týsdagur 30. juni 2015síða 8

Mikudagur 1. juli 2015 · Nr. 74 8 Sosialurin Hugskot og viðmerkingar – send sms til 225000 meldurin Danjal av Rana Fríggjadagin var próvhandan í skúlaheiminum í Markna­ gili fyri næmingar á Tek­ niska Skúla í Tórshavn. Eini 50 næmingar fingu prógv hendan dagin, men ein teirra skar burtur úr á ávísan hátt. Høgni L. Højgaard fekk fríggjadagin prógv sum byggitøkningur eftir tvey ára útbúgving. Sum so einki óvanligt í tí, men sært tú, Høgni L. Højgaard er deyvur og er Er fyrsti deyvi í Føroyum, sum hevur tikið eina yrkisútbúgving av hes­ um slag. Høgni L. Højgaard er 30 ára gamal og úr Runavík. Hann er giftur við Claudiu, ið eisini er deyv. Tey møtt­ ust í Washington D. C. í USA, tá bæði gingu á Gallaudet universitetinum, sum er einasta universitet í heiminum fyri deyv. Tey hava verið gift í tvey ár. – Claudia er úr Peru, og eins og eg, var hon komin á Gallaudet fyri at læra seg enskt og amerikanskt teknmál, ASL, greiðir Høgni L. Højgaard frá. Vit hittast eftir próv­hand­ anina, og hann greið­ir mær frá, hvat ein byggitøkningur er. – Ein byggitøkningur fæst við at tekna byggi­verk­ ætlanir fyri bygningar, virkir og hús. Vit skulu taka atlit til, hvørjum bygningurin skal byggjast úr, hvørji evni skulu nýtast og annars, hvussu vit kunnu fáa bygningin upp at standa. Í stuttum kann sigast, at vit skulu gera tek­ ningina hjá arkitektinum til veruleika, men vit kunnu sjálvandi eisini tekna hús­ ini sjálvir, sigur Høgni L. Højgaard. Øll vóru ótrygg Eingi serlig atlit eru tikin til hann á skúlanum sum so, uttan tað, at hann altíð hevur havt teknmálstulk við sær í undirvísingini. Hann greiðir frá, hvussu tað var at koma inn í skúlastovuna fyrsta skúladag. – Tað var eitt sindur løgið hjá okkum øllum, haldi eg. Øll vóru eitt sindur ótrygg. Fyrstu tíðina nýttu eg og tulkarnir so høvi at læra hini í flokkinum eitt lítið sindur av teknmáli, men annars hevur samskifti okkara millum í stóran mun verið skrivligt. Tey vóru tó sera røsk at hjálpa mær at vera partur av flokkinum og at taka lut í tí, sum fyrifórst, greiðir Høgni L. Højgaard frá og nevnir millum annað, at hann altíð kundi taka lut í spølum, sum tey spældu, so sum billiard. Hann sigur, at sjálvsagt er torført hjá honum at taka lut í øllum, sum gongur fyri seg, serliga í fríkorterum og frítíðini annars, men sum so bilar tað einki. – Tey í flokkinum vóru røsk at bjóða mær upp í sam­talurnar, eisini í frí­kort­ erunum, men ofta ganga tær ov skjótt fyri seg, til at eg kann taka lut, kanska serliga, tá menn kjakast um fótbólt. Ofta bilar tað tó einki, at eg fái frið í fríkorterunum, tí mær tørvar eisini at slappa eitt sindur av, sigur hann og greiðir frá, at tulkarnir jú eisini hava steðg í fríkorterinum. – Allan tíman siti eg og miðsavni meg, brúki eyguni, fyri at fáa undirvísingina við. Eg má alla tíðina fylgja við. Tey, sum hoyra, kunnu kanska kobla av eina løtu, og so lurta aftur, men tað ber illa til hjá mær. Tí er fríkorterini ofta kærkomnir steðgir eisini fyri mítt við­ komandi, sigur Høgni L. Høj­ gaard. Sosiala samanspælið hev­ ur verið gott alla tíðina, og Høgni L. Højgaard hevur verið at rokna sum ein van­ ligur næmingur í flokkinum. Hann nevnir tó sjálvur, at serliga námsferðin, sum flokk­urin var á í heyst, hjálpti til við at samansjóða flokkin. – Hesa vikuna, vit ferðast í Jyllandi og vitjaði virki, gjørdist vit sera væl kend og tætt knýtt, hvør at øðrum, greiðir hann frá. Høngi L. Højgaard greiðir frá, at alt hetta, fáu teknini, sum hini í flokkinum lærdu, góða sosiala samspælið mill­ um hann og hini og sjálvandi møguleikin at samskifta gjøg­ ­num tulk og annars skriv­liga, gjørdi, at hansara brek ongantíð stórvegis hevur darvað skúlaarbeiði, so sum bólkaarbeiði og øðr­um, sum krevur nógv sam­skifti. Máttu gera nýggj tekn Høgni L. Højgaard hevur sitið á skúlabonki á Tekniska Skúla fyrr. Í 2010 varð hann útbúgvin sum snikkari, og hevur í tí sambandi fingið ymiska undirvísing á Tek­niska Skúla. Tá hevði hann eisini tulkar við sær í undirvísingini, men hon fylti nógv minni enn undir­vís­ing­ in nú hevur gjørt. – Størsta avbjóðingin í hesum umfari hava kanska verið øll ymisku fakorðini. Teknmál er mítt móðirmál, men kortini vóru ein rúgva av orðunum heilt nýggj fyri mær, eins og tey vóru tað hjá hinum næmingunum. Í samráð við tulkarnar máttu vit tí leita fram og gera heilt Høgni L. Højgaard heldur, at tøkniliga menningin fer at gera tað lættari hjá sær at gerast virkin á arbeiðsmarknaðinum. Tøkniliga menningin hjálpir nógv Tað gleddi meg at síggja, hvussu lætt tað var hjá mær, sum deyvum, at nýta tey tól, sum hinir nýttu, og luttaka á jøvnum føti við teir, sigur Høgni. Høgni L. Højgaard