mánadagur 6. juli 2015síða 6

Mánadagur 6. juli 2015 · Nr. 76 6 Sosialurin Hugskot og viðmerkingar – send sms til 225000 Nýggj risaúbygging til smoltstøðirnar hjá Bakkafrost Nýggi mátin at ala smolt krevur nógv meira pláss á landi – tí fer Bakkafrost at byggja risasmoltstøð Árni Gregersen Ætlanirnar eru komnar langt, men enn hevur Bakkafrost ikki tikið endaliga støðu til, hvar nýggj, stór smoltstøð skal byggjast. Men eitt av økjunum, sum verður kannað er inn ímóti Skálabotni á vestara armi á Skálafjørðinum. Har er møguleiki at byggja stóra smoltstøð við keikanti, har nýggja brunnskipið, Hans á Bakka, kann leggja at. -Tað er rætt, at hasin lo­ ka­liteturin verður kannaður, men enn hava vit ikki tik­ ið støðu til, hvar nýggja smoltstøðin skal staðsetast, sigur Regin Jacobsen, stjóri á Bakkafrost. Fyritøkan hevur verið í samband við nógv fólk og hevur millum annað havt fund við hagastýrini, sum eiga fjørðuna úr Skálafirði og úteftir. Longu nú er Bakkafrost í ferð við at útbyggja smoltstøðina á Viðareiði. Hetta er ein fylgja av, at alingin er broytt. Nú er smolt munandi størri, tá ið tað verður sett út, enn tað hevur verið áður. Vanligt hevur verið, at smolt viga á leið 100 gram, tá ið tey eru sett á sjógv, men nýggi hátturin ger, at smoltið er longri í kørum á landi enn tey hava verið higartil. Nú viga smolt 300 gram og meira, tá ið tey verða sett út. Tað ger, at smoltstøðirnar mugu hava munandi størri kapasitet. At hava smolti longri á landi ger, at  vandin fyri sjúkum minkar og at alingin á tann hátt eisini hevur minni árin á umhvørvið. Nýggj stór útbygging Bakkafrost er komið væl áleiðis við stóru útbyggingini á Bakka. Bakkafrost hevur sjey fram­leiðslustøð í dag kring um í Føroyum, men nú verð­ ur alt hetta lagt saman á Bakka á Glyvrum. Endamálið er at smelta framleiðslu­ eindirnar úr sjey niður í eina. Hetta verður ein ný­mót­ ans verksmiðja, har øll tann nýggjasta tøknin verður brúkt. Samstundis sum íløgur­ nar á Bakka verða gjørdar, hevur samtakið eisini bygt ein nýggjan, stóran brunn­ bát. Skipið fer at taka 450 tons av laksi í livandi vekt. Hann er eisini útgjørdur við nýggjastu tøkni. Frammanundan hevur Bakkafrost tveir brunnbátar, sum hvør tekur 150 tons av laksi í livandi vekt. Hans á Bakka, sum nýggi brunnbáturin eitur, er eisini gjørdur soleiðis, at hann kann brúkast til at viðgera laksin fyri lús. Tað fer at bera til at lata livandi laksin verða umborð í brunnum við feskum vatni í nakrar tímar, so lúsin fer av laksinum og doyr. Hetta er ein av mátunum at viðgera fyri lýs. Bakkafrost er størsta før­ oyska alifyritøkan í Før­oy­ um. Raksturin hevur gingið ómetaliga væl, síðani fyri­ tøkan var skrásett á Børsi­ num í Oslo. Bakkafrost hevur millum 600 og 800 fólk í starvi. Samstundis sum íløgur­nar á Bakka verða gjørdar, hevur samtakið eisini bygt ein nýggjan, stóran brunn­bát. Mynd: Bakkafrost Bakkafrost er komið væl áleiðis við stóru útbyggingini á Bakka. Mynd: Bakkafrost