hósdagur 30. juli 2015síða 14

Fríggjadagur 31. juli 2015 sosialurin 86 14 Jóannes Hansen Líkindini at rógva vóru góð, tá ið punktum ólavsøkuaftan varð sett fyri hetta róðrar­ árið. At hann var høgur í ættini bar við sær, at talan var ikki um mettíðir og so langt frá tí. Í tveimum førum vann annar bátur ólavsøkuróðurin enn tann, sum var bestur alt róðrarárið. Í báðum førum var tað báturin av Tvøroyri, sum vann FM, men sum ikki vann á ólavsøku. Genturnar umborð á Firvaldi kiksaðu í startinum, tá ið tær beinanvegin vóru eina bátslongd aftanfyri fremstu bátarnar. Stríðið um sigurin stóð millum Jallin og Fípuna Føgru, sum róðu finalu um silvurmerkini, og ta kappingina vann Jallurin. Eingin hótti kortini FM heitið hjá Firvaldi, sum fyri fyrstu ferð vann FM í kapp­ ingini millum gentubátar. Tvørabáturin tryggjaði sær fyrsta FM heitið á ólavsøku. Tað sá leingi út til, at tað skuldi fara at ganga, sum tað oftast hevur gjørt fyrr í summar – at Tvøra­ báturin fór at vinna – men tað gekk sum á norðoya­ stevnu. Tá vann Páll Fangi í heimasjógvi. Á Havnarvág var kappingin millum Páll Fanga og Tvørabátin ógvu­ liga tøtt, og tað eydnaðist klaksvíkingum at vinna. Kongarnir úr Klaksvík Talan var um so stórt drama, sum tað neyvan nakrantíð áður hevur verið, tá ið 10-mannaførini settu punktum fyri róðrarárið 2015. Drekin Reyði og Klaks­ víkingur lógu borð um borð og stavn um stavn nógv tann størsta partin av 901,3 metra teininum frá Argja­landinum og framvið Mola­num. Havnarbáturin var væl við fyrsta partin av teininum, men tá ið tað mest galt, so vóru tað bara Drekin Reyði, sum undan ólavsøku var eitt stig fremstur, og Klaks­vík­ ingur, sum vóru førir fyri at stríðast um sigurin. Stavn um stavn fram við Molanum og fram ímóti málinum. Kanska munaðu tøkini fram ímóti málinum meiri hjá Klaksvíkingi, sum fór um málið reingina undan Drek­ anum Reyða. At Klaksvíkingur vann ber við sær, at báðir bátarnir endaðu við sama stigatali. Ásetingarnar siga, at tá ið tað stendur á jøvnum, so er tann meistari, sum er bestur á ólavsøku, og harvið er Klaksvíkingur meistari. Hetta er sætta ferðin, at Klaksvíkingur er meistari – 2006, 2009, 2011, 2012, 2013 og 2015. Undanfarnu árini eru FM heitini sum oftast vunnin við stórum stigamuni til næsta bát. At sigurin er serliga søtur, tá ið kappingin er hørð, og at tapið harvið kennist serliga meint sást væl, tá ið bátarnir vóru farnir um málið, og boðini um úrslitið komu. Eingin endi var á kætinum umborð á Klaksvíkingi, meðan mót­ støðumenninir vórðu upp­ aftur móðari og tyngri á at líta. Trettan ferðir Argjabáturin Tað varð ongantíð tann spenningur millum 8-manna­ førini, sum undanfarnu kapp­ ­ingar høvdu lagt upp til. Heiðabáturin og Argja­bát­ urin høvdu báðir møguleika at vinna FM, og tað var Argjabáturin, sum vann. Longu í fyrsta taki fór Argjabáturin framum tann gula innan úr Heiðum, og síðani var spurningurin bara, hvussu stórur og sannførandi sigurin fór at verða. Heiðabáturin megnaði ongantíð at bjóða av, og tá ið bátarnir fóru skúmandi fram ímóti málinum, var Argjabáturin eina bátslongd undan Heiðabátinum, sum aftur var eina bátslongd undan Kvívíkingi, sum luttók fyri fyrstu ferð í ár, og sum var eina bátslongd aftanfyri Heiðabátin. Merkisvert var tað, at Argjabáturin vann FM fyri trettandu ferð. So ofta hevur bara ein bátur við monnum áður vunnið, og tað er Havnarbáturin. Fjútan ferðir Jarnbardur Kvinnurnar í Knørrafelag­ num settu ólavsøkuaftan met í at vinna meistaraheiti. Jarnbardur FM fyri fjúrt­ andu ferð, og so ofta hevur eingin bátur áður vunnið. Í ólavsøkukappingini lut­ tóku fýra bátar. Jarnbardur varð fremstur beinanvegin, og tað var ongantíð nakar ivi um, at Jarnbardur fór at vinna. Herningur hjá Knørra­ felagnum var ógvuliga treisk­ur, og í endaspurtinum át hann seg eitt sindur inn á Jarnbard, sum kortini ong­ antíð var hóttur. Erla var best av øllum Einasti kappróðrarbáturin, sum í summar hevur vunn­ið fult stigatal, er Erla Kongs­ dóttir úr Fuglafirði við kvinn­um. Á ólavsøku vann Erla Kongs­dóttir enn einaferð ógvuliga sannførandi sigur í kappingini millum 5-manna­ førini við kvinnum. Harvið hava tær úr Fuglafirði vunnið 49 stig, og tað er fult stigatal. Erla Kongsdóttir er einasti báturin, sum hevur fult stigatal. Erla Kongsdóttir við kvinnum var eisini FM vinnari í fjør. Kappingin um silvur­ pláss­ið var stór undan róðrinum, og talan var eisini um tætta kapping á Havn­ arvág. Tað endaði við, at Ritan úr Hvannasundi/Norð­ depli var klárt nummar tvey, og Teistin av Argjum var nummar trý. Harvið vann Ritan silvur og Teistin bronsu. Sílið meistari á ólavsøku Tað var lagt upp til finalu­ róður um FM millum dreingja­ manningarnar, og talan varð um sanna finalu. Eina góða løtu vóru tað Tjaldrið, sum undan róðri­ num hevði vunnið bronsu­ krónurnar, og Sílið og Frúgvin, sum kappaðust. Tjaldrið dragnaði, tá ið hálvur teinurin var farin, og so stóð kappingin millum Frúnna, sum undan ólav­ søkuni var eitt stig undan næsta bátinum, og Sílið. Sílið stakk drekastevnið framum Frúnna, men mið­ vágsdreingir vildu ikki sleppa. Teir løgdu framat aftur, og eina løtu stóð tað á jøvnum. Í sjálvum endas­ purtinum vóru teir á Sílinum drúgvari, og fram ímóti málinum svam Sílið tað mesta av einari bátslongd undan Frúnni. Sílið vann FM, og tað var kærkomið hjá Havnar Róðrarfelag, sum harvið tryggjaði sær eitt FM heiti. Hetta var níggjunda FM heitið hjá Sílinum við dreingjamanning. Klaksvíkingar vunnu rimmar finalu, Erla Kongsdóttir var einasti bátur, sum endaði við fullum stigatali, og Argjabáturin og Jarnbardur settu met í FM sigrum Meist­arar­ nir eiga nógv gull ólavsøkuróður Kappróður