týsdagur 30. juni 2015síða 10

Mikudagur 1. juli 2015 · Nr. 74 10 Sosialurin Hugskot og viðmerkingar – send sms til 225000 meldurin Nýggju teknini vera við í nýggju teknmálsorðabókini, sum teknmálstulkatænastan arbeiðir við. Hava ment nýtt orðfeingi Danjal av Rana Tað eru tulkar frá tekn­máls­ tulkatænastuni, ið hava tulka fyri Høgna L. Højgaard undir hansara lesturi á Tekniska Skúla í Tórshavn. Vit hittu tveir teirra, Eyðgunn Hansen og Edny Poulsen, eftir próvhandanina fríggjadagin. – Fyri okkum hevur hetta verið ein heilt nýggj uppgáva, sigur Edny Poul­ sen, sum heldur tað hava verið sera spennandi at fylgj Høgna L. Højgaard hesi árini. – Flokkurin hevur tikið væl ímóti okkum og Tekniski Skúli hevur veruliga verið ein góður viðleikari í allari tilgongdini. Umstøðurnar hjá okkum tulkum hava verið sera góðar alla tíðina, sigur Edny Poulsen. – Størsta avbjóðingin hevur verið at hetta hevur verið eitt nýtt fakøki hjá okkum, og tí hava vit ikki kent øll fakheitini fram­ manundan. Tí hava vit verið noydd til – saman við Høgna, at finna fram røttu teknini og í summum førum at gera nýggj tekn. Tað hevur verið avbjóðandi, men sera stutt­ ligt og mennandi fyri okkum sum tulkar eisini, sigur hon. Nú er Høgni L. Højgaard so liðugur at lesa til byggi­ tøkning, men nýggja orða­ feingi fer tó ikki til spillis. – Vit sita í løtuni og gera eina teknmálsorðabók, og seta eisini hesi teknini inn, fyri at tey ikki skulu fara í gloymskuna. Tað hevði verið spell, tá vit hava nýtt so nógva orku at menna tey, sigur Edny Poulsen, sum sigur, at teknmálsorðabókin er at finna á fo.signwiki.org Tær báðar halda sjálvar, at tað hevur hjálpt nógv, at Høgni L. Højgaard hevði eina snikkaraútbúgving frá fyrr av. – Vit tulkaðu eisini fyri hann tá, so vit kendu hann frá fyrr av. Bakgrundin innan snikkaravirki gjørdi eisini sítt til, at hann var væl inni í fakhugsanini frá byrjan av, og tað hevur hjálpt bæði honum og okkum væl, sigur Edny Poulsen. Tulkingin hevur verið sonevnd simultantulking, tað vil siga, at tulkarnir hava tulkað, meðan lærararnir hava undirvíst, so tað hevur havt sera lítla ávirkan á undirvísingina annars. – Høgni er eisini ein sera íðin næmingur og himprast ikki við at taka orðið í undirvísingini. Tá hava vit so stemmutulkað hann, og tað hevur gingið sera væl, sigur Edny Poulsen. Teknmálstulkatænastan er ein sjálvvirkandi stovnur undir Almannamálaráðnum. Á Tulkatænastuni starvast 3 tulkar fulla tíð, umframt eitt skrivstovufólk. Aðrið tulkar eru leyst knýttir at tænastuni. – Stovnurin fær ómeta­ liga nógvar áheitanir, so vit hava úr at gera. Við tí arbeiðsbyrðu vit hava í dag, kundu vit gott havt seks, sjey tulkar í starvi, men játtanin loyvir tí tíverri ikki. Tørvurin er tó sera stórur, so vit vóna, at fáa eina hægri játtan framyvir og at umstøðurnar hjá teimum deyvu verða uppraðfestar, sigur Edny Poulsen at enda. Klár at taka ímóti fleiri Nú eru vit hesar royndirnar ríkari og hava nakað at byggja víðari á, sigur Johan Eli Ellendersen, deildarleiðari á Tekniska Skúla í Tórshavn Danjal av Rana Johan Eli Ellendersen er deildarleiðari á byggi­tøkn­ isku deildini á Tekniska Skúla í Tórshavn, og hevur tí havt ábyrgd av at tryggja, at Høgni L. Højgaard hevur havt møguleikan at taka eina útbúgving á skúlanum. – Hetta hevur gingið sera væl. Tað hevur sjálvandi verið ein avbjóðing at leggja alt til rættis, tí hetta er fyrstu ferð, at ein deyvur hevur lisið hjá okkum. Vit vóru sera spent um, hvussu hetta fór at ganga, men tað hevur gingið avbera væl, sigur Johan Eli Ellendersen. Hann greiðir frá, at eftir at Høgni L. Højgaard fekk pláss á skúla­ num, søkti Tekniski Skúli í Tórshavn Menta­málaráðið um fígg­ar­ligan stuðul til tulk frá Teknmálstulka­tænastu­ni. Hann sigur, at tað uttan iva hjálpti, at skúlin kendi til Høgna L. Højgaard frá fyrr, tá hann hevði verið á skúlanum í samband við snikkaraútbúgving sína. – Vit kendu Høgna og væntaðu ikki, at hetta fór at geva stórvegis trupulleikar. Hann er vinaligur og fyri­ komandi og vit vistu, at hann fungerar væl sosialt eisini. Tí vóru vit ikki í iva um, at vit fóru at finna neyðugu loysnirnar, um neyðugt, sigur Johan Eli Ellendersen. Hann greiðir frá, at skúl­in ikki hevur broytt undirvís­ ingina stórvegis, fyri at leggja til rættis hjá Høgna L. Højgaard. – Vit hava sett eitt sind­ur meiri av tíð av til undir­vís­ ingina, kanska líka nógv fyri at hjálpa tulkunum sum Høgna. Tulkarnir hava tó verið ómetaliga góðir, so alt hevur gingið sum eftir ánni, og tað skulu teir hava stóra æru fyri, sigur hann. Johan Eli Ellendersen sig­ ur, at Tekniski Skúli í Tórs­ havn heilt víst eru til reiðar at taka ímóti fleiri næm­ ingum við serligum tørvi. – Hendan tilgongdin við undirvísingini hjá Høgna L. Højgaard gevur okkum mót upp á at taka fleiri inn. Nú eru vit hesar royndirnar ríkari og hava nakað at byggja víðari á, sigur hann. Edny Poulsen og Eyðgunn Hansen frá teknmálstulkatænastuni hava tulkað fyri Høgna L. Højgaard. Mynd: Álvur Haraldsen Tekniski Skúli er til reiðar at taka ímóti fleiri næmingum við serligum tørvi, sigur Johan Eli Ellendersen, deildarleiðari.. Mynd: Álvur Haraldsen