mánadagur 3. august 2015síða 17

17 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 3. august 2015 · Nr. 87 ítróttur Fleiri spurningar svaraðir Pætur Albinus Eftir ein summarsteðg vórðu teir í Effodeildini tveittir fyri eldin aftur við tveimum dystum innan minni enn eina viku. Tvey tey fyrstu av teimum 10 eftirverandi umførunum kundu svara nógvum spurningum, og tað gjørdu tey eisini – bæði í toppi og botni. Serliga tvey feløg munnu kenna seg at vera dottin meiri burtur ímillum enn ynskiligt var. Við einans tveimum stigum í tveimum heimadystum hevur HB nú fyribils mist sambandið við oddastríðið, og við tapi ímóti sínum argasta kappingarneyta misti EB/ Streymur gyltan møguleika at vinna seg av aftasta plássi – heldur hinvegin eru teir nú fimm stig frá AB, tó framvegis átta stig frá FC Suðuroy og bjargingini. B36 staðfesti Eftir sannførandi 4-0-sigur ólavsøkuaftan ímóti ÍF, mundu B36-viðhaldsfólkini vænta sær trý stig afturat, tá ið FC Suðuroy vitjaði í Gundadali sunnudagin. FC Suðuroy er tó eisini í góðum stima í løtuni, so hóast trupla útivøllin, mundi setningurin vera at fáa sær stig. Tað var tó sum ein vátur vøttur, tá ið Høgni Eysturoy legði B36 á odda 1-0 longu í 2. minutti. B36 hevði eisini bróðurpartin av spælinum henda fyrra hálvleikin, men tann so skjótt vunna leiðslan kendist kanska sum ein sovipúta, tí frammanfyri málinum vóru B36-ararnir lítið avgjørdir. Eina løtu í seinna hálvleiki tevjaði FC Suðuroy eina stigið. Teir megnaðu at pilka B36-spælið sundur og at seta ferð á frameftir, men B36 leit á eina góða verju hesa løtuna og FC Suðuroy fekk ongantíð tann avgerandi møguleikan, sum kundi tryggja teimum eina stigið. Hóast spælið ikki var eins sannførandi sum á ólavsøku, so gjørdi B36 tað, sum skuldi til – og ikki eitt hakk meiri enn tað. Trý stig á kontuna við 1-0-sigri og tóku meistararnir við hesum av svipsarunum hjá tveimum av eltarunum, nevniliga Víkingi og HB. Fyrsti AB-sigurin AB-arar kunnu prísa seg lukkuligar fyri, at kappingin er longd frá 18 dystum upp í 27 dystir, tí eftir 18 dystir í ár høvdu teir framvegis ikki vunnið ein dyst. Ein góður møguleiki fyri at broyta upp á støðuna var í gjár, tá ið teir í sonnum botnbraki vóru á vitjan hjá EB/Streymi á fyribils heimavølli teirra, Skála. Hóast AB hevði yvirvág í spælbýtinum í fyrra hálvleiki, so vóru málmøguleikarnir ikki teir nógvu og støðan var 0-0 í hálvleikssteðginum. Í seinna hálvleiki fekk AB tó veruliga prógvað, at tað betraða spælið seinastu tíðina skuldi løna seg. Teir snøgt sagt smurdu EB/Streym, sum annars hevði vunnið sær stig ímóti KÍ seinasta umfar. Heili fýra mál fingu argjamenn, meðan EB/Streymur ikki hevði nakað at bjóða uppá. Málskjúttar vóru Dion Splidt, Jógvan Skeel Nolsøe, Kristin R. Mouritsen og Jobin Drangastein. Loksins brast fyri nev hjá AB, og venjari teirra, Sámal Erik Hentze, segði við Rás2 eftir dystin, at hetta var ein kensla, teir høvdu leitað leingi eftir. Málið hjá teimum er nevniliga yvirliving, og hon er nú einans trý stig burturi. EB/Streymur misti hinvegin møguleikan at vinna seg framum AB, men teir kunnu ugga seg við, at setningurin er óbroyttur: átta stig fyri at yvirliva í Effodeildini. NSÍ kann enn Seinasti dystur í 19. umfari verður spældur í kvøld, tá ið ÍF er á vitjan hjá NSÍ við Løkin. Tey trý stigini eru ógvuliga umráðandi hjá NSÍ fyri at halda samband við oddaliðið B36, meðan ÍF meiri er í ongamannalandi, men tó skal ansa sær soleiðis at teir ikki verða í vanda fyri at flyta niður. ÍF hevur nógv at prógva eftir lemjandi 0-4-tapi ímóti B36 á ólavsøku, men tað verður uttan iva trupult. NSÍ er nevniliga eitt av teimum frægastu heimaliðunum í deildini við seks sigrum av níggju møguligum á heimavølli, meðan ÍF hinvegin einans hevur vunnið einaferð á útivølli út av somuleiðis níggju. albinus@sosialurin.fo B36 – FC Suðuroy 1-0 (1-0) 1-0: Høgni Eysturoy, 2. B36: Trygvi Askham - Høgni Eysturoy, Andrias H. Eriksen, Odmar Færø, Gestur B. Dam (83. Alex Mellemgaard) - Eli F. Nielsen - Jákup á Borg (19. Benjamin Heinesen) Róaldur Jakobsen, Hans Pauli Samuelsen -Lukasz Cieslewicz, Philip Lund Gult kort: Gestur B. Dam FC Suðuroy: Rani N. Johannesen - Heri Kjærbo (85. Heini Bech) Christian Ibeagha, Valerian Iobashvili, Tóki K. Mortensen - Palli Augustinussen, Salmundur Bech (85. Teitur Tausen) Høgni Madsen, Búi Egilsson (77. Reidar D. Joensen) - Mamuka Toronjadze, Jón Krosslá Poulsen Gult kort: Christian Ibeagha, Heini Bech Dómari: Valgeir Valgeirsson (Ísland) EB/Streymur – AB 0-4 (0-0) 0-1: Dion Splidt, 65. 0-2: Jógvan Skeel Nolsøe, 72. 0-3: Kristin R. Mouritsen, 78. 0-4: Jobin Drangastein, 86. EB/Streymur: Jákup Andrias Hansen – Árni G. Olsen, Andras Olsen, Rógvi E. Nielsen, Jóhannus Hansen – Jan á Høgaryggi (69. Jónstein Magnussen) Brian Olsen, Rói H. Olsen, Ragnar B. Danielsen (57. Hanus Olsen) – Arnar Dam (86. Ólavur F. Ejdesgaard) – Leif Niclasen Gult kort: Brian Olsen AB: Niklas Thomsen – Álvur F. Christiansen, Rói Danielsen, Sorin Anghel, Beinir Ellefsen (90. Bárður Olsen) – Rógvi Poulsen, Kári Nielsen, Tróndur Jensen, Kristin R. Mouritsen – Dion B. Splidt (75. Jobin Drangastein) – Jógvan Skeel Nolsøe (84. Nikolaj L. Eriksen) Gult kort: Rógvi Poulsen Dómari: Rúni Gaardbo Tvey tey fyrstu umførini eftir summarsteðgin hava svarað nógvum spurningum. B36 heldur somu kós og hevur staðfest sína støðu sum oddalið, men HB hevur mist sambandið við oddastríðið eins og AB við ársins fyrsta sigri aftur hevur lima seg inn í dystin um yvirliving