mánadagur 20. juli 2015síða 20

Mánadagur 20. juli 2015 · Nr. 82 20 Sosialurin Hugskot og viðmerkingar – send sms til 225000 ítróttur fótbóltur Meistararnir Ibrahima Camara fekk bara eitt hálvt ár í B36. Hann skal framyvir spæla í triðbestu deildini, meðan B36 í danska Philip Lund vónar at hava funnið sær mannin, sum kann hjálpa liðnum at halda fast um oddasessin og endurvinna FM-heitið Pætur Albinus Hóast B36 er oddalið í Effodeildini, so hevur tað verið púra greitt, at felagið hevur ynskt sær eina broyt­ ing í álopinum, har Ibrahima Camara bara er fallin í støði og at enda varð settur á næst­besta liðið. Avloys­ari skuldi finnast, og hóast tað sá ógvuliga svart út, so eydn­ aðist tað B36 við tógvið stríð at finna av­loysara í evstu løtu. Camara kiksaði Kappingarárið byrjaði væl hjá Ibrahima Camara í B36. Hann kom á máltalvuna fýra tey fyrstu umførini, men síðani steðgaði mál­ skjót­ingin upp. Burtursæð frá einum máli afturat í 11. um­fari, so hevur tað gingið av skriðuni hjá senegalesiska áleyp­aranum, sum fall so­ mikið nógv í støði, at hann varð settur at venja við næst­besta liðnum. Søgur hava verið um, at hann er óynsktur í felagnum, men tað er ikki bara sum at siga tað at sleppa av við ein leik­ ara. Her heima er tað nevn­ iliga ikki loyvi at gera sátt­ mála við leikarar styttri enn eitt heilt kappingarár, og tískil var Ibrahima Camara sátt­mála­bundin til B36 fram til kapp­ingarárið var av, um tað ikki skuldi eydnast at finna honum eitt nýtt felag og um hann yvirhøvur fór at taka av tí tilboðnum. Knøpp tíð Tá ið Sosialurin setti seg í samband við nevndina í B36 dagin fyri flytingargluggin lat aftur, bendi alt á, at eingin leikari fór at koma í staðin fyri Ibrahima Camara, og at hann fór at halda fram í felag­num. Á næstbesta lið­ num, væl at merkja. Tíðin var knøpp – hon var ov knøpp til at fáa spælarar at royndarvenja, og teir, sum felagið hevði havt eyguni á, vóru annaðhvørt ikki nóg áhuga­verdir ella ikki tøkir. Boðini úr B36 vóru, at um okkurt áhugavert ikki fór at stinga seg upp í evstu løtu, so helt B36-hópurin fram óbroyttur. Vend kom í Best sum tað sá út til, at B36 ongan nýggjan leikara skuldi fáa, stakk okkurt áhugavert seg upp í evstu løtu. Talan var um 26 ára gamla Philip Lund úr Danmark, sum kann røkja flest øll framrættaðu plássini á vøllinum. Hann er upp­ vaksin í Vejle BK í Dan­mark, og eftir at hava spælt við Kolding FC og FC Fyn legði hann leiðina um hav til USA, har hann seinastu tvey árini hevur spælt fulltíðarfótbólt við Seattle Sounders FC og seinast Oklahoma City Energy. Í Seattle Sounders FC var hann liðfelagi við navn­framar menn sum Obafemi Martins og Clint Dempsey. Philip Lund hevur eis­ini umboðað danska U19- lands­liðið. B36-nevndin bar skjótt at, tá ið hesin møguleikin stakk seg upp, og fáar tímar áðr­enn flytingarvindeygað lat aftur, skrivaðu partarnir undir sáttmála fyri restina av kapp­ingar­árinum. Camara fór Tað vóru tekin í bæði sól og mána um, at Ibrahima Camara neyvan skuldi vænta sær nakra spælitíð afturat í B36, og stutt fyri midnátt hós­kvøldið eydnaðist tað loks­ins B36 at finna annað felag til hansara. Hann fer at spæla restina av kappingar­ árinum við Giza/Hoyvík í trið­bestu deildini. Eyðun Klakstein, venjari hjá B36, sigur, at tað ikki gekk eftir vild við Camara. – Camara byrjaði kapp­ing­ ina væl við at skjóta fýra mál í teimum fyrstu dystunum, men hóast hann hevur verið sera íðin og áhaldandi, og vit hava brúkt nógva tíð og orku til at fáa alt at rigga betur Nýggi B36 áleyparin, Philip Lund, hevur eisini umboða Vejle í Superliguni