hósdagur 23. juli 2015síða 32

Fríggjadagur 24. juli 2015 sosialurin 84 32 Seinnu árini hevur verið sið­venja, at Rás2 og Miðlahúsið skipa fyri stórum Ó lavsøkubrakið 29. juli, og soleiðis verður aftur í ár. Hesaferð verður tað við Ave, Steintór&Kim og Hilmar Jan Hansen stendur fyri undirhaldinum. Í ár eru níggju ár síðani, at Rás2 fyrstu ferð skipaði fyri skemti og tónleiki á Ólavsøku. Longu fyrsta árið varð greitt, at undirtøkan fyri tiltakinum var so mikið stór, at avgjørt varð at skipa tiltakið sum ein afturvendandi part av Ólavsøkuni. Hvørt ár savnast fleiri túsund fólk í Vágsbotni 29. juli millum klokkan 22.00 og 23.00, og á skránni er hvørt ár skemt við eitt nú Pipar&Salt, Hilmar Jan Hansen og øðrum, og tvey tónleikainnsløg. Áður hava eitt nú Frændur, Páll Finnur Páll, Signar í Homrum, Kim Hansen og Terji Rasmussen, Nalja og onnur framført á pallinum uttanfyri rásarúmið hjá Rás2 í Miðlahúsinum. Í ár vera tað so Petur Pólson og Benjamin Petersen í Ave, Steintór Rasmussen og Kim Hansen og Hilmar Jan Hansen stendur fyri undirhaldinum. Undirhald í Vágsbotni Holgar Jacobsen Yrki: Tónleikari (útbúgvin timburmaður) Bústaður: Sørvágur Hvat ætlaði tú at blíva, tá tú bleivst vaksin? – So løgi tað ljóðar vildi eg blíva gittarspælari og tónleikari. Áðrenn tað var tað sjómaður. Hvat burdi hitt kynið vitað um títt kyn? – At menn kunnu verða kenslubornir. Eg eri sera kensluborin og fari ofta í ein dreymaheim, afturlítandi. Hvat áttu børn vitað um tað at verða vaksin? – Tað er helst gott, at børn ikki vita ov nógv um at verða vaksin, eitt sorgleyst barnalív er grundvøllirin undir vaksmanna álvara, ein góð barlast. Hvat var seinasti dreymurin, tú gjørdi til veruleika? – Tað var at fáa fløguna "Kanska tú svav” út. Nú droymi eg um at fáa eitt sindur av javnvág í lívið og fáa gjørt nýggju fløguna "Fjøtraður". Enda setningin: Um eg tordi, hevði eg… … flutt til Íslands. Hvat hevði gjørt heimin til eitt betri stað? – At vit virða menniskju fyri tað, tey eru, banna Jante við lóg og jarða feikleika, øvund og baktalan. So vóru vit komin langt áleiðis. Nær vart tú seinast veruliga ovfarin? – Tíverri havi eg verði meira ovfarin tann tunga vegin seinastu tíðina, tíverri, men hetta politiska sirkusið ger meg eisini ovfarnan. Tað seinasta, tú hevur lært, er at: – Ein lívslærdómur er, at tað er sera umráðandi at vita, hvørjar vinir tú hevur. At blíva svikin av vinum, tú helt teg hava, er eitt beiskt bland, men eisini ein lærdómur. Teir vinir, ið standa við og ikki seta krøv, eru gull verdir. Tann støðuga ringa samvitskan snýr seg um, at eg: – At eg ikki gangi meira – og smárenni – og kann missa nøkur "nógv" kilo, men ljós er fyri framman. Eg havi fingið telefon við fet- og kaloriuteljara í. Enda setningin: Føroyingar áttu at… … tikið ábyrgd av okkara egna landi. Ólavsøka