fríggjadagur 10. juli 2015síða 15

Fríggjadagur 10. juli 2015 sosialurin 78 15 Tríggjar ferðir hevur andstøðan sett fram uppskot um misálit á løgmann, landsstýrismannin við samferðslumálum og landsstýrismannin við fíggjarmálum í hesum valskeiðnum. Løgmaður hevur eisini verið í andglettinum í fleiri førum orsakað av politiskum útmeldingum um eitt nú flóttafólk og ríkjafelagsskap. Her fara vit at hyggja at, hvørji misálit hava verið og annars hvør ágangurin hevur veirð á løgmann í hesum valskeiðnum. Mæltu løgmanni til at loysa lands­ stýrismannin úr starvi Misálitisuppskotið á Jørgen Niclasen, landsstýrismann við fíggjarmálum, mælti til, at løgmaður loysti hann úr starvi Løgmaður bleiv eisini partur av einum misálitisuppskoti, sum and­støðan í Løgtinginum reisti móti landsstýrismanninum við fíggjar­málum. Talan var um Jørgen Niclasen, Fólkaflokkurin. Andstøðan tók gamla toll­ málið, sum var frammi í mai í fjør og brúkti tað til at krevja, at landsstýrismaðurin legði fra sær ella var loystur úr starvi. “Tað kann ikki góðtakast, at ein landsstýrismaður, sum er settur til og hevur rættarliga ábyrgd av at halda landsins lógir fyri allar borgarar í landinum, verjur óreglusemi við teimum lógum, hann hevur ábyrgdina av at umsita. Tað kann ikki verjast, at ein landsstýrismaður sigur ósatt. Og tað kann ikki góðtakast, at landsstýrismaðurin í tollmálum í eftirfylgjandi tíðindaskrivi verjur, at tollreglurnar verða ikki hildnar.” Andstøðan segði eisini í við­ merkingunum, at álitið á pol­ itisku skipanina og rættar­ fatanina verður máað burtur, verða ongar avleiðingar tiknar av málinum. Uppskotið um misálit fór til atkvøðugreiðslu. 16 atkvøddu fyri misálitinum, meðan 17 atkvøddu ímóti. Samgongan stóð ikki saman. Helgi Abrahamsen og Rei­ mund Langgaard úr Sambands­ flokkinum atkvøddu fyri mis­ álitinum eins og Jenis av Rana úr Miðflokkinum. Hóast atkvøðugreiðslan var tøtt, so tapti andstøðan enn einaferð við misálitisupp­skoti­ num. arni@sosialurin.fo Óskil í játtan og roknskapi fekk andstøðuna at reisa misálitisuppskot á Jóhan Dahl, landsstýrismann, við vinnumálum í november í fjør Tað vóru løgtingsgrannskoðararnir sum í serligari frágreiðing stað­ festu, at hóast leiðaslan á Strand­ ferðsluni fleiri ferðir gjøgnum 2013 boðaðu frá, at stovninum manglaði 4,8 milljónir krónur, so bað lands­ stýrismaðurin ikki um eykajáttan. Í við­merk­ingunum til uppskotið um mis­álit vísiti andstøðan til, hvat landsstýrismálanevndin hevur sagt um málið: “Stýrisskipanarlógin ásetir at eingin útreiðsla má verða goldin, uttan at heimild er fyri henni í teirri fíggjarlóg, ella aðrari játtanarlóg, ið er í gildi, tá ið ávíst verður. Sostatt kann staðfestast ein meirnýtsla upp á knappar 4,4 mió. kr. Tað er tískil greitt, at SSL ikki hevur hildið seg innan givnu játtanina fyri 2013, og er hetta brot á Stýrisskipanarlógina.” Andstøðan ger vart við, at tá ið slíkt hendir, so er tað lands­ stýrismaðurin sum skal ábyrgdast, serliga tá ið stovnurin fleiri ferðir hevur boðað frá, at hann ikki fer at megna at halda fíggjarætlanina. Landsstýrismálanevndin var samd um hesa niðurstøðu: - At stýrisskipanarlógin er brotin, sum landsstýrismaðurin hevur ábyrgd av. - At lóg um landsins játt­an­ar­ skipan er brotin, sum lands­stýris­ maðurin hevur ábyrgd av. - At landsstýrismaðurin visti um ella átti at vitað um hesa støðu, men bað ikki Løgtingið um eykajáttan ella setti tiltøk í verk. - At landsstýrismaðurin gav ikki Løgtinginum neyðugu upplýs­ing­ar­ nar um, at stovnurin fór at hava hall. Andstøðan fanst at, at lands­ stýrismaðurin legði alla ábyrgdina á stovnsleiðsluna. Samstundis var funnist at, at hvørki landsstýrismaðurin ella løgmaður tóku avleiðingar av tí, sum landsstýrismálanevndin førdi fram. Løgtingið kann ikki góðtaka, at løgmaður alment vælsignar brot, sum landsstýrismaðurin klárt hevur framt, helt andstøðan. Heldur ikki hetta uppskot vann frama. 14 atkvøddu fyri misálitinum, 17 ímóti og tvær atkvøður vóru blankar. Tær báðar blonku vóru Rod­ mund Nielsen og Brandur Sandoy, báðir úr Fólkaflokkinum. Vert er eisini at leggja til merkis, at for­ maðurin í tingbólki Fólkafloksins, Jákup Mikkelsen, atkvøddi fyri misálitisuppskotinum. arni@sosialurin.fo Tunnilsmálið rakt løgmann hart Løgmaður hevur í hesum valskeiði fingið eitt misálitisuppskot móti sær. 51-ára gamli Kaj Leo Holm Johan­ ne­sen hevur sitið sum Føroya løgmaður síðani 2008. Hann er sambandsmaður og formaður í Sambandsflokkinum. Síðani 2008 hevur hann verið løgmaður og partur av samgongum, sum hava sitið við valdinum. Seinastu fýra árini hevur hann verið leiðari av samgonguni, sum hevur Fólkaflokkin, Miðflokkin og Sambandsflokkin aftanfyri seg. Hóast samgongan nú telir 20 av 33 tinglimum, so hevur tað verið buldrasligt í hesum tíðarskeiði. Harðast stóð á, tá ið Javn­aðar­ flokkurin, Tjóðveldi og Framsókn løgdu eitt uppskot fram um misálit á løgmann. Hetta var í oktober 2013. Orsøkin var sama mál, sum aftur nú er aktuelt orsaka av kanningini, sum Løgtingið bað Hans Gammeltoft- Hansen gera: nevniliga málið um tunnil millum Skálafjørðin og Havnina. “Framferð, embætisførsla og fyrisiting hjá løgmanni í hesum máli hava verið til sera stóran skaða fyri fólksins álit á politisku skipanina.” Soleiðis skrivar andstøðan í við­ merkingunum til misálitis­upp­ skotið. Í viðmerkingunum verður sagt, at løgmaður ikki hevur framt sína eftirlitsskyldu við lands­stýris­ manni­num, Kára P. Højgaard, Sjálv­ stýris­flokkurin. Nógv onnur viðurskiftir verða nevnd í sambandi við hand­faringina av málinum um tunnilin. Alt málið kom fram, tí at lands­ stýrismaðurin við innlendismálum var í ferð við at gera eina avtalu við eitt privat felag um at byggja og reka tunnilin. Andstøðan forpurraði hesum á sumri 2013 og tað endaði so við misálitisuppskoti á løgmann í oktober 2013. Tað er soleiðis í tingskipanini, at verður uppskot um misálit lagt fram, so verður dagsskráin ruddað og málið viðgjørt og avgreitt. Misálitisuppskotið á løgmann fekk við atkvøðugreiðsluni 11 at­ kvøður fyri – 19 ímóti og trýggjar atkvøður vóru blankar. Tær tríggjar blonku vóru frá Kára P. Højgaard, Sjálvstýrisflokkurin, Gerhard Lognberg, Sam­bands­ flokkurin og Kristin Michelsen, Javnaðarflokkurin. Strandferðslan orsøk til uppskot um misálit