mánadagur 29. juni 2015síða 4

Mánadagur 29. juni 2015 · Nr. 73 4 Sosialurin Hugskot og viðmerkingar – send sms til 225000 Vikuskiftis Sosialurin fær summardám Nú er summarið av álvara byrjað, og tað merkir millum annað, at Vikuskiftis Sosialurin fær ein summardám. Vikuskiftið varpar komandi vikurnar ljós á millum annað gransking, øðrvísi lagnur hjá føroyingum, politiskir stórspurningar latnir í ein pedagogiskan ham, og mangt annað. Barbara Holm Summarmánaðarnir eru merktir av einum lættum huglagið, stuttligum løtum, øðrvísi upplivingum og spenn­andi ferðum. Soleiðis verður Vikuskiftis Sosialurin eisini komandi vikurnar. Hóskvøldið komandi kem­ ur fyrsta summar útgávan av blaðnum út á gøturnar, og tað er eisini fyrstu ferð, at nýggja greinarøðin um yms­ ar granskingar­verktætl­anir er á skránni. Eilen Anthoniussen hev­ ur skrivað eina greinarøð um ymiskar føroyskar gransk­ ing­arverkætlanir. Fyrst í røðini er ein samrøða og ein lýsing av granskingarverk­ ætlanini hjá Jógvani í Lon um dialektir. Umframt gransking­arrøð­ ina verður eisini gjørligt at lesa heldur øðrvísi søgur um føroysku festivalarnar. Sosi­ alurin gevur tær tipp um hvat er eitt mást á hvørjum festivali, og okkara tón­leika­ serfrøðingar greiða frá teim­ um perlunum, sum kunnu upplivast, nú festivalarnir standa fyri framman. Haraftrat vísa vit á ymiskar ferðaupplivingar her í Føroyum. Føroyingar, sum hava nýtt summarið at ferðast kring Føroyar, greiða frá sínum upplivingum, og prátað verður við útlendsk ferðafólk, sum Sosialurin hittir á gøtuni. barbara@sosialurin.fo Nú stundar til løgtingsval Hóast summarið er løtan, tá flest okkara hava onkrar fríløtur og annars taka okkum av løttum, so er hetta summarið eisini merkt av, at løgtingsvalið stendur fyri framman. Um skamma stund skulu føroyingar velja umboð á Løgting, og tað fer eisini at merkja Vikuskiftis Sosialin. Árni Gregersen fer hvørja viku at taka eitt torgreitt politiskt evni fram, greiða frá ymsu síðunum í málinum, og síðani vísa á hvat pol­itisku flokkarnir halda og hava gjørt seinastu árini. Umframt politisku við­ gerðina í blaðnum verða eisini nakrar síður settar av til at viðgera heldur øðrvísi evni. Eitt nú fer vit at frætta frá ymsum kvinnum, sum fara at siga sína hugsan um alskyns evni. Vikuskifti greið­ur frá slóðbrótandi snið­gev­ing, nýggjastu tætt­ irnar í býarlívinum í Før­ oyum, um øðrvísi lagnur og hendingar, og mangt annað. Tað er komandi hós­ kvøld, at summar útgávan av Vikuskiftis Sosialinum verður í sølubúðunum.