týsdagur 18. august 2015síða 12

Mikudagur 19. august 2015 · Nr. 94 12 Sosialurin Danjal av Rana Myndir: Lydia Hansen Turið Elinborgardóttir um­ boð­aði um vikuskiftið Før­oy­ ar í Miss Uni­verse kappingini í Keyp­manna­havn og end­in varð, at hon gjørdist numm­ ar tvey. Hon fekk tí heitið sum Miss Earth. – Eg eri ómetaliga glað og stolt yvir at hava vunnið heitið sum miss Earth, sigur Turið Elinborgardóttir, sum kom aftur til Føroya longu mánamorgunin. Hon greiðir frá, at kapp­ ingin byrjaði longu fríggja­ dagin, tá undan­umfarið varð. – Tá høvdu allar gentirnar eina stutta samrøðu við dóm­ararnar, umframt at vit vístu okkum fram, og í veru­ leikanum var fyrsta út­velj­ ingin, har talið av teimum luttakandi verður skorið nið­ ur til 12, longu framd fríggja­ kvøldið, tó uttan at nøkur okkara visti av tí, sigur Turið Elinborgardóttir. Leygardagin varð tað so aft­ur upp á pallin at fram­ føra ein dans, at vísa seg fram í bikini og at vísa seg fram í kjóla, áðrenn seks gent­ur aftur at vóru soldaðar frá. – Til seinast vóru vit so tríggir finalistar eftir, og eg var so heppin at gerast nummar tvey í kappingini og vinna heiðurin sum Miss Earth. Tí slepp eg eisini at umboða Dan­mark í Miss Earth kapp­ing­ini, sum verð­ ur hild­in í Wien í Eystur­ríki 5. de­sember í ár, sigur hon. Turið Elinborgardóttir greið­ir frá, at ein munur mill­ um Miss Universe og Miss Earth kappingarnar er, at Miss Earth kappingin tykist leggja meiri dent á umhvørvi og nátúrligan vakurleika. – Í miss Earth skulu vit ikki nýta smyrsl til fram­ førslurnar, umframt at tað tykist sum, at størri dentur verður lagdur á innara vak­ ur­leika, sigur hon. – Tað virkar eitt sindur sned­igt, at skula luttaka í Miss Earth, tí felagsskapurin aftanfyri hesa kappingina hevur eitt tætt tilknýti til Green­peace. Eg mátti tí líka fara at lesa upp á, at vita hvørja støðu Greenpeace hevur til grindadráp, men sum eg skilji, so er Green­ peace ikki líka nógv ímóti grinda­drápinum sum Paul Watson. Tey fara tó uttan iva at bíta merki í, at eg eri úr Føroyum, tá eg skal luttaka í Wien, men eg vænti ikki, at tað verður nakar vansi fyri meg. Eg ætli mær als ikki at dylja, at eg komi úr Føroyum, hóast eg í hesum sambandinum umboði Dan­ mark, sigur Turið Elinborgar­ dóttir. Umframt at verða kos­ in Miss Earth, varð hon eisini kosin Miss Critical Beauty. Critical Beauty er høvuðsstuðul av Miss Universe kappingini, og varð hendan kappingin avgjørd við at fólk kundu atkvøða fyri gentunum á sosialu miðlunum. Turið Elinborgardóttir fekk flestar atkvøður, og varð tí kosin Miss Critical Beauty. Cecilie Wellemberg varð annars kosin Miss Universe Danmark 2015. BARA EIN VAR Turið Elinborgardóttir úr Havn, sum umboðaði Føroyar, gjørdist nummar tvey í Miss Universe kappingini á Bella Sky sentrinum um vikuskiftið