fríggjadagur 10. juli 2015síða 11

Fríggjadagur 10. juli 2015 sosialurin 78 11 Myndir: shisa brand mynd: privat Í summarútgávuni av Vikuskiftis Sosialinum kanst tú á hesari síðu lesa hvørji boð føroyskir sniðgevar hava, tá ið umræður klæðir til eitt hvørt høvi í summar. Sniðsíðan Sissal Kristiansen er heilin handan vakra merkið SHISA BRAND Barbara Holm F yri trimum árum síðani valdi hon at gera hennara frítíðarítriv til eitt fulltíðarstarv, og síðani hevur hon havt úr at gera við at binda og fram­ leiða troyggjur við meira. Hon eigur sjálv hug­skotini til hvørt plaggið sær, og fær hjálp frá ymiskum bindikvinnum til at framleiða klæðini. Hennara klæðir kunnu keypast í Østrøm í Havn og í Storm í Runavík, og til ber at lesa meira um hennara pløgg á Facebook síðuni við sama heitið. Eru serstøk ynski ella spurning­ar, so ber eisini til at samskifta við Sissal umvegis Facebook. Her á síðuni síggjast trý ymisk pløgg frá SHISA BRAND, og eru troyggjurnar allar nýggjar, og vera at fáa í handlunum fyrsta dagin. – Hendan troyggjan er mest uppløgd til festivalar. Hon er heit, bleyt og frísklig. Eg haldi bara hon er bara feit til festivalsummarið! Hon er bæði ruflut og sløtt, og kann brúkast við kovboy og leður buksum, ella hon kann setast saman við shortsi, eins og á hesari myndini. Uppløgd til festivalsummarið, sigur Sissal. – Hendan troyggjan hevur ongar ermar og hettu, og er tí eisini rættiliga vítt fevnandi. Eg havi sæð kvinnur seta hesa troyggjuna saman við slitnum kovboybuksum, leðurjakka og stivlum, og tá fær man hatta rokaliga lookið. Eg havi eisini sæð eina kvinnu nýta troyggjuna saman við leggings, og soleiðis gjørt lookið meira feminint og hóskiligt til arbeiðsdagin og líknandi. Hon er tó eisini uppløgd til festivalarnar, tí í og við, at hon ikki hevur ermar, so riggar hon avbera væl saman við einum leðurjakka, sigur Sissal. – Hendan troyggjan kann nýtast til hvat sum helst. Verður hon sett saman við einum toppi ella einum kjóla og stilettum, so er hon uppløgd til summarveitslurnar ella ein túr við vinkonunum í býin. Hon kann eisini knappast, og nýtast sum ein kjóli, og har kann hon bæði vera bólka sum ein fínur kjóli við tí rætta tilhoyrinum, ella hon kann nýtast sum ein arbeiðskjóli/ troyggja, alt eftir hvat hon verður sett saman við, sigur Sissal. Vøkur og rokalig Summarveitslurnar Festivaltroyggjan SHISA BRAND