mánadagur 6. juli 2015síða 22

Mánadagur 6. juli 2015 · Nr. 76 22 Sosialurin Hugskot og viðmerkingar – send sms til 225000 ítróttur Jóannes Hansen Kappróðurin hevur tað ikki gott, og kappróðurin er á veg ímóti gravarbakkanum. Hesar vendingarnar hava ikki so sjáldan verið at hoyra sein­astu nógvu árini. Víst verður á at lut­tak­ ara­talið er ikki tað, sum tað plagdi at vera, og onnur halda, at tað er ikki stimbr­ andi fyri kappróðurin, at allir bátarnir nú kappast á tús­und metrum, og at tað har­við ikki hevur kappast á 1500 og 2000 metrum. Ein annar lutur, sum ikki kennist stimbrandi, er, tá ið tað gongur long tíð at leggja bátarnar, og manningarnar liggja kaldar og bíða og har­ við ikki eru væl fyri, tá ið start­skotið endiliga ljóðar. Kappróðurin í Fuglafirði leygardagin var framúr marknaðar­føring fyri før­ oysku tjóðarítróttina. Har gekk alt upp í eina hægri eind. Fyrireikingarnar vóru framúr. Klokkan trý lógu gentu­bátarnir við fasta startin. Ein ella tveir min­ uttir seinni ljóðaði fyrsta start­skotið, og minni enn tveir tímar seinni var alt avgreitt. Enn einaferð høvdu fugla­firð­ingar víst, at teir eru meist­arar at fyrireika kapp­ róður! Avgerðin bíðar Kappróðurin millum 10-manna­førini var hesaferð ein tann mest fasinerandi og spenn­andi, sum hevur verið nógvu tey seinastu árini. FM favoritturin Drekin Reyði, nýggi Klaksvíkingur, Havnarbáturin, sum er komin fyri seg aftur, og treisku Ormurin Langi og Nólsoy­ingur vístu róður og kapping, sum tað heilt víst fer at verða leitað aftur og aftur til, nú tað er møguleiki hjá øllum kappróðrar­hugað­ um og øllum øðrum kring allan heimin at síggja og endur­síggja róðrarnar á heimasíðuni hjá Kringvarpi Føroya. Síðani tað var greitt, at meistararnir umborð á Drekanum Reyða fóru at bjóða seg fram aftur, og at sigurs­vanda manningin í Klaks­vík fór at bjóða seg fram aftur umborð á nýggj­ um báti, hevur tað hingið í luftini, at hetta kappingar­ árið fór at vera tað, har tað fór at verða staðfest, hvør mann­ingin nú er tann besta. Í fjør var mótstøðan hjá Drekanum Reyða ikki so stór, og argjamenn vunnu FM við fullum sitgatali. Og í 2013 vann Klaksvíkingur FM við næstan fullum stiga­tali. Einasta stigið mistu klaks­ víkingar fyri tveimu árum síðani á norðoyastevnu, tá ið teir taptu fyri Suðuroyingi. Tað var vónbrot í Klaksvík, tá ið nýggja 10-mannafarið á norðoyastevnu noyddist at lúta fyri Drekanum Reyða, sum harvið gav til kennar, at meistararnir høvdu onga ætlan um at boyggja seg í dustið fyri sigursvandu mann­ingini á Klaksvíkingi. At Havnarbáturin í ár hevur gjørt sovorðið come back, sum tey fægstu høvdu roknað við, hevur borið upp­ aftur fjølbroyttari og spenn­ andi kapping við sær. Tað sást næstsíðsta leygar­dag á jóansøku, tá ið Havnar­bát­ urin skoraði seg inn ímillum Drekan Reyða og Klaks­ víking. Úrslitið á jóansøku bar við sær, at Klaksvíkingur so at siga hevði knívin á bark­ anum, tá ið hann saman við kappingarneytunum lá á startmálinum á Fuglafirði, har vindurin var øtlaður eitt lítið sindur. Klaksvíkingi eydnaðist at vinna á mál undan Drekanum Reyða. Harvið hongur svarið um, hvør verður meistari – FM vinn­ arin í fjør ella FM vinnarin í fyrraárið – framvegis í luftini. Nýggjur kappróður verður á vestan­stevnu í Sandavági leygardagin. Um tað tá fer at eydnast Drekanum Reyða at vinna, so verður FM spurning­urin svaraður undan finaluróðrinum ólav­ søkuaftan á Havnarvág. Setningurin hjá Klaks­ víkingi er altso greiður. Tað ræður um at halda Drekan Reyða aftanfyri, so avgerðin verður útsett, inntil tað verður kappast á 901,3 metra teininum á ólavsøku. Gongdin leygardagin vísti, at tað er møguleiki fyri, at aðrir bátar enn teir báðir, sum higartil hava vunnið, kunnu strúka avstað við sigrunum í Sanda­vági og á ólavsøku. Inn­til tað varð farið undir enda­spurtin í Fuglafirði gav Havnarbáturin Drekanum Reyða og Klaksvíkingi ein skarpan gang, men á síðstu metrunum vóru tað bara teir, ið kunnu vinna FM, sum vóru við í kappingini um sigurin. Í miðróðrinum vann Klaks­víkingur seg skutin framum Drekan Reyða og Havnarbátin. Í enda­spurt­ inum misti Havnarbáturin eina bátslongd, men Drekin Reyði vildi ikki geva seg. Tað eydnaðist í hvørjum taki at vinna nakrar sentimetrar, og á málinum var munurin ein hálvur skutur ella minni enn tað millum tveir teir fremstu. FM spenningurin er varð­ veittur í hvussu so er inntil leygardagin, og í Klaks­vík og á Argjum og í kapp­róðrar umhvørvinum sum heild verður pulsurin høgur, tá ið 10-mannaførini á vestan­ stevnu fara at halda í fasta startin á Sandavági! Argir misti alt Eftir jóansøkuna varð víst á, at kappróðurin á Trongis­ vági mundi vera ein tann besti nakrantíð fyri Argja Róðrarfelag. Um­framt at Drekin Reyði vann kapp­ing­ ina millum 10-manna­førini, so var Argjabáturin fyrstur á mál í tættari kapp­ing við Heiðabátin. Ikki síðani glæsiliga 2007 hjá Kapp­ róðrar­felagnum NSÍ, tá ið Eysturoyingur og Heiða­ báturin vunnu FM við fullum stigatali í kappingini millum ávikavíst 10-mannaførini og 8-mannaførini er tað eydn­ ast tveimum bátum hjá sama felag at vinna á somu stevnu og í hesum báðum báta­støddunum. Á varmakeldustevnu mis­eydnaðist tað hjá argja­ monn­um at endurtaka bragdið frá á jóansøku. Í kapp­ingini millum 8-manna­ førini vóru tað hesaferð bara Argjabáturin og Heiða­ báturin, sum bjóðaðu seg til. Tofta Regin úr Vági var ikki við. Heiðabáturin leyp av­ stað, og teir umborð á Argja­ bátinum megnaðu ongantíð at svara aftur. Tað var skjótt, at fjarstøðan var meiri enn eina bátslongd, og hon bara varð størri og størri. Í enda­ spurtinum minkaði hon nakað aftur, men talan var ongan­tíð um spenning. Somu vinnarar Í hinum kappingunum – mill­um 6-mannaførini við monnum, 5-mannaførini við kvinn­um og 5-mannaførini við gentum – vóru vinn­arar­ nir teir somu, sum teir vóru á jóansøku, og sum teir hava verið tað mesta av árinum. Erla Kongsdóttir vísti í heima­sjógvi, at kvinnurnar í Fugla­firði eru heilt suve­ renar. Erla Kongsdóttir vann í fjør FM við fullum stigatali. Soleiðis verður tað eisini í ár, um ikki okkurt óhapp verður teimum fyri. Firvaldur við gentum hevur somu støðu, sum tær í Fugla­firði hava í kvinnu­ kapp­ing­ini. Eingin skalar teim­um. Í báðum hevum róðr­ Kappingin millum 10-mannaførini var aftur í Fugalfirði so spennandi, sum tað næstan ikki ber til at ímynda sær Nýggj finala bíðar í Sandavági Varmakelduróður kappróður