týsdagur 11. august 2015síða 31

31 Mikudagur 12. august 2015 · Nr. 91 Sosialurin Hugskot og viðmerkingar – send sms til 225000 sum síðani ringdi til TB og bjóðaði seg fram at gera ungdómsarbeiði fyri felagið. Tað gekk væl. Hann gjørd­ ist meistari við dreingjunum trý ár á rað, og síðani hevur hann eisini havt sera góð úrslit sum ungdómsvenjari í B36 og kanska serliga HB, har hann júst hevur verið við HB-dreingjum í Dana Cup, har teir gjørdust nummar tvey av 80 liðum. Fekk møguleikan Hóast Milan hevur havt góð úrslit í ungdómsdeildunum, so hevur hann ikki havt eitt brennandi ynski um at venja tey bestu vaksnu liðini. Men um tað skal vera, so vil hann helst uttanlands. – Eg havi hugsað um tað, men eg vil helst uttanlands. Kanska í Ungarn, har fyrr­ verandi liðfelagar, sum nú sita í nevndum, hava sett seg í samband við meg, sigur Milan. Hann viðgongur, at tað ikki var ætlanin at verða venjari í Effodeildini, men leygarkvøldið stóð honum brádliga í boði at gerast venjari í HB. – Teir spurdu, um eg var áhugaður at taka yvir, tí teir vildu hava ein sum kennir leikararnar og liðið. Eg hugsaði um tað eina løtu, men eg valdi at hjálpa, nú teir hava tørv á hjálp. Eg eri loyalur, sigur Milan, sum harvið er uppstigaður frá at vera høvuðsungdómsvenjari til at vera venjari hjá Effo­ liðnum. Einki trýst Milan Cimburovic verður 14. venjari hjá HB í 14 ár. Hann tekur hesi tølini kaldliga, tá ið tey verða løgd fram fyri honum. – Tað havi eg als ikki hugsað um, men eg føli meg ikki trýstan. Tað er bara eg, sum leggi trýst á meg sjálvan at gera tað gott, sigur Milan. Hann hevur eina greiða fótbóltsfilosofi, men hann metir tað ikki vera lætt at fáa hana innspælda á liðið so seint í kappingarárinum. - Eg havi nøkur útgangs­ støði, sum eg plagi at byggja lið upp um, men eg má siga, at tað er trupult nú. Eg havi ikki bygt liðið upp, so eg má arbeiða við teimum fortreytum sum eru og royna at gera tað betri, sigur Milan og heldur fram: – Mín filosofi er at spæla við hægri ferð. Mær dámar væl høga leikferð í dystum. Tað fari eg at royna at fáa í HB-liðið nú, sigur Milan. Ger ikki mun Í Sosialinum mánadagin segði Finnbogi Arge, for­mað­ ur í HB, at 4. plássið hjá HB og evropeisk luttøka næsta ár er umráðandi fyri at fíggj­ arætlanin skal halda. Vit spurdu Milan, um hann ætlar sær at geva ungum leikarum møguleikan, ella um hann fer beinhart eftir 4. plássinum, sum formaður hansara og fíggjarætlan felagsins heldur enn gjarna vilja hava. – Eg geri ikki mun á ungum og eldri leikarum. Eg geri bara mun á góðsku. Tað snýr seg um teir, sum taka av, og so teir, sum ikki taka av. Mær dámar væl at geva ungum leikarum møguleikan, men teir skulu eisini hava tað uppiborið. Tað vera teir bestu, sum fara út á vøllin, staðfestir Milan. So 4. plássið er málið? – Eg kann ikki seta nakað langtíðarmál, tí eg hugsavni meg bara um næsta dyst og at gera tað betri. HB hevur havt ein dugnaligan venjara og tað er ein stór avbjóðing fyri meg at avloysa Heðin og at betra nakað, sum hann ikki kundi. Men eg eri bjartskygdur, og tað, sum vit skylda áskoðarunum, er at vísa vilja, heldur Milan og leggur afturat: – Leikarar hava ikki spælt á tí støðinum, sum teir hava í sær. Ein stórur partur av øllum verður at geva leikar­ unum sjálvsálit. Skulu vinna Fyrsti dystur hjá HB undir Milan Cimburovic verður í Gundadali sunnudagin, tá ið grannarnir úr AB koma á vitjan. Milan heldur, at hetta er løtan at fáa fyrsta sigurin eftir summarsteðgin, og hann er ikki smæðin at siga hvat krevst. – Ímóti AB skulu vit síggja, at okkara leikarar eru betri enn teir. Teir í HB, sum ikki klára at vinna ein dyst - ein ímóti einum - ímóti einum í AB, er á skeivum stað. Alla virðing fyri AB, sum hevur vunnið sær moral seinastu dysturnar og spældi væl ímóti Víkingi, men HB eigur at vera sterkari enn AB ein ímóti einum, sigur Milan. Hann sigur, at hann hevur fylgt sera væl við í føroysk­ um fótbólti, og at hann tískil kennir væl til leikararnar, sum hann annars vandi fyri fyrstu ferð mánakvøldið. – Eg kenni teir betur, enn teir halda, sigur Milan Cimburovic at enda. albinus@sosialurin.fo Myndir: Myndir: Turið Láadal Sejersdóttir ítróttur