mánadagur 17. august 2015síða 6

Mánadagur 17. august 2015 · Nr. 93 6 Sosialurin Hugskot og viðmerkingar – send sms til 225000 Vit mugu saman finna loysnirnar Tjóðveldi Flokkurin er á summum økjum konkretur í valskránni og vil fremja broytignar, sum eisini kosta Árni Gregersen Tjóðveldi hevur fimm meira ella minni konkretar súlur, sum einar sjálvstøðugar og rættvísar Føroyar eiga at byggja á. Tann fyrsta snýr seg um, at vit skulu hava føroyskar loysnir á øllum málum, so loysnirnar vit brúka ikki bert eru eftirgerð av loysnum hjá øðrum – ella beinleiðis danskar loysnir. Flokkurin heldur, at í ein­ um samfelag við einanas 50.000 fólkum ber til at gera einfaldar og meira effektivar loysnir, sum gera gerandis­ dagin bæði hjá borgarum og vinnuni lættari. Almenna fyrisitingin verð­ ­ur beinleiðis nevnd. Hon eigur at gerast betur egnað til føroysk viðurskifti. Allar samfelagsnýskipanir og lóg­ gáva skal gerast við støði í føroyska veruleikanum – og ikki eftir veruleikanum hjá onkrum øðrum. Ríkidømi til øll Tjóðveldi vil minka um vaks­ andi stættarmunin í Før­ oyum. Flokkurin heldur, at tess minni stættarmunurin er, tess sterkari gerst før­ oyska samfelagið og tí verð­ ur arbeitt fyri at fyribyrgja sosialum ójavnum. Flokkurin vil geera tað soleiðis, at tilber at liva í Føroyum av einari vanligari løn fyri vanligt arbeiði. Tí vil Tjóðveldi at ein skattalætti verður veittur meðal- og láginntøkunum. Hetta skal ger­ast í samstarvi við kom­ munurnar. Vinnulívið skal styrkjast og nýskipan av fiskivinnuni gerast. Flokkurin hekldur fast um, at fiskatilfeingið er ogn Føroya fólks. Rættindi og loyvir eiga ikki at kunna selj­ ast og keypast av privatum, men skulu fella aftur til landið, verða tey ikki brúkt. Flokkurin vil eisini hava, at allur fiskur kemur uppá land í Føroyum. Tað fer at skapa virðisøking og fáa fleiri hendur til arbeiðis á landi. Á matøkinum vil flokk­ urin, at Føroyar skulu gerast meira sjálvberandi. Til dømis skulu vit framleiða egnar mjólkaúrdráttir og egið grøn­ meti. Tað krevur sjálvandi at vit hava eina nútímans jarðar­ lóggávu við greiðum visjón­ um fyri landbúnaðin, men tað er flokkurin eisini sinn­ aður at gera. Heilsuverkið Eitt vælvirkandi heilsuverk er ein fortreyt fyri, at fólk trívast í Føroyum. Tí skal ein heildarætlan gerqst fyri heilsuverkið, sum tryggjar øllum føroyingum eina góða og trygga heilsutænastu á sama støði, sum hon er í hinum norðurlondunum. Flokkurin sigur eisini, at so at siga allar útbúgvingar í Føroyum eiga at styrkjast, umframt at fleiri nýggjar eiga at koma afturat. Tjóðveldi sigur, at tað er avgerandi, at tað er liviligt allastaðni í Føroyum. Flokkurin heldur, at fjøl­ broytni í Føroyum hongur saman við,a t vit búgva kring alt landið. Tí er neyðugt við stórum íløgum, so vit framvegis kunnu búgva sum vit gera. Samferðslukervið skal út­ byggjast við vegum, tunlum og ferjum og tað skal kosta tað sama at sigla, sum tað kostar at koyra millum bygdir. Í valskránni hjá Tjóðveldi verður sagt, at skal tað eydnast at fáa alt hetta at rigga, so skulu vit saman loysa teir trupulleikar sum eru. Nýggj fólk í tingbólkin hjá Tjóðveldi Seks fólk hava mannað ting­ bólkin hjá Tjóðveldi síðani valið 2011. Tey eru: Høgni Hoydal, 1054 atk. Kristina Háfoss, 451 atk. Bjørt Samuelsen, 365 atk. Gunnvør Balle, 358 atk. Páll á Reynatúgvu, 332 atk. Sirið Stenberg, 319 atk. Øll stilla upp til komandi val uttan Gunnvør Balle, sum hevur boðað frá, at hon stillar ikki uppaftur. Heldur veljarakanningin, so eru tvey pláss hjá val­evn­ unum at berjast um, ganga vit út frá, at tey fimm sum sit á tingi, verða afturvfald. Nýggj á listanum er Kat­ rin Kallsberg. Hon hevur helst ein góðan møguleika at vinna seg upp á listan, men Eisini Anita á Fríðriksmørk hevur møguleikan. Magni Arge, sum hevur tikið sæti á Fólkatingi fyri Høgna Hoydal, er eisini á listanum og eftir fólka­tings­ valinum at døma, hevur hann ein góðan møguleika at verða valdur. Eisini Anita á Fríðriks­ mørk er við í kappingini. Við seinasta løgtingsval fekk hon 270 atkvøður og á fólkatingsvalinum herfyri fekk hon 520 atkvøður. Flokkurin hevur eisini stilla borgarstjórarnar á Eiði, í Fuglafirði og í Eystur­kom­ munu upop hesaferð. Spurningurin er fyrst og fremst fyri Tjóðveldi um tað fer at eydnast flokkinum aftur at fáa umboðan í Eyst­ ur­oynni og í Norðoyggjum Her eru tey, sum Tjóðveldi stillar upp til 1. september Gunnvør Balle stillar ikki uppaftur