hósdagur 13. august 2015síða 9

Fríggjadagur 14. august 2015 sosialurin 92 9 Hon segði ikki JA men SJÁLVANDI! Leygardagin giftist svimjihetjan Pál Joensen Maluni Vitalis Bærendsen í nýggju Pálshøll í Vági. Pál setti Hanus G. Johansen á, áðrenn hann fríggjaði. Hetta var í 2013. Men nógv er á skránni alla tíðina, so brúdleypið verður ikki fyrr enn nú Dagfinn Olsen M alan Vitalis Bærendsen og Pál Joensen eru bæði suðuroyingar. Hon av Tvøroyri, hann úr Vági. Bæði hava tey íðkað svimjing sum ítrótt, og tað var eisini soleiðis tey hittust. Leygardagin giftast tey bæði. Vígslan skuldi ætlandi verða í Saltsiloini á Drelnesi, men har er talan enn um eitt byggipláss, so hetta ber ikki til. Men Pálshøll í Vági er nú komin so mikið langt, at vatn fyrsta dagin verður latið í langhylin, so tað var so hóskandi at hava vígsluna í høllini, ið ber navn eftir brúðgomminum. Á knæ Talan verður um borgarliga vígslu. Jógvan Zachariassen, ið er í familjuni hjá brúðrini, fer at gifta parið. Malan og Pál hava verið par í meira enn átta ár, men tey hava kenst longi. – Vit hava svomið saman, síðani vit vóru óvitar. Men vit byrjaðu at venja saman í 2006, og komu soleiðis rættiliga at kennast og at koma saman, greiðir Pál frá. Tað er longu langt síðani, at Pál fall á knæ og bar fram bønarorð. – Tað var í Glasgow eftir eina svimjikapping. Eg setti Hanus G. Johansen frá, og fall á knæ og spurdi. Hon segði ikki ja, men sjálvandi!, sigur Pál. Hetta hendi í 2013, men nógv er á skránni alla tíðina hjá lesandi svimjihetjuni, so tey fóru undir at finna útav, nær brúdleypið kundi standa, og tað gjørdist so til 15. aug. 2015. Stórt Fyri stutum var Pál í kapping, har ikki gekk, sum hann – og nógv við honum, høvdu vónað. Men hetta var sambært honum ikki orsakað av, at hann hugsaði um brúdleyp, heldur enn svimjikapping. – Nei, onnur hava avlastað væl viðvíkjandi brúdleypinum, so tað var ikki tað, ið gjørdi tað. Eg rakti bara ikki dagin. So um eg hevði fingið møguleikan enn einaferð, so hevði verið øðrvísi, sigur Pál Joensen. Tað verða eini 200 fólk í brúdleypi. Vígslan og reseptión verða í Pálshøll í Vági, og veitslan verður í skúlanum í Trongisvági á kvøldi. Men hvussu er tað at hava eina høll, Føroya fyrsta langhyl, uppkallaðan eftir sær? – Hetta er so stórt, at eg havi ilt við at seta meg inn í hetta av álvara. Hetta er ein sera stór verkætlan, og hjá mær er talan um stórar kenslur. Hetta er ein stórur heiður. SALT var ikki klárt, men so kundu vit velja Pálshøll, og tað angra vit ikki. Tað er sera stuttligt, sigur Pál Joensen. Brúðarferð og sangur Pál og Malan fara á brúðarferð. – Vit feðast nógv saman í samband við svimjingina, men vit fara á brúðarferð. Leiðin gongur til Santorini í Grikkalandi, har vit verða í eina viku, sigur Pál Joensen. Mikudagin hildu vinfólk polter­ abend fyri Pál Joensen. Fyrsti steðgur var hjá Eyðun Nolsøe í Froðba, har sangur skuldi takast upp. Kanska er tað so, at Pál ikki hevði verið fólkaogn í sama mun sum hann er tað sum svimjari, um hann valdi sær leið sum sangari. – Eg sang »I Wanna Know What Love Is«. Lat meg siga, at eg eri ikki stoltur av avrikinum, sigur Pál Joensen, sum í hesum døgum stákast óført til brúdleypið leygardagin. Malan og Pál. Selfie tikin fyri stuttum í Russlandi. FAKTA Pál Joensen úr Vági Lesur vinnubúskap og projektleiðslu í Keypmannahavn. 24 ár Malan Vitalis Bærendsen av Tvøroyri Lesur til lækna 24 ár Tey bæði búgva í Kastrup, Danmark Giftast 15. august 2015 Útsøluendabrestur! Útsølan endar leygardagin, skunda tær.