týsdagur 18. august 2015síða 13

13 Mikudagur 19. august 2015 · Nr. 94 Sosialurin Turið Elinborgardóttir var ikki einasta føroyska um­ boðið í Miss Universe kapp­ ingini um vikuskiftið. Maria Andreasdóttir Sørensen, sum er ættað frá Gjógv, umboðaði heimkommunu sína, Vejen, og fekk hon eisini eina heið­ ursløn. Hon varð kosin Miss Congeniality 2015, sum best kann lýsast sum fittasta gent­an í kappingini. Heiðurin sum Miss Con­ geniality verður latin til ta gentuna, sum hinir lut­tak­ ar­arnir meta vera ta fittastu gentuna í kappingini. – Persónliga hevur ein slíkur heiður nógv at siga fyri meg. Eg eri so glað fyri, at hinar genturnar halda, at eg lyfti tær upp, at eg var tann, teimum dámdi best at vera saman við. Allar gent­urnar vóru so drivnar, stuðl­andi og fittar hvør við aðra. Eg eri púra ovfarin av, at tær halda, at júst eg hevði uppiborið hendan heiðurin, tí eg strembi altíð eftir, at fólk skulu trívast og kenna seg væl í míni nærveru, sigur Maria Andreasdóttir Søren­sen. Maria Andreasdóttir Søren­sen, ið sum nevnt um­ boða Vejen kommunu, er ættað frá Gjógv. Hon er 22 ára gomul og lesur í løtuni til tíðindafólk á Syddansk Universitet í Odense. Um­ framt hetta arbeiðir hon sum modell og sjónleikari og týðir tilfar til heimasíðuna purewellness.dk. – Eg eri uppvaksin á ein­ um bóndagarði á Jyllandi, hjá føroysku ommu míni, Maria á Gjógv ella Maria Sivertsen, gift Sørensen. Tað er eftir henni, eg eri nevnd. Hon er mín størsta fyrimynd og tann besta eykamamman, eg kundi droymt um. Hon gjørdi tjúkkar, føroyskar pannu­køkur og sang, fram­ førdi og lat meg og beiggja mín liva sum í eini søgu hjá Astrid Lindgren. Okkum fatt­aðist einki, sigur Maria Andreas­dóttir Sørensen. Sum luttakari í miss Universe, hevur hon gjørt nógv burtur úr at savna pen­inga til ymisk endamál, mill­um annað til ellisheimið, sum omma hennara er á nú. – Eg vóni, at halda á við tí framyvir, og í løtuni eri eg í samband við fyrireikararnar av eini legu fyri børn við krabba­meini, sum verður í heyst. So eg vóni, eg kann nýta mín »vakurleika« til at savna pening til slíkar legur. Harumframt vóni eg, at luttøkan her, verður ein pallur móti dreyminum at gerast sjónleikari. Tað er mín stóri dreymur, at liva av at liva meg inn í ymiskar leik­lutir. Tað er sum at spæla allan dagin, sigur Maria Andreas­dóttir Sørensen, sum longu mánamorgunin fór til Tailands, har hon komandi hálva árið skal vera í starvsvenjing hjá ScandAsia, sum er ein tíðinda­portalur fyri skandi­navar, búsitandi í Asia. Maria er tann fittasta Maria Andreasdóttir Sørensen, sum er ættað frá Gjógv, varð kosin tann fittasta gentan í Miss Univserse kappingini um vikuskiftið Laila av Reyni var triðja før­ oyska umboðið í Miss Uni­ verse kappingini. Tó at hon ikki var ein av luttakarunum, var hon í stóran mun til staðar á pallinum. Hon hevði nevniliga gjørt kjóla til allar 25 luttakararnar og einans tvær teirra valdu ikki at nýta hennara kjóla. – Harumframt var fyrr­ ver­andi vinnarin í einum av mínum kjólum, umframt at fleiri av mínum kjólum eisini vóru at síggja á reyða løp­ aranum, sigur Laila av Reyni. Upprunaliga skuldi hon einans gera ein kjóla til farna vinnaran, sum skuldi handa nýggja vinnaranum Miss Universe krúnuna, men sum tíðin leið, varð hon biðin um at gera kjólar til allar lut­ takararnar. – Tað er sera stuttligt at eiga ein pall á hendan hátt, at eiga allar kjólarnar á pallinum. Tað ger, at eg kann draga ein reyðan tráð gjøgnum alt kvøldið, sigur Laila av Reyni. Laila av Reyni sigur, at hetta hevur verið eitt ómetaliga stuttligt upplivilsi. – Allan vegin ígjøgnum havi eg følt meg sera virðis­ metta og tað er stuttligt at fáa so nógva viðurkenning. Hetta hevur eisini opna dyr til nýggjar avbjóðingar, millum annað eitt samstarv við GOLD hárproduktir, sigur Laila av Reyni. Hon hevði tó ikki megnað hetta einsamøll, og vil tí rósa samstarvsfelaga síni, Anniku Maisonsdóttir Mellemgaard. – Hon hevur verið við til allar framsýningarnar hjá mær og í Danmark syrgdi hon fyri, at kjólarnir sótu sum teir skuldu. Uttan hana hevði túrurin verið ómetaliga nógv strævnari, sigur Laila av Reyni. Hon sigur eisini, at hon longu hevur gjørt eina munn­liga avtalu við fyri­ skiparan, um at hon skal gera kjólar til luttakararnar næsta ár. – Hesaferð havi eg betri tíð, men satt at siga, so ar­ beiði eg best undir einum evsta marki, so allarhelst verið eg líka stressað næsta ár, hóast eg veit tað longu nú, sigur hon. Turið Elinborgardóttir var í einum kjóla frá Lailu av Reyni í kappingini leyg­ ar­dagin, men Laila av Reyni sigur, at hon fyribils ikki hevur gjørt nakra avtalu við nýkrýndu Miss Earth Dan­ mark um at gera ein kjóla til hennara til Miss Earth kappingina í desembur. – Tað geri eg tó fegin. Turið var vakrasta gentan í kappingini. Hon vaks fyri hvørt umfar hon fór gjøg­ num, og kundi sum einki vunnið kappingina, sigur Laila av Reyni, sum eisini var ein av dómarunum í kapp­ ingini. Skal gera kjólar aftur næsta ár At eiga allan pallin ger, at eg kann draga ein reyðan tráð gjøgnum alt kvøldið, sigur Laila av Reyni