hósdagur 13. august 2015síða 7

Fríggjadagur 14. august 2015 sosialurin 92 7 snúði seg um, at vit vildu hava tað broytt soleiðis, at tú fekk betri løn, um tú hevði verið í einum starvi ella innan eitt starvsøki í mong ár, so at tað var munur á, um tú hevði arbeiðsroyndir ella júst kom inn av gøtuni. Hetta førdi til eitt verkfall, ið vardi í meir enn fýra vikur, og tað var heilt ótrúliga hart at fáa ígjøgnum, men tað gekk tíbetur, sigur Ingeborg. Torført at verða heimanífrá Tað einasta, ið Ingeborg Vinther sá sum serliga trupult við at hava eitt so avbjóðandi og tíðarkrevjandi starv var, at tað kundi verða rættiliga hart og torført verða nógv heimanífrá, tá ið hon saknaði børnini. Hon sigur, at tú mást síggja í eyguni, at tað kostar nakað at hava eitt tílíkt arbeiði, og hjá henni hevur tað serliga verið, tá verkføll vóru og onnur tíðarkrevjandi stríð, ið gjørdu, at hon av og á mátti vera burtur frá børnunum í vikur í senn, Tað var als ikki å stuttligt ella lætt. – Tú misti nakað av tí, ið hendi heima, og av tíðini, tú hevði saman við børnunum, ið serliga er hart tá ið børnini eru smá. Tú merkti væl, at tað var stórur saknur, bæði hjá teimum og hjá mær, men børnini skiltu tað væl og bakkaðu altíð mammu sína upp, sigur Ingeborg Vinther, ið hevði eina dóttur, ið var 5 ár, og ein son ið var 11 ár, tá ið hon tók við sum forkvinna í 1980. Nógvar góðar kvinnuligar fyrimyndir í Føroyum Ígjøgnum árini hevur Ingeborg ofta staðið sum einsamøll kvinna millum nógvar menn, tá ið tað snýr seg um at standa á odda í leiðandi størvum. Tað var serliga tey fyrstu árini, at tað var mestsum óhoyrt, at ein kvinna tók sær av einari tílíkari uppgávu. Hóast hetta, so sigur hon, at tað altíð hava verið nógvar sterkar kvinnur í Føroyum, ið hava tora at staðið fram, og gjørt tað, ið neyðugt var fyri at fáa broytingar í samfelagnum. – Tað vóru nógvar kvinnur, ið tóku stig til at stovna lokal fakfeløg, tá ið eg vaks upp. Eitt nú hevði eg eina fastur, ið var við til at stovna arbeiðskvinnufelagið Fjallbrúður, har hon gjørdist forkvinna sum bert 17 ára gomul. Hon var ein stór fyrimynd fyri meg. Hesar kvinnur hava allar verið sterkar og havt gott mót. Tí tað var ein øgilig mótstøða, tá ið lokalfeløgini vóru stovnað í sínari tíð, sigur Ingeborg Vinther. Sjálv heldur hon, at tað heldst hevur verið hennara sterki vilji, ið hevur gjørt, at hon tordi at standa á odda fyri størsta fakfelagnum í Føroyum. Eisini er hon voksin upp ímillum fakfólk, og hevur tí havt stóran áhuga í hesum – heilt frá ungum árum av. – Eg havi eisini altíð trúð upp á meg sjálva og ikki ivast eina løtu í, at eg kann klára alt tað, sum mannfólk klára, so hetta er bara nakað eg havi havt í mær, sigur Ingeborg at enda. Ingeborg Vinther er 70 ár. Hon varð vald í stjórnina í Føroya Arbeiðarafelag í 1977. Hon var forkvinna í Føroya Arbeiðarafelag frá 1980 til 2011, tá hon ikki stillaði uppaftur. Hon sat á tingi fyri Verkamannafylkingina í 1994 til 1998