mánadagur 10. august 2015síða 23

23 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 10. august 2015 · Nr. 90 ítróttur Heðin Mortensen lovaði at útrudda vespurnar, og nú er tað gjørt (Um B36-NSÍ) Besta sms'ið í Triða Hálvleiki hjá Rás2: Milan tekur yvir í HB Tað verður Milan Cimburovic, ið tekur yvir sum venjari í HB. Hann hevur verið høvðusungdómsvenjari í felagnum seinnu árini - Vit hava sett Milan Cim­bu­ ro­vic sum fyribils venjara hetta árið. Vit meta, at tað er av stórum týdningi, at hann kennir spælararnar og felag­ið frammanundan. Vit síggja tað sum ein møguleika fyri eini varandi loysn, sigur Finn­bogi Arge, formaður í HB. HB hevur sett fyrrverandi spæl­aran í felagnum, Jan Dam, sum hjálparvenjara. eft­ir at Heðin Askham legði frá sær um vikuskiftið. Finnbogi er harmur um, at Heðin Askham legði frá sær. - Vit hava alt gott at bera honum. Vit ynskja stabili­ tet í felagnum og tí bleiv hann settur við ein­um trý ára sáttmála, men tú veist ongantíð í fót­ból­ti. Heðin hevur verið óhepp­in við serliga skaðum í hópinum. Tað hevur gjørt ar­beiðis­um­ støður­nar hjá honum verri. Vit ásanna, at slíkar støður kunnu slíta upp á ein venjari. Vit ynskja honum alt besta í fram­tíðin, sigur Finnbogi Arge. Milan Cimburovic er serbi og kom til Føroyar í 1997. Hann hevur umboðað Royn, NSÍ og TB sum spælari. Sum venj­ari hevur hann umboðað Royn, NSÍ, Sumba, TB, B36 og nú HB. Milan er 14. venjara­loysn­ in uppá 14 ár. Søgan sigur, at hann situr ikki longri enn til ársenda komandi ár. trondur@sosialurin.fo HB venjarakabalin frá 2002: 2002: Jóannes Jakobsen og Kári Nielsen 2003: Frank Skytte 2004-2005: Heine Fernandez 2005: Julian Hansen 2006-2007: Krzysztof Popczynski 2007: Albert Ellefsen 2008: Rúni Nolsøe 2008-2009: Sámal Erik Hentze 2010: Kristján Guðmundsson 2010-2011: Julian Hansen 2011-2012: Sigfríður Clementsen 2013: Oddbjørn Joensen 2014: Heðin Askham 2015: Milan Cimburovic www.hb.fo: Fyri fyrstu ferð í langa tíð hava norðoyingar nakað at gleðast um á Summarfestivalinum. Mest vinnandi liðið í føroyskum fótbólti formáddi sær einki hetta góða fríggjakvøldið við Djúpumýru. www.b36.fo: 3-0 sigurin var ikki eitt vet ov stórur, og hvítidalur kókaði, meðan vit rullaðu sigurin heim. Hóast vit framvegis ikki tosa hart, so byrjar tað nú at síggja heilt alvorliga gott út. www.svimjing.com: Rókur sigur, at finalutíðirnar vóru ikki imponerandi, so um Pál hevði svomið sítt besta, so hevði hann fingið medalju. www.vikingur.fo: Frástøðan til B36 øktist og nú er bert ein teoretiskur møguleiki at hála teir aftur. www.if.fo: So bragdaði aftur hjá ÍF, sum ta seinastu tíðina hevur verið niðri í einum aldudali. www.nordlysid.fo: Máltalvan við 2-0 úrslitinum skein allan Summar Festivalin heimasíðurnar skriva... Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Teitur Joensen Pætur E. Jensen Tað eru evnini í klummuni í dag. Vit sóu á Summar Festivalinum, at tað gagnar føroyskum fótbólti, at KÍ hevur heimavøll á einum slíkum degi. Eg havi næstan ikki sæð so nógvar áskoðarar til ein vanligan fótbóltsdyst áður. Spurningurin er um vit skulu tora at leggja ávísar dystir til ávís tíðspunkt. Ella um vit skulu til at hugsa nógv meiri um áskoðaran, sjálvt um tað kann ganga útyvir spælararnar og onkuntíð fyrireikingarnar hjá feløgunum. Tað er jú ongin fótbóltur uttan áskoðarar, og tølini hava verið minkaði á flestu støðum kring landið. Eitt nú dysturin millum FC Suðuroy og TB. Hann verður spældur samstundis, sum tað er umfar kring alt landið. Kundi man í fyrsta umfari lagt ein av hasum uppgeriðinum á jóansøku. Og í aðru atløgu lagt dystin ein dag, har tað ikki er so nógv annað á skránni í Effo-deildini. Hetta hevði óvia fingið fleiri áskoðarar og miðlar til hesa so spennandi uppgerð. Annars er tað ikki rætt, at TB og FC Suðuroy spæla á heimavølli í senn. Dystir á stevnunum og festivalunum er ein suksé fyri áskoðaran. Spurningurin er um vit skulu til at tora at flyta dystir, so tað passar áskoðaraum betri. Hetta verður partvís gjørt og tað riggar. Spurningurin er bara um letur seg gera politiskt millum feløgini. HB skal vera undangongufelag So var aftur venjaraskifti í HB. Felagið, sum er tað mest vinnandi í landinum, hevur nú sett 14. venjaraloysnina upp 14 ár. Fyri meg eigur HB at vera eitt undangongufelag í føroyskum fótbólti. Skal tað vera eitt felag, sum skal slóða fyri í krøvum, sum tú kanst seta spælarunum og sær sjálvum, so er tað HB, ið skal ganga á odda. Tað er bara ikki tilfeldi í løtuni. Hóast fleiri FM heitið seinnu árini, so er ilt at síggja ein reyðan tráð í tí sum HB ger. Spælarar og venjarar verða útskiftir í stuttum og jøvnum milumbili. Spælið er ikki at kenna aftur, áskoðarin tykist hava vend felagnum bakið og fáir spælarar verða framleiddir úr ungdómsrekkjuni. Tað eigur at vera stuttligt og spennandi at síggja HB spæla. Spælararnir í felagnum eiga at seta stór krøv til sín sjálvan, og liðið skal kunna mynda dystir. Tað er ilt at fáa eyga á í løtuni. Tað var hvørtfall soleiðis tað plagdi at vera. Teir spælararnir, sum komu í gjøgnum ungdómsrekkjurnar rukku mangan langt. Nú er HB í vanda fyri at missa støðuna sum undangongufelag í føroyskum fótbólti. HB er jú felagið, sum hini elska at finnast at. Tað sæst eisini á lesaratølum á millum annað in.fo, at HB er felagið, sum hevur størst áhuga millum føroyingar. Í løtuni verða teir yviráhlaðir av fleiri feløgum á fleiri økjum. Pál snýttur Eg bleiv nakað so argur, tá eg læs tíðindini á síðu 8, um at Sun Yang snýtti Pál Joensen fyri eitt finalupláss í 1.500 metrar frí. Ítróttarandin hjá Sun Yang er nakað tað vánaligasta eg havi upplivað í altjóða ítrótti. Fyrst doping og nú vil hann ikki siga frá, tá hann er skaddur, so eykamaðurin kann koma inn fyri hann. Í hesum førinum hevði tað verið Pál Joensen. Eg havi sagt tað fyrr, og kann gott siga tað umaftur: Fair play, Sun Yang. Fair play! trondur@sosialurin.fo Dystar­áseting, HB og Pál Joensen Ítróttar klumman Tróndur Arge Milan Cimburovic(t.v) og Jan Dam Mynd: www.hb.fo