mánadagur 13. juli 2015síða 16

Mánadagur 13. juli 2015 · Nr. 79 16 Sosialurin Hugskot og viðmerkingar – send sms til 225000 ítróttur fótbóltur NSÍ og Víkinga venjarnir rokna við, at góðu avrikini hóskvøldið fara at gagna teirra liðum, tá ið tað verður farið undir aftur landskappingina NSÍ og Víkingur vardu borg Jóannes Hansen Fyri einum ári síðani var neyð­ugt at umskipa heimligu lands­kappingina, tí Víkingur spældi seg víðari úr fyrsta innleiðandi umfarinum og so aftur víðari úr øðrum inn­leið­andi umfarinum og í triðja innleiðandi umfarið í Europa liguni. Í ár verður ikki neyðugt at umleggja nakað í lands­kapp­ ingini, sum tað verður farið undir aftur á ólavsøku. Øll fýra føroysku feløgini, sum vóru við í fyrsta innleiðandi umfari, vórðu í síðstu viku varpað úr kappingini á hesum sinni. Feløgini, sum ikki hava verið partur av europeisku kappingunum í summar, eru farin undir fyrireikingarnar til avbjóðingina í lands­kapp­ ingini. Spælararnir, sum ikki hava havt frí frá fótbólti, síðani lands­kappingin fór í summar­frí, spenna frá í nakrar dagar, áðrenn tað fram ímóti vikuskiftinum verður farið undir aftur venj­ ingarnar. Upp og niður Í europeisku kappingini fer hetta summarið ikki í søguna sum eitt av teimum, tá ið før­oysku feløgini stóðu seg nakað serliga væl. Eftir fyrru dystirnar í fyrsta innleiðandi umfari sá tað heilt soltið út. Síðsta vika royndist frægari hjá feløg­ unum í Eysturoy, meðan stóru høvuðsstaðarfeløgini einki fingu burturúr. Heilt vána­ligt var tað hjá HB, sum bæði í Litava og aftur á Tórsvølli varð darvað av at spæla undirmannað, tí ein av spælarunum sá beinleiðis reytt kort. NSÍ megnaði hóskvøldið at vinna á Svangaskarði ímóti norðurírska Linfield, sum hevur verið í Føroyum fýra tey seinastu árini, og sum hós­kvøldið fyri fyrstu ferð fór av vøllinum eftir at hava tapt. Víkingur megnaði hós­ kvøld­ið málleysan javnleik á Lerkendal í Tróndheimi ímóti stór­favorittunum í Rosen­borg. – Vit eru ósigraðir í Noregi, staðfesti Víkinga venjarin Sigfríður Clementsen, sum harvið sipaði til, at tað í fjør eydnaðist Víkingi at vinna 2-1 í somu kapping í Tromsø. Í meistarakappingini megn­aði B36 einki at gera við Linfield, sum á heimavølli vann 4-1 og harvið samantalt 6-2. Meistararnir í B36 eru topplið í landskappingini. At tað manningarliga er ógvu­ liga tepurt man kennast órógv­andi. Liðformaðurin og hjálpar­venjarin Jákup á Borg var ikki førur fyri at spæla í Belfast, og tað gongur so mikið striltið hjá mið­verja­ num Hørði Askham at koma fyri seg, eftir at hann leingi hevur verið skaða­darv­aður, at hann ikki var førur fyri at spæla. Odmar Færø noyddist skaddur av vøllinum longu í 1. hálvleiki. Heldur ikki í HB er heilsustøðan so góð, sum hon onkuntíð hevur verið. Jóhan Troest Davidsen var so mikið skaddur, at hann ikki var førur fyri at taka á seg týdningar­mikla leiklutin í mið­verjuni, og heldur ikki Christian R. Mouritsen og Andrew av Fløtum vóru førir fyri at spæla. Kemur væl við Tað var framúr undir­hald­ andi, tá ið NSÍ í góðveðrinum á Svangaskarði hóskvøldið vann 4-3 á norðurírska Linfield. NSÍ legði ógvuliga bragd­liga fyri, og hóast mótstøðuliðið skoraði fyrst og harvið økti um saman­tala munin til 3-0 og hevði fyri­ mun av útivallar­máli, so sást tað ikki á heima­monn­unum. Klæmint A. Olsen svaraði beinanvegin aftur, og tað varð heilt spennandi, tá ið Pól Jóhannus Justinussen vísti sítt format í luftrúminum og smekkaði bóltin í málið til 2-1. At NSÍ legði nógv fyri í fram­rættaða partinum kost­aði í verjuni. Ofta løgdu gestir­nir innfyri úr høgru, men hóast teir javnaðu til 2-2, so var lagið gott millum heima­fólkið í steðginum, tí Jens Joensen legði NSÍ fram­um 3-2 við rimmar skoti dygst undan hvíldini. Linfield javnaði aftur til 3-3, men Pól Jóhannus svar­aði aftur til 4-3. Tað var fjáltur á gestunum í 2. hálv­ leiki, tá ið teir drógu tíðina so nógv út, sum dómarin gav teimum loyvi til. – Tað var spell, at teir javn­aðu til 3-3 miðskeiðis í 2. hálvleiki. Úrslitið sigur, at teir vóru til at hava við at gera. Um vit høvdu økt um leiðsl­una, sum vit høvdu møgu­leikar til, heldur enn at teir javnaðu til 3-3, so kundi tað verið heilt spennandi, stað­festir NSÍ venjarin Trygvi Mortensen. Hann dugir væl at ímynda sær, at hansara spælarar fara at fáa gang av royndini í euro­peisku kappingini: – Vit fingu ikki fulla úr­ tøku í nøkrum av teimum fýra síðstu dystunum undan summar­steðginum. Sjálvir haldi eg, at vit fram ímóti summar­steðginum mistu nakað av ferðini, sum vit høvdu havt. Avrikið ímóti Linfield vísti, at spælararnir nú eru fullir í spæligleði, og tað veit eg fer at síggjast aftur, tá ið vit fara undir aftur lands­kappingina. Ikki minst fyri ungu spælararnar hava hesar royndirnar stóran týdning, sigur Trygvi Mortensen. Hetta var onnur ferðin, at tað eydnaðist NSÍ at vinna í europeisku kapping­unum. Fyrsti sigurin var 22. juli í 2008, tá ið NSÍ í meistara­ kapp­ingini vann 1-0 á Dinamo Tbilsi. Ta ferðina var Hjalgrím Elttør einsamallur NSÍ málskjútti. Tað vakti eisini ans, tá ið NSÍ 7. juli í 2011 megnaði málleysan javnleik ímóti Fulham. Átta spælarar, sum vóru við ta ferðina, vóru á liðnum hóskvøldið – Andras Gango, Jens Joensen, Einar Tróndargjógv, Jann Martin Mortensen, Jónhard Frederiks­berg, Klæmint A. Olsen, Árni Frederiksberg, sum ta ferðina varð skiftur inn í síðsta minutti, og Magnus H. Olsen, sum fyri fýra árum síðani sat á beink­ inum allar 90 minuttirnar. Uppreisn í Tróndheimi Á Svangaskarði var tað næst­ síðsta hóskvøld tætt og javnt millum Víking og Rosenborg, sum fram ímóti dystarenda skoraði tvær ferðir og har­ við mest sum tryggjaði sær rættin at halda fram í kapp­ ing­ini. Á Lerkendalen í Trónd­ heimi endaði tað hóskvøldið málleyst. Meðan Víkingur í heimadystinum hevði fleiri risa stórar málmøguleikar,