hósdagur 6. august 2015síða 12

Fríggjadagur 7. august 2015 sosialurin 89 12 Løgmaður átti at lagt frá sær Eisini veljarar, ið valdu Sambandsflokkin á seinasta løgtingsvali halda, at løgmaður átti at lagt frá sær Eirikur Lindenskov Løgmaður átti at tikið avleiðingar av kanningarúrslitinum hjá Hans Gammeltoft Hansen og lagt frá sær. Tað heldur fjórði hvør veljari, sum varð spurdur í kanningini, sum Fynd hevur gjørt fyri Miðalhúsið og Kringvarpið. Eitt er, at løgmaður ikki hevur stuðul millum veljarar í øðrum flokkum. Men eisini veljarar, sum valdu Sambandsflokkin seinast eru eirindaleysir: 58 prosent av teimum halda, at løgmaður átti at lagt frá sær. Millum veljarar, sum hesaferð ætla sær at velja Sambandsflokkin, halda 42,9 prosent, at løgmaður átti at lagt frá sær, meðan 46,9 prosent halda, at tað átti hann ikki. Í øllum hinum flokkunum er stórur meiriluti av teimum, sum hesaferð fara at velja, at løgmaður átti at lagt frá sær. Tilsamans halda 74,6 prosent av teimum spurdu í kanningini, at løgmaður átti at lagt frá sær. Vilja hava Aksel til løgmann Sambært kanningini er eingin ivi: Aksel V. Johannsen skal verða næsti løgmaður Eirikur Lindenskov Hann hevur so nógv ta størstu undirtøkuna. 35 prosent av teimum spurdu í kanningini vilja hava Aksel V. Johannsen til løgmann. Næstu honum er Høgni Hoydal úr Tjóðveldi. Men hann fær bara undirtøku frá 9 prosentum. Triði í røðini er Alfred Olsen úr Sambandsflokkinum, sum fær undirtøku frá 6 prosentum, meðan Kaj Leo Holm Johannesen bara fær undirtøku frá 5 prosentum av veljarunum. Verður hugt eftir, hvaðani Aksel V. Johannesen fær stuðulin, so er tað sum vera man fyrst og fremst úr sínum egna flokki, Javnaðarflokkinum. 48 prosent av teimum, sum vilja hava Aksel V. Johannesen til løgmann velja Javnaðarflokkinum. Men eisini tjóðveldisveljarar vilja hava Aksel V. Johannsen til løgmann. 22 prosent av teimum, sum vilja hava Aksel V. Johannesen til løgmann velja Tjóðveldi. Verður hugt hinvegin, hvønn veljararnir í ymsu flokkunum helst vilja hava til løgmann, so sæst, at Aksel V. Johannese hevur størstu undirtøku - um vera man - í Javnaðarflokkinum, men eisini í Fólkaflokkinum. 17 prosent av teimum, sum fara at velja Fólkaflokkin, vilja hava Aksel V. Johannsen til løgmann. 15 prosent vilja hava Anniku Olsen og 14 prosent vilja hava Jørgen Niclasen. Í Tjóðveldinum er Aksel V. Johannesen eisini væl umtóktur – næstan líka væl sum Høgni Hoydal. 36 prosent av tjóðveldisveljarum vilja hava Høgna Hoydal til løgmann, og 33 prosent vilja hava Aksel V. Johannesen til løgmann. Aksel V. Johannesen fær breiðan stuðul úr øllum flokkum sum besta boð uppá ein komandi løgmann veljarakanning