mánadagur 6. juli 2015síða 21

21 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 6. juli 2015 · Nr. 76 ítróttur Føroyar endaðu á 13. plássi Føroyska U19-landsliðið í manshondbólti spældi sjey dystir í altjóða kapping í Gøteborg í farnu viku Neli Heldarskarð Í síðstu viku luttók U19- landsliðið hjá monnum í altjóða landsliðskapping í svenska býnum Gøteborg. Kappingin bar heitið European Open. 16 lond lut­ tóku í kappingini, og var hon skipað soleiðis, at fýra lond vóru í hvørjum bólki. Numm­ ar eitt og tvey úr hvørj­um bólki komu víðari í nýtt bólkaspæl, har kappast bleiv um at enda ímillum átta tey fremstu í kappingini, meðan nummar trý og fýra eisini blivu koyrd í eitt nýtt bólka­ spæl, har kappast skuldi um at enda nummar níggju til 16 í kappingini. Aftaná bólka­ spølini skuldu londini spæla ein síðsta dyst fyri at stað­ festa sína endaligu plasering í kappingini. Sostatt skuldi hvørt land spæla sjey dystir. Seks dystir í bólkaspæli og at enda ein plaseringsdyst. Góð føroysk byrjan Í fyrra bólkaspælinum vóru Føroyar í bólki við Kekkia, Russlandi og Hollandi. Før­ oyar byrjaðu sera væl, tí at fyrsti dysturin varð vunn­in 26-22 ímóti Kekkia. Næsta mótstøðuliðið var Russ­land, ið vanliga hava sterk ung­ dóms­landslið við sera stór­ um og sterkum leikarum. Russiski bitin var eisini ov stórur av svølgja fyri før­ oyska liðið, tí at russar vunnu dystin 17-29 ímóti Før­oyum. Síðsti dysturin hjá Før­oy­um var ímóti Hollandi, og varð hann tepurt taptur 24-27. Harvið endaðu Føroy­ ar nummar trý í sínum bólki og skuldi tískil í nýtt bólka­ spæl at kappast um at enda nummar níggju til 16 í kapp­ ingini. Fleiri tap á rað Í seinna bólkaspælinum vóru mótstøðuliðini Estland, Moldova og Georgia. Føroyar komu upp á fýra tap á rað í kappingini, tí at fyrstu tveir dystir í nýggja bólka­ spæl­inum ímóti Estlandi og Moldova vórðu taptir ávíkavitst 26-20 og 33-34. Men í sein­asta bólka­dyst­ inum bragd­aði aftur hjá føroy­ing­unum, tá ið teir smurdu Georgia av og vunnu 33-23. Sigurin ímóti Georgia merkti, at í plaserings­dyst­ inum skuldu Føroyar spæla ímóti Eystur­ríki um at enda nummar 13 ella 14 í kapp­ ingini. Sigur í plaserings­ dystinum Júst sum í Landskrona í 1990, so vunnu Føroyar enn eina­ferð ímóti Eysturríki í lands­dysti í Svøríki. Plaseringsdysturin ímóti Eystur­ríki gjørdist javnur, men at enda vunnu før­oysku dreingirnir 31-28 og end­aðu har­við nummar 13 í kapp­ ingini. Eisini er áhugavert at nevna, at grannatjóð okkara, Ísland, vann European Open-kappingina. Í finaluni vann Ísland 31-29 ímóti vert­ stjóðini úr Svøríki. Fýra av teimum 16 lond­ unum, sum luttóku í kapp­ iningini, vera við í HM fyri U19-landslið í mans­hond­ bólti, sum verður leikt í Russ­ landi í august í ár. Tey fýra londini eru Ísland, Svøríki, Russland og Spania. neli@sosialurin.fo hondbóltur Annar av føroysku lands­ liðsvenjarunum var nøgdur við føroyska avrikið, men vísti eisini á, at føroyska liðið hevði kunnað endað longri frammi í European Open-kappingini. Afturat at vera venjarar á føroyska A-landsliðnum í manshondbólti eru Birgir Hansen og Kári Nielsen eis­ ini venjarar hjá U19-lands­ lið­num í mans­hond­bólti. Birgir Hansen er sum heild nøgdur við føroyska avrikið í kapp­ingini. – Vit eru toluliga nøgdir við at enda nummar 13 í kappingini. Undan kapping­ ini vóru vit seedaðir í nið­ asta pottinum, og tískil endaðu vit fremst av teim­ um londunum, ið vóru mett at vera veikast í kappingini. Men kortini vil eg eisini siga, at vit kundu endað longri frammi í kappingini, tí at fleiri av londunum, sum vit taptu ímóti, vóru ikki serliga nógv betri enn vit, sigur Birgir Hansen, tá ið Sosialurin fekk orðið á hann. Teir sjey dystirnir hjá føroyska liðnum vóru spældir upp á bert fimm dagar. Birgir Hansen viður­ kennir, at hetta tók hart upp á leikararnar. – Vit vistu av hesum framm­an­undan, tí at vit luttóku eisini í kappingini fyri tveimum árum síðani. Fyrr hevur tað verið eyð­ kent, at triði dagurin, har vit spæla tveir dystir, gerst serliga harður, og tað hendi seg aftur hesaferð. Tað var ikki nógv orka á liðnum miku­dagin (triða dagin), og tá taptu vit eisini báðar dystir­nar, sum vit spældu hendan dagin. Spurdur um nakar ávísur, føroyskur leikari skar­aði framúr í kappingini, vildi Birgir heldur vísa á, at talan var um eitt gott lið­ avrik. – Sum heild var talan um eitt gott liðavrik, har allir leikarar fingu víst eitt sindur av sínum dygdum. Vit høvdu eisini fýra heilt ungar leikarar úr árgangi 98 og 99, sum fyri fyrstu ferð fingu roynt seg í U19-lands­ liðshondbólti, segði Birgir Hansen at enda. neli@sosialurin.fo Føroyar kundu endað longri frammi Føroyska U19-landsliðið skoraði tilsamans 184 mál í sjey dystum Her er málskjúttalistin: Áki Egilsnes . . . . . . . . . . . . . . . . . . . . . . . . . . . . . . . . . . . . 38 mál Kjartan Johansen . . . . . . . . . . . . . . . . . . . . . . . . . . . . . . . . 29 mál Rói Berg Hansen . . . . . . . . . . . . . . . . . . . . . . . . . . . . . . . . 27 mál Pætur Johansen . . . . . . . . . . . . . . . . . . . . . . . . . . . . . . . . . 20 mál Helgi Hildarson Hoydal . . . . . . . . . . . . . . . . . . . . . . . . . . . 14 mál Pætur Thomsen . . . . . . . . . . . . . . . . . . . . . . . . . . . . . . . . . 14 mál Sjúrður Olsen . . . . . . . . . . . . . . . . . . . . . . . . . . . . . . . . . . . 11 mál Hilmar Leon Jacobsen . . . . . . . . . . . . . . . . . . . . . . . . . . . . 10 mál Fríði Weyhe . . . . . . . . . . . . . . . . . . . . . . . . . . . . . . . . . . . . 10 mál Brandur Halgirsson . . . . . . . . . . . . . . . . . . . . . . . . . . . . . . . . 4 mál Jóhan í Garðastovu . . . . . . . . . . . . . . . . . . . . . . . . . . . . . . . . 3 mál Rune Olsen . . . . . . . . . . . . . . . . . . . . . . . . . . . . . . . . . . . . . . . 2 mál Hallur Árason . . . . . . . . . . . . . . . . . . . . . . . . . . . . . . . . . . . . . 1 mál Bartal Klein Olsen . . . . . . . . . . . . . . . . . . . . . . . . . . . . . . . . . 1 mál Málverjar hjá Føroyum vóru Niklas Simonsen og Tórður Skorheim Guttesen