað aftur av okkara blíð­skapi og førleikum. Tórshavnar býráð hevur av heilum huga stuðlað ÍSF í hesum. Vit vita, at hetta krevur nýggjar íløgur í ítróttar­anlegg eitt nú innan skjóting, ítróttahallir og golfvøll, men tað er kommunan sinnað til at fremja. Hetta eru ikki bert íløgur í oyggjaleikir í Føroyum, hetta eru eisini íløgur til framhaldandi menningina og luttøkur okkara í øðrum altjóða kappingum innan flest allar ítróttagreinar. Og vónandi ein skjótan dag eru vit eisini limir í Olympisku ítróttafamiljuni. Men nú er tað oyggjaleikir á Jersey. Vit eru spent uppá, hvussu gangast fer okkara ítrótta­ fólkum. At vinna er nógv, men ikki alt. Vit seta ymisk mál alt eftir fortreytum, og hvørt eitt rokkið mál er ein stórur sigur, sum vit fegnast eins nógv um. Vegna Tórshavnar kommunu fari eg at ynskja øllum góðar oyggjaleikir, má hin besti ítróttaandi og vinarlag ráða. Heðin Mortensen Borgarstjóri Tórshavnar kommuna stuðlar ítróttinum og Oyggjaleikunum 2015