mánadagur 29. juni 2015síða 34

10 nr. 6 I 29. juni 2015 Vinnublaðið hjá Miðlahúsinum Árni Gregersen T að er av sonnum ein altjóða verkætlan, sum arkitektavirkið hjá Selmar Nielsen fyri viku síðani gjørdist partur av, tá ið arkitektavirkið gjørdi sáttmála við MT Højgaard, sum skal byggja risastóru verksmiðjuna á Grundar­ tanga, 40 kilometrar sunnanfyri Reykjavík. Í løtuni verða tær fyrstu fyrireikingarnar gjørdar, men frá tí at farið verður undir sjálvt arbeiðið í heyst, er ætlanin at tað skulu ganga 30 mánaðir til verksmiðjan kann byrja at framleiða. – Vit eru sjálvandi ómetaliga fegin at vit gjørdust partur av hesi verkætlanini, sigur Selmar Nielsen, stjóri og arkitektur. – Fyrst og fremst er hetta ein spennandi uppgáva í einum altjóða umhvørvi, men hetta er eisini eitt dømi um, at vit sum føroyskir ráð­gevarar væl kunnu kappast og samstarva við aðrar ráðgevarar, sigur hann. Verksmiðjan á Grundartanga er risstór. Bygningurin, sum skal byggjst, verður 800 metrar langur og víddin verður 121.000 fer­ metrar. Byggivirkið MT Højgaard hevur gjørt sátt­mála við amerikanska atljóða felagið Silicor Materials. MT Højgaard hevur so gjørt sátt­mála við Selmar Nielsen Arkitektar um at standa fyri arkitektaarbeiðnum og neyðugu loyv­unum frá íslendsku myndugleikunum. Dýr og stór verkætlan Verkætlanin í Íslandi er bæði stór og dýr. Verksmiðjan skal gera tilfar til sólpanelir til sølu kring allan heim. Mátin hetta verður gjørt uppá, er bíligiari enn kent er til higartil, men harafturat er nýggi hátturin meira burðardyggur. Arbeiðið, sum fer í gongd í Íslandi er heilt reint og onki spill verður av framleiðsluni á Grundartanga. Ein partur av tilfar­ inum, sum skal brúkast til framleiðsluna, skal koma frá tí aluminiums­ verksmiðjuni, sum liggur á Grundar­tanga framman­undan. At byggja fram­ leiðslu­høllina er mett at kosta 1,5 milljardir krónur, men sjálv verk­ætlanin er munandi dýrari, tí tær maskinur, sum skulu brúkast til framleiðsluna kosta fleiri ferðir tað, sum bygningurin fer at kosta. – Okkara partur er at tekna, men tað, at bygningurin er ein verksmiðjubygningur, ger, at sumt gevur seg sjálvt. Stødd er heldur ikki avgerandi í hesum føri. Men vit skulu har­ um­fram syrgja fyri, at fáa til vega øll neyðug loyvir frá íslendsku myndugleikunum, sigur Selmar Nielsen. Føroyska arkitektavirkið hevur gjørt eina amstarvsavtalu við eitt íslendskt arkitekta­ virki, sum eitur Úti og Inni. – Øll verkætlanin byggir á samstarv og tað er eisini har vit hava okkara styrki. Okkara fólk duga væl at samstarva við onnur og tey duga eisini væl at samskifta. So samstarv og sam­skifti er ein partur av tí, sum vit skulu taka okkum av í einum altjóða umhvørvi, sigur Selmar Nielsen. Selmar Nielsen Arkitektar eru partar av tí toymi, sum skal byggja eina verksmiðju uppá 121.000 fermetrar. Bygningurin verður 800 metrar langur Alt var ikki tilætlað, tá ið MT Højgaard fingu samband um verkætlanina í Íslandi Føroyskt arkitekta- ­virki við í mega verk­ætlan í Íslandi Bygging T að er ikki lætt at fáa hesa søguna váttaða, men tað var soleiðis, at tað var ein telefonsamrøða um okkurt heilt annað, sum førdi til, at Selmar Nielsen Arkitektar komu uppí stóru altjóða verkætlanina í Íslandi. MT Højgaard hevur ein føroying um stjóra, sum eitur Jóannes Niclassen. Viðhvørt tosa hann og Selmar Nielsen, arkitektur, saman og soleiðis eisini fyri eini tíð síðani. Málið teir tosaðu um, var um føroysku ráð­gevarafyritøkurnar kundu máta seg við út­lendskar. Hetta fekk stjóran hjá MT Højgaard at nevna stóru verkætlanina í Íslandi. Endin var, at arkitektavirkið í Føroyum fekk út­boðs­ tilfarið og bjóðaði uppá uppgávuna. – Okkara tilboð var so mikið lokkandi, at vit komu framat borðinum til samráðingar og endaðu við at fáa uppgávuna, sigur Selmar Nielsen. Føroyska fyritøkan samráddist ikki við føroyska stjóran hjá MT Højgaard, men við tey fólk, sum standa fyri uppgávuni í Íslandi. – Sjálvur haldi eg tað er eitt herðaklapp til føroysku ráðgevaravinnuna, at vit komu uppí verk­ætlanina, sigur Selmar Nielsen. Soleiðis kom sambandi Í lag við MT Højgaard Aluminiumsverksmiðjuni á Gurndartanga