týsdagur 21. juli 2015síða 66

juli 42 Ólavsøkan 2015 So fært tú møguleikan at fáa alt tað við, sum tú ynskir tær. Tiltakið við frásøgumanninum á bryggjuni er nýtt, og fyrsti frásøgumaður verður Sjúrður Skaale. Ólavsøkuróðurin er vorðin stórt og fjølbroytt tiltak, og tað sker altíð okkurt á vágni og bryggjuni. Við frásøgumanni verður tiltakið betur skipað, og tú kanst fáa eina betri uppliving av heildini. Tað er ynskið hjá Áhugafelagnum ólavsøkuróðri. Mikrofonin á bryggjuni er eisini praktisk í aðra máta, tí hon leiðir skjótt foreldur og burturblivin børn samanaftur, og finnur tú eina burturmista brossju ella annað virðismikið, sum onkur hevur mist, so hjálpir frásøgumaðurin tær at finna eigarmannin aftur við at bera boðini ígjøgnum hátalararnar. Soleiðis verður tað ein heppin tænasta fyri øll. Og ólavsøka er, so kanska fáa vit eina góða ella tvær frá Sjúrði – hann kann nokk ikki bara sær. Frásøgumaðurin er ið hvussu er ein góð orsøk afturat at fara til ólav­søkuróður. Sjúrður Skaale verður fyrsti frásøgumaður á bryggjuni til ólavsøkuróðurin. Ó lavsøkuróðurin er í hond­ um, og við honum røkkur tjóðar­ítróttur okkara sínum hæddarpunkti. Ein sein­asti róður, áðrenn ungdómar og til­komin leggja árarnar inn og seta bátar­nar í neystini aftur at hvíla borð­ini fyri veturin. Og nú vit eru við hin føroyska ára­ bátin. Ásannandi, at hann eigur ein so umráðandi part í okkara tjóðar­ bygging, hevði tað sømt seg, um Havnin sum fyrsti staður gav honum eitt virðiligt pláss í býarmyndini. Ikki eitt støvmuseum, men eitt livandi báta­hús – ein bátaportal – ið skal vera vegurin hjá borgarunum inn til henda týðandi part av søgu okkara. Liggjandi við hugnaliga um­hvørv­ ið við Eystaru vág ella Vestaru vág hevði portalurin átt sítt sjálvsagda pláss. Hugsandi kann hann vera í tveim­um ella trimum hæddum. Á mið­hædd og lofti skulu vera skiftandi fram­sýningar og upplivingar, í teirri niðastu skal vera eitt aktivt neyst, sum skapar lív og gevur kontakt við sjógvin. Eitt róðrarfelag kundi verið ein møguleiki. Øll fáa vit gleði av portalinum. Við savninum uppiá kunnu ferða­fólk, barna­garðar, skúlaflokkar, eldra­sam­ býli og borgarar allir uppliva hin før­ oyska árabátin gjøgnum tíðir­nar við frásagnum, myndum og rættiligum bátasmíði, har vit síggja og sansa okkara tjóðarhandverk. Tí her skal ikki savnast, her skal skapast! Í neystinum niðriundir kann ein uppliva dagsins árabátar í verki, og við eini lítlari lending uttanfyri vera um­støður at bjóða børnum, ferðafólki og gestum annars róðrarupplivingar, har tey fáa kontakt við sjógvin. Tað er alt hetta, sum skapar báta­ portalin og ger hann til eina livandi eind. Her hoyrast søgur frá aldrandi monnum, her glinta hamrar um angandi við, her forvitnast børn og vaksin, og her ressast gamlir abbar. Vit føla ta mentan, sum skapti Føroyar. Hugskotið fremur eisini tey ynski, ið hava verið frammi í politisku skipan­ini um at varðveita føroyska bátin og føroyskt bátasmíð, og tað møtir fleiri av teim tilmælum, sum vórðu sett fram í álitinum um at skapa føroyskum bátasmíði livi­lík­ indi. Álitið varð latið Føroya lands­ stýri í 2012. Hugsandi er, at Tórshavnar býráð ella landið stendur fyri portalinum og leigar ella keypir einhvønn bygn­ing, sum hóskar til endamálið. Við­kom­ andi myndugleikar og áhugafeløg standa síðan fyri teim tilboðum og upp­livingum, sum portalurin skal bjóða. Niðriundir er neystið ein natúr­ligur partur av portalinum, og bátarnir kunnu sýnast fram og lata upp fyri møguleikum at flota hjá børn­um og ferðafólki undir skip­að­ um viðurskiftum. Góða ólavsøku. Tú sært tað fyri tær. Tit í føroyskum klæðum, snollað snýð, lítla smílandi í vogninum og so á rull við familjuni oman til ólavsøkuróðurin. Oman at vísa seg fram eitt sindur. Tú gloymdi bara, at bryggjan er eingin autobahn fyri barnavognar. Her er tjúkt av fittum fólki, og skjótt følir tú tað, sum tú fert trýstandi við ein­um uppsteðgaðum plenukippara gjøgn­um mannamúgvuna. Irrita­ tiónin veksur, frisuran fer sín vey, og lítla lippar og vil úr – so nú skal trill­ast og leiðast í senn. Men nú bjargar ólavsøkuróðurin idyll­inum, tí í barnalandinum Homlu­landi er ókeypis barna­vogna­ parker­ing allan róðurin. Her kunnu tit trygt seta vognin frá tykkum, so at tit sleppa smidliga og smílandi ígjøgn­um manna­múgvuna. Tá ið lið­ugt er, heinta tit vognin aftur og trilla víðari. Homluland er á bryggjuni sunnan fyri Havnarskrivstovuna, beint við mál­bilin. – eitt hugskot um ein livandi bátaportal Her glinta hamrar um angandi við Betri hjá teimum við barnavogni at fara til ólavsøkuróður Sjúrður Skaale verður frásøgumaður á bryggjuni til ólavsøkuróðurin Tá ið tú kemur til ólavsøkuróður í ár og framyvir, fer frásøgu­ maður at bjóða tær vælkomnum í hátalarunum og fer leypandi at kunna teg og hinar gestirnar um skránna og tað, sum hendir Við einum bátaportali kunnu vit føla ta mentan, sum skapti Føroyar. (Mynd: Heinesen Myndir)