mánadagur 20. juli 2015síða 12

Mánadagur 20. juli 2015 · Nr. 82 12 Sosialurin Hugskot og viðmerkingar – send sms til 225000 Fegnast um fanta – Lagið á fólki var sera gott, og vit fingu øll eina sera góða uppliving, sigur Bogi Andreasen, nevndarformaður í G! Festivalinum Jonhard Hammer – Eg eri fantastiska glaður um ársins G! Festival. Vit høvdu nógv fólk, og stemn­ ingurin var sera góður. Tað sigur Bogi Andreasen, sum er nevndarformaður fyri G! Festivalin. – Veðrið var til vildar stóran part av tíðini, og tað hevur nógv at siga fyri ein festival. Lagið á fólki var sera gott, og vit fingu øll eina sera góða uppliving, sigur hann. Nevndarformaður í G! roknar við, at fíggjarliga spælir tað eisini væl av í ár. – G! Festivalurin hevur áður havt undirskot at stríð­ ast við, og hóast vit ikki vita endaliga úrslitið enn, rokna vit við, at tað fer at hanga saman í ár. Vit høvdu nógv fólk, og sølan á økinum var góð, sigur hann. Bogi Andreasen fegnast um, at tónleikaliga var talan um góðan festival. – G! Festivalurin hevur kanska ikki tey stóru heims­ nøvnini, men fólk fáa góðan og fjølbroyttan tónleik, og stundum verða vit yvir­rask­ að av framførslunum av G! Eg vil tó siga, at føroysku bólkarnir standa ótrúliga sterkir. – Nú er eftirmetingin av festivalinum farin í gongd. Vit eru fegin um eina góða heildaruppliving, og tað all­ ar­mesta gekk sera væl. Vit viðurkenna, at tað vóru onk­ rir tøkniligir trupulleikar á pallinum á sandinum, og har er nakað, sum vit skulu arb­ eiða við til næsta ár, sigur Bogi Andreasen. Myndir: Sigmar Mørkøre Fjøldin hugnaði sær óført í góðveðrinum á G! Lena Anderssen við bólki vísti enn einaferð, at hon hevur altjóða støði