mánadagur 27. juli 2015síða 12

Mánadagur 27. juli 2015 · Nr. 85 12 Sosialurin Hugskot og viðmerkingar – send sms til 225000 Tórsfest er festlig og fólkslig Tórsfest hevur funnið eitt frálíkt pláss á gongugøtuni í Havn, og hóast okkurt kundi verið gjørt øðrvísi, er talan um eina fjølbroytta og fólksliga ólavsøkukonsert Jonhard Hammer Leygarkvøldið var Tórsfest hildin fyri aðru ferð. Tórsfest er avloysarin hjá gomlu ólav­ søkukonsertini, sum onkun­ tíð hevði tað trupult, men eisini upplivdi nógvar stórar løtur við nógvum fólki. Fyrr var tað líkavið, at myndugleikar og onnur ikki vildu vita av konsertini, og hon ferðast millum nógvar staðsetingar. Nú hevur Tórs­ fest fingið innivist mitt í Havnini – á gongugøtuni – og tað fær valla verið betri. Á tveimum pallum spæla góðir føroyski bólkar, og í ár vóru tvey útlendsk nøvn fingin heim at seta kulør á kon­ sertina. Samanumtikið var talan um frálíka konsert við nógv­ um góðum framførslum og kendum tónleiki. Fólk møttu rímiliga tíðliga á konsertini, og helst var góða veðrið viðvirkandi orsøk til tað. Út á náttina kom veruligt lív í, og tá var fagnaður av teim­ um framførandi eisini stórur. Flest allir bólkarnir stóðu seg væl, hóast onkrir strídd­ ust við ljóðtrupulleikar á minna pallinum, sum ikki tóktist verða giraður tøkni­ liga til avbjóðingina. Eisini var stórur munur á ljóði og niveau á teimum báðum pallunum, og tað gekk meira út yvir tey, sum spældi á minna pallinum, enn tey, sum spældu á tí størra. Gott útlendskt Pretty Maids var ein góð uppliving. Bólkurin spældi væl, og tað tóktist sum, at teir framvegis stríðast fyri tí og vilja gera sítt allarbesta, hóast teir hava nógv ár á baki. Tað var hugaligt at uppliva. Sangirnir hjá teim­ um eru ikki av teimum kend­ astu her heima, og kanska vóru tað serliga ídnir mann­ ligir fjepparar, sum trokað­ ust frammanfyri palli­num ta løtuna. Basshunter syrgdi fyri einari stórari veitslu. Hann hevði hitt við sanginum Boten Anna, men hann dugdi eisini framúr væl at undir­ halda við coversangum og pumpandi rútmum. Frændur høvdu fingið eitt heldur ivasamt pláss – rími­ liga tíðliga á minna pallinum – men teir gjørdu sín part og fangaðu fólkið við øllum teirra frálíku sangunum. Swangah fekk sum vant lív í fjøldina við teirra speis­ ku rappsangum, og Signar og hansara menn vórðu fangn­ aðir sum sjáldan. Skráin pakkað Tórsfest er ein veitsla upp undir ólavsøku, og soleiðis var eisini hesaferð. Nógv fólk var á konsert, og nógv ungfólk hugnaðu sær. Skráin var sera tøtt, og tað var næstan ikki nøkur løta, har fólk kundu hvíla oyruni. Tað tóktist, sum at fram­ førslurnar skuldu koyra uttan íhald, men møguliga hevði tað riggað fult so væl at givið áhoyrarunum onkrar styttri løtur, har teir kundu hugna sær eitt sindur á økinum. Tað tókist malplaserað, at Synarchi skuldi spæla tung­ málm, beint eftir at barna­ undirhald hevði verið á skránni, og familjur hugnaðu sær á økinum. Tað er eisini krevjandi tekniskt at hava so nógvar bólkar koyrandi innan so stutta tíð, og tað hoyrdist fleiri ferðir aftur, at tøkn­ ingarnir ikki høvdu lættar umstøður, tí fleiri ferðir skuldu teir brúka 2-3 sangir um at fáa ljóðið at sita ordi­ ligt. Tórsfest er eitt fínt ískoyti til føroyska summarið, sum bjóðar eina endaleysa røð av tiltøkum og festivalum, og vit eitt sindur av just­er­ ingum, kann ólavsøku­kon­ sertin gerast enn betri kom­ andi árini. Myndir: Sigmar Mørkøre