týsdagur 11. august 2015síða 14

Mikudagur 12. august 2015 · Nr. 91 14 Sosialurin Hugskot og viðmerkingar – send sms til 225000 Regnið spilti einki Regn og vindur sluppu aftur hesa ferð at arga festivalgestirnar, men tað fekk ikki nortið veruleikan um størsta og kanska besta Summar Festivalin, sum hevur verið Jákup Mørk Tónleikanøvnini, sum ferðast til Føroya, hava verið nógv í tali seinnu árini. Ikki minst takkað verið G! Og Summar Festivalinum. Burtur úr hava vit fingið hópin av góðum konsertum og lukkutíð eisini onkrar heilt fantastiskar. Men Summar Festivalurin 2015 fer helst í bøkurnar sum tann besti í eini perlurøð. Longu hóskvøldið varð talan um eitt ordans brak, tá Lukas Graham fór á stóra pallin. Danski popparin fekk næstan fylt Vágsbø, og tað sigur nakað um støddina á festivalinum, at tað longu hóskvøldið vóru eini 8.000 fólk og lurtaðu. Hetta er triða árið á rað, at eitt av heilt stóru nøvnunum fer á pall longu hóskvøldið, og saman við Mika Twisted Sister prógvaði Lukas Graham, at tað væl og virðiliga ber til at halda eitt ordans festivalkvøld í miðviku. Út til fólkið Júst Lukas Graham bergtók eisini fyriskipararnar fyri annað og meira enn tónleik sín. Alt fyri eitt staðfesti hann, at festivaløkið var somikið vakurt, at hann ikki vildi taka til takkar við bara at framføra. Nei – hann vildi út á økið at prátað við fólkið, og so var ikki meira roks um tað. Ein góð skipstroyggja varð fingin til vega, og so fór danski popparin at hugna sær, áðrenn hann frá pallinum fekk øll hini at hugna sær minst líka nógv. Og tónleikaliga var hann eisini framúr. Melodiøsi poppurin hevur vunnið sær hópatals fjepparar, og tá stóru hittini rullaðu, stemmaðu túsundtals røddir við. Lukas sjálvur var framúr væl upplagdur, og mest av øllum tóktist hann hava hug at seta seg millum fólkið at syngja. Ljóðgóðskan á stóra pallinum er eisini framúr. Undan festivalinum segði Hjalmar Hvítklett í útvarps­ práti, at tey nú royndu eina nýggja stýring, sum skuldi gera ljóðið javnt gott um alt festivaløkið, og eisini her er talan um toppkarakter. Kanska kundi voluman fríggja­ kvøldið verið eitt vet hægri, men góðskan sjálv var í hæddini, og so kunnu vit valla krevja meira enn tað sama. Roxette var fantastiskt Longu hóskvøldið vóru tey fleiri, sum vildu vera við, at tey nú høvdu sæð og hoyrt tað besta, sum Vágsbøur nakran tíð hevur bjóðað. Men fríggjadagin var alt aftur uppi at kóka. Roxette er uttan sammeting størsta tónleikanavnið, sum hevur vitjað í Føroyum. Sum fyriskip­ar­ arnir sjálvir tóku til, tá navnið varð lýst, so var hetta fyrsta ferðin, at teir ikki høvdu fyri neyðini at siga frá, hvussu stórt navnið var. Vágsbøur var eisini tjokkandi fullur, tá tað framvegis var eitt korter eftir, til bólkurin fór á pallin, og eingin ivi er um, at tey leveraðu. Sjálvandi er Marie Fredriksson ikki longur tað, sum hon einaferð var. Dysturin móti krabbasjúkuni hevur havt varðandi mein við sær, og tí bar bert til hjá henni at sita gjøgnum kosertina. Hinvegin spruttaði Per Gessle framvegis av orku, og saman framførdu tey eina perlurøð av vælkendum rock/poppi, har tey hava verið á heimstindunum seina­ stu góðu fjórðingsøldina. Umframt tey bæði høvuðs­ nøvnini, sum upplivdu vit eisini ein bólk, ið var somikið væl spælandi, at tað valla kann gerast betri. Hvør tann einasti tóni klappaði perfekt saman við restini, og vit vórðu øll vitni til, at tað krevur heimsklassa, um tú skalt raka heimstindarnar. Røtt avgerð Veðurforsagnirnar kundu longu tíðliga í vikuni staðfesta, at regnið fór at arga leygardagin. Stóri spurn­ ingurin var støðugt, um hann fór at snara eysturum í ættini. Tað gjørdi hann, og longu tíðliga leygardagin varð avgerð tikin um,